!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Горивата поскапуваат од ноќеска на полноќ


Скопје, 18 април, 2017 - 12:45 (META) 

Бензинот од ноќеска на полноќ поскапува за 2,5 денари, а дизел-горивото за два денара по литар, одлучи денеска Регулаторната комисија за енергетика (РКЕ).

Новата цена на „еуросупер БС-95“ ќе изнесува 67,5 денари за еден литар, литар „еурoсупер БС 98“ ќе се продава за 69,5 денари, а литар „еуродизел“ за 52,5 денари.

РКЕ ја утврди новата цена на горивата врз основа на движењето на просечната цена на суровата нафта на светскиот пазар во изминатите 14 дена и курсот на доларот во однос на денарот.


Дизел-горивата поевтинуваат за 1,5 денар, а цената на бензинот останува иста


Скопје, 3 април, 2017 - 13:18 (META) 

Дизел-горивата од ноќеска на полноќ поевтинуваат за еден и пол денар за литар, а цената на бензинот останува иста, одлучи денеска Регулаторната комисија за енергетика (РКЕ).

Малопродажната цена на „еуросупер БС-95“ останува 65 денари за еден литар, а на „еуросупер БС- 98“ е 67 денари за литар. Новата цена на „еуродизел“ ќе изнесува 50,5 денари.

Како причина за намалувањето на цените на нафтените деривати од РКЕ ги посочуваат за 1,71 отсто пониската просечна цена на суровата нафта на светскиот пазар во изминатите 14 дена и за 2,27 отсто понискиот курс на доларот во однос на денарот.


Горивата поскапуваат од ноќеска на полноќ


Скопје, 6 март, 2017 - 13:36 (META) 

Цената на дизел-горивата од ноќеска на полноќ се зголемува за 1,5 денар по литар, а цената на бензинот се зголемува за 0,5 денари по литар, одлучи денеска Регулаторната комисија за енергетика (РКЕ).

Малопродажната цена на „еуросупер БС-95“ ќе изнесува 67 денари за еден литар, а „еуросупер БС-98“ ќе се продава за 69 денари.

Новата цена на дизелот е 54 денари за еден литар.


Горивата поскапуваат за половина денар


Скопје, 6 февруари, 2017 - 14:18 (META) 

Малопродажните цени на „еуросупер БС-95“ и на „еуродизел“ од полноќ се зголемуваат за половина денар за еден литар, соопшти денеска Регулаторната комисија за енергетика.

Новата цена на „еуросупер БС-95“ ќе изнесува 66,5 денари за литар, а на „еуродизел“ 53 денари за литар.

Малопродажната цена на „еуросупер БС-98“ не се менува, односно останува 68,5 денари за еден литар.

 


Горивата поевтинуваат од ноќеска на полноќ


Скопје, 23 јануари, 2017 - 13:00 (META) 

Цената на „еуросупер БС-95“ ќе се намали за еден денар и ќе изнесува 66 денари за еден литар, додека цената на „еуросупер БС-98“ се намалува за половина денар и ќе изнесува 68,5 денари за литар, одлучи денеска Регулаторната комисија за енергетика.

Новата цена на еден литар дизел-гориво ќе изнесува 52,5 денари.

Просечната цена на суровата нафта на светскиот пазар изнесуваше 54,2 долари за еден барел, а курсот на денарот во однос на доларот изнесуваше 57,93 денари за еден долар.


Бензинот поскапува за половина денар


Скопје, 9 јануари, 2017 - 14:37 (META) 

Бензинот поскапува за половина денар од ноќеска на полноќ, додека дизел-горивото останува со непромената цена, одлучи Регулаторна комисија за енергетика.

Во согласност со одлуката на комисијата, еден литар „еуросупер БС-95“ ќе се продава за 67 денари, а „еуросупер БС-98“ за 69 денари за литар.

Цената на „еуродизел“ останува непроменета, односно 53,5 денари.

Од РКЕ велат дека зголемувањето на цените се должи на повисоката цена на суровата нафта на светскиот пазар за 1,6 отсто.


Горивата поскапуваат од ноќеска на полноќ


Скопје, 26 декември, 2016 - 13:05 (META) 

Бензинот и дизел-горивата од ноќеска на полноќ поскапуваат за два денара по литар, одлучи денеска Регулаторната комисија за енергетика (РКЕ).

Новата малопродажна цена на „еуросупер БС-95“ ќе изнесува 66,5 денари за еден литар, „еуросупер БС-98“ ќе се продава за 68,5 денари, а еден литар „еуродизел“ ќе чини 53,5 денари.

Како причина за зголемувањето на малопродажните цени на нафтените деривати од РКЕ ги посочуваат просечната цена на суровата нафта на светскиот пазар во изминатите 14 дена и за 2,1 отсто повисокиот курс на доларот во однос на денарот.


Горивата поскапуваат од ноќеска на полноќ


Скопје, 12 декември, 2016 - 15:15 (META) 

Бензинот и екстралесното масло за домаќинство од ноќеска на полноќ поскапуваат за 2,5 денари за литар, а цената на дизел-горивото се зголемува за три денари, објави денеска Регулаторната комисија за енергетика.

Во согласност со новата одлука на Регулаторната комисија за енергетика, „еуросупер БС-95“ ќе се продава по цена од 64,50 денари за еден литар, „еуросупер БС-98“ за 66,50 денари, а еден литар екстралесно масло за домаќинство ќе чини 40 денари.

Новата цена на „еуродизелот“ ќе изнесува 51,50 денари за еден литар.

Регулаторната комисија за енергетика соопшти дека новите цени на горивата се поради повисоката цена на суровата нафта на светскиот пазар и понискиот курс на денарот во однос на доларот во изминатиот 14-дневен период.


Горивата поскапуваат за два денари по литар


Скопје, 28 ноември, 2016 - 14:21 (META) 
Од ноќеска на полноќ, бензинот поскапува за два денари по литар, а нафтата за денар и половина, одлучи Регулаторната комисија за енергетика.
„Еуросупер БС-95“ ќе се продава за 62 денари за еден литар, а литар „еуросупер БС-98“ ќе чини 64 денари.
 Малопродажната цена на „еуродизелот“ се зголемува за 1,5 денар за еден литар.

Горивата ќе поевтинат за три денари


Скопје, 14 ноември, 2016 - 12:35 (META) 

Малопродажните цени на „еуросупер БС-95“, на „еусросупер БС-98“ и на „еуродизел“ ќе се намалат за три денари по литар од вечерва на полноќ, одлучи Регулаторна комисија за енергетика.

Со намалувањето, малопродажната цена на „еуросупер БС-95“ ќе изнесува 60 денари за еден литар, „еусросупер БС-98“ ќе се продава по 62 денари за еден литар, а малопродажната цена на „еуродизел“ ќе изнесува 47 денари за еден литар.