!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Бијонсе триумфираше на „Ем-ти-ви видео-музички награди“


Њујорк, 29 август, 2016 - 15:46 (META) 

Поп-пејачката Бијонсе доби најголем број награди на годинешните „Ем-ти-ви видео-музички награди“, за кои церемонијата за доделување се одржаа вчеравечер во „Медисон сквер граден“ во Њујорк.

Од 11 номинации, Бијонсе си замина со осум награди, меѓу кои и тие за најдобар видеоспот на женски изведувач, кореографија, монтажа, како и главната награда за видеоспот на годината за песната „Formation“ од нејзиниот последен албум.

Таа имаше настап во кој изведе пет композиции од албумот „Lemonade“, а изведбата ја посвети на жртвите на поплавите во Луизијана.

Калвин Харис ги доби наградите за најдобар видеозапис на машки изведувач за „This Is What You Came For“, за кој соработуваше со Ријана, и за најдобар електронски видеоспот за „How Deep Is Your Love“.

Женската група „Фифт хармони“ победи во категоријата за најдобра соработка за „Work From Home“ со раперот Ту Дола Сајн.

Дрејк ѝ ја додели наградата за животно дело на Ријана, а тој доби награда за најдобар хип-хоп видеоспот за „Hotline Bling“.


„Happy“ на Фарел, најсимнувана песна на „Ајтјунс“


Купертино, 10 декември, 2014 - 10:29 (META) 

„Happy“ на Фарел Вилијамс е песната што ја одбележа 2014 година според листата на најпродавани песни на „Ајтјунс“, објави „Епл“. Баладата на Џон Леџенд „All of me“ е на второто место, а „Dark horse“ на Кети Пери го освои третото место. „Talk dirty“ од Џејсон Деруло застана на четворото место, „Fancy“ на Иги Азалија на петто, „Problem“ на Аријана Гранде на шестото, „All about that bass“ на Меган Трејнор на седмото, а музичката подлошка за филмот „Снежното кралство“, „Let it go“, го освои осмото место. „Turn down for what“ на Снејк и на Лил Џон и „Rude“ на Меџик ги заоуркужуваат надобрите 10 за 2014 година. За најдобар албум прогласен е „Frozen“ од анимираниот филм на Дизни, зад него се наоѓа „1989“ на Тејлор Свифт, а на трето место е „Ghost Stories“ на „Колдплеј“. За најдобар артист е прогласена Бијонсе, а за најдобра песна „Fancy“ на Иги Азалија.

 


Бијонсе, најплатена пејачка за 2014 година


Њујорк, 5 ноември, 2014 - 12:39 (META) 

Магазинот „Форбс“ ја објави листата на првите десет најплатени жени во музичката индустрија за 2014 година. На прво место е пејачката Бијонсе, која заработила 115 милиони долари благодарение на нејзината светска турнеја. Втора на листата е Тејлор Свифт, со заработка од 64 милиони долари, а трета е Пинк со заработени 52 милиони долари. На четврто место е Ријана, а по неа следуваат Кејти Пери, Џенифер Лопез, Мајли Сајрус, Селин Дион, Лејди Гага и Бритни Спирс.