Пожар на имотот на Хилари и Бил Клинтон


Њујорк, 4 јануари, 2018 - 11:04 (META) 

Пожар избил на имотот на поранешниот претседател на САД, Бил Клинтон и неговата сопруга Хилари, која му беше противкандидат на актуелниот претседател Доналд Трамп.

Полицијата во 14.50 часот по локално време вчера, примила дојава за пожар на вториот кат на помалиот објект на имотот на Клинтон во Чапаква, во државата Њујорк, кој го користи Тајната служба.

Нема информација за повредени во пожарот, a полицијата го расветлува случајот.

 


Меркел: Мораме да го чуваме наследството на Хелмут Кол


Стразбур, 1 јули, 2017 - 16:59 (META) 

Повеќе од 20 шефови на држави и повеќе стотици официјални претставници денеска присуствуваа на комеморацијата во Европскиот парламент во Стразбур, по повод смртта на поранешниот германски канцелар Хелмут Кол. Тие истакнаа дека Кол придонесе за обединувањето на Европа и за помирување на поранешните противници на континентот.

Ковчегот покриен со знамето на Еврпската Унија, кој го внесоа осум германски војници, беше поставен во средиштето на пленарната сала на Европскиот парламент за церемонијата, која е прва од ваков тип во историјата на Европската Унија.

Три венци беа поставени пред ковчегот, еден во боите на Германија, друг на Европската Унија и трет од неговата сопруга.

Германската канцеларка Ангела Меркел, стоејќи до ковчегот, рече дека Кол работел за обединување на Германија, додека други се двоумеле, додавајќи дека неговата мотивација секогаш била во Европа да нема повеќе војни.

„Сега е на нас да го зачуваме твоето наследство. Се поклунувам пред тебе и твоето сеќавање со благодарност и со понизност“, рече Меркел, која исто така, изрази лична благодарност за можностите и за помошта што Кол ѝ ги дал во нејзината кариера.

Претседателот на Европската комисија, Жан Клод Јункер, во пресрет на церемонијата изјави дека Хелмут Кол бил вистински Европеец и пријател и дека Европа му должи многу.

Претседателот на Европскиот парламент, Антонио Тајани, истакна дека Кол заслужува почесно место во пантеонот на Европа, бидејќи без двоумење им пружи рака на пријателство на новите демократии во Источна Европа по падот на Железната завеса.

Поранешниот претседател на САД, Бил Клинтон, рече дека Хелмут Кол пружи шанса да „бидеме вклучени во нешто поголемо од нас самите, од нашите мандати или минливи кариери“.

Премиерот на Русија, Дмитриј Медведев, на комеморацијата во Стразбур истакна дека „Кол беше творец на светскиот поредок“, додавајќи дека тој во Русија ќе остане запаметен како пријател и мудра и искрена личност.

На комеморацијата во Стразбур присуствува и делегација на македонската Влада, предводена од вицепремиерот за економски прашања, Кочо Анѓушев.

Хелмут Кол почина на 16 јуни оваа година, на 87-годишна возраст. Тој беше канцелар на Германија од 1982 до 1998 година од редовите на Христијанско-демократската унија, чиј лидер беше од 1973 до 1998 година. За време на неговото вршење на функцијата канцелар се случи паѓањето на Берлинскиот ѕид во 1989 година и повторно обединување на Западна и на Источна Германија во една држава. Тој беше заговорник за ширење на Европската Унија на исток и заедно со поранешниот француски претседател Франсоа Митеран беа главните архитекти на Договорот од Мастрихт за воведување заедничка европска валута – еврото.


ФБИ објави архива за Бил Клинтон стара 17 години


Вашингтон, 2 ноември, 2016 - 9:56 (META) 

Неколку дена пред претседателските избори во САД, ФБИ објави архивирани податоци стари 17 години, кои содржат документи за долго затворена истрага за тоа како Бил Клинтон, како претседател, го помилувал финансиерот Марк Рич, осуден во 1983 година, кој бил во бегство.

Рич побегнал во Швајцарија за да избегне гонење, а почина во 2013 година.

Портпаролот на Белата куќа, Џош Ернест, рече дека не е познато дали некој од Белата куќа бил консултиран за овие материјали пред да бидат објавени.

Најново обелоденување документи од страна на ФБИ повторно го отвори прашањето во изборниот штаб на Хилари Клинтон, за моментот на нивното објавување.


Бил Клинтон ќе говори на погребот на Мохамед Али


Скотсдејл, 5 јуни, 2016 - 13:59 (META) 

Мохамед Али ќе биде погребан на 10 јуни, во родниот град Луисвил, Кентаки, соопшти портпаролот на семејството на легендарниот боксер.

На церемонијата ќе говорат поранешниот американски претседател Бил Клинтон, новинарот Брајан Гембел и актерот Били Кристал, рече портпаролот на семејството, Боб Ганел, на прес-конференција во Скотсдејл, Аризона.

Церемонијата ќе се пренесува во живо преку интернет. Семејството на еден од најдобрите боксери на сите времиња, ќе се собере на приватна церемонија в четвртокот.

– Мохамед Али починал како резултат на септичен шок од недефинирана природна причина – изјави Ганел.

Поранешниот светски шампион беше примен во болница во четвртокот со респираторни проблеми. Последните часови Мохамед Али ги поминал со своите блиски. Ноќта во петок спроти сабота, тој почина во болница на 74-годишна возраст, а во последните 32 години страдаше од Паркинсонова болест.


Бил Клинтон: Хилари е најквалификуван кандидат за Белата куќа


Вашингтон, 4 јануари, 2016 - 21:01 (META) 

Поранешниот претседател на САД, Бил Клинтон, денеска изјави дека неговата сопруга Хилари е најквалификуван кандидат за американски претседател во последниот полoвина век.

Клинтон денеска првпат се вклучи во преизборната кампања на својата сопруга, која е кандидат за демократска номинација на претседателските избори што ќе се одржат оваа година.

– Не сум видел некој кој се кандидира за оваа работа во ваков значаен момент, да е подобар во знаење, искуство и темперамент за да го направи тоа што мора да се направи. Во несигурен свет, каде границите сè повеќе изгледаат како мрежи отколку како ѕидови и каде никој нема целосна контрола, таа сфаќа што е потребно за нашата земја да остане што е можно побезбедна – изјави Клинтон во Њу Хемпшир.

Клинтон потсети на тоа што таа го направи како државен секретар и предизвика смеа кога рече дека ни самиот не верувал дека ќе успее да ги убеди Кина и Русија да ги укинат санкциите кон Иран.

Во својот говор, тој не се осврна на коментарите на еден од кандидатите на Републиканската партија, Доналд Трапм, кој неодамна ги критикуваш сопружниците Клинтон.

– Најлошата работа која можеше Хилари да ја направи е да го вклучи својот сопруг во кампањата – рече Трамп.