За половина денар ќе поскапи Еуросупер БС-95


Скопје, 6 август, 2018 - 13:36 (META) 

Бензинот Еуросупер БС-95 од полноќ поскапува за половина денар, и ќе се продава за 71,5 денари за литар, додека малопродажните цени на Еуросупер БС-98, на Еуродизелот и на Екстра лесното масло за домаќинство останува непроменета.

Согласно одлуката, се намалува цената на мазутот и таа ќе изнесува 33,65 денари за килограм.


Бензините поевтинуваат за еден денар, дизелот останува со иста цена


Скопје, 25 јуни, 2018 - 14:24 (META) 

Со одлука на Регулаторната комисија за енергетика (РКЕ), од ноќеска на полноќ бензините ќе се продаваат по цени пониски за еден денар од досегашните.

Така, новата цена на ЕУРОСУПЕР БС-95 ќе биде 71 денар за литар, а на ЕУРОСУПЕР БС-980 73 денари за литар. Цената на дизелот останува на 63,5 денари за литар.

Малопродажната цена на екстра лесното масло за домаќинство се намалува за половина денар и ќе изнесува 52 денари за литар.

Цената на мазутот М-1 НС се намалува за 0,09 денари и ќе биде 33,695 денари за килограм.


ВМРО-ДПМНЕ: Секое домаќинство во просек плаќа 12.000 денари повеќе за дизел од лани


Скопје, 29 мај, 2018 - 9:30 (META) 

СДСМ удри по најсиромашните, секое домаќинство во просек плаќа 12.000 денари повеќе за дизел од лани, се вели во соопштението на ВМРО-ДПМНЕ.

Во него се додава дека „СДСМ не работи за граѓаните, затоа и ја покачи акцизата за 3,5 денари.“

„Тоа предизвика директен трошок од над 40 милиони евра за граѓаните и за стопанството, а во исто време ја поттикна спиралата на раст на цените, со што трошокот за граѓаните е неколкукратно поголем. Фрапантни се бројките кои покажуваат дека со една просечна плата во јуни 2017 година се купувале 487 литри дизел, а сега да можат да се купат само 364 литри, односно 123 литри помалку“, се додава во соопштението.

ВМРО-ДПМНЕ ги повикува сите граѓани кои не се сложуваат со, како што велат, економската катастрофа која и се случува на државата на 2 јуни во 20 часот пред Владата, да излезат и да кажат „НЕ за економскиот колапс, за распродажбата на националните интереси, за заробената држава и партизираното судство.“


Горивата поскапуваат за два денари


Скопје, 30 април, 2018 - 18:53 (META) 

Од полноќ малопродажните цени на бензините Еуросупер 95 и Еуросупер 98, како и на Еуродизелот и на Екстра лесното масло за домаќинство се зголемуваат за два денара по литар, соопшти денеска Регулаторната комисија за енергетика (РКЕ).

Според РКЕ, малопродажната цена на Еуросупер 95 ќе биде 70 денари, на Еуросупер 98 71,5, на Еуродизелот 62, а на Екстра лесното масло за домаќинство 50,5 денари за литар.

Се зголемува и малопродажната цена на мазутот, за 1,317 денари, поради што килограм ќе чини 30,037 денари.


Бензините и дизелот поевтинуваат за 2,5 денари


Скопје, 19 февруари, 2018 - 13:17 (META) 

Со денешната одлука на Регулаторната комисија за енергетика, малопродажните цени на горивата од вечерва на полноќ се намалуваат за 6,19 отсто.

Со тоа цените на бензините ЕУРОСУПЕР-95, ЕУРОСУПЕР-98 и на ЕУРОДИЗЕЛ се намалуваат за 2,5 денари.  Од вечерва на полноќ, еден литар ЕУРОСУПЕР-95 ќе чини 65,5 денари, еден литар ЕУРОСУПЕР-98 ќе чини 67 денари, а еден литар ЕУРОДИЗЕЛ ќе чини 57 денари.


Дизелот поевтинува, а бензинот поскапува одлучи РКЕ


Скопје, 5 февруари, 2018 - 13:04 (META) 

Цените на дизел горивата од ноќеска на полноќ поевтинуваат за еден денар, а бензинот „еуросупер БС-95“ поскапува за половина денар, одлучи денеска Регулаторната комисија за енергетика (РКЕ).

Новата малопродажна цена на „еуросупер БС-95“ ќе изнесува 68 денари, а цената на бензинот „еуросупер БС-98“ е непроменета, односно 69,5 денари за литар. „Eуродизел“ ќе се продава за 59,5, денари.

Како причина за промената на малопродажните цени на нафтените деривати од РКЕ ги посочуваат за 0,7 отсто пониската просечна цена на суровата нафта на светскиот пазар во изминатие 14 дена и за 1,28 отсто понискиот курс на доларот во однос на денарот. 


Минимално зголемување на цените на горивата, од ноќеска на полноќ


Скопје, 9 јануари, 2018 - 12:35 (META) 

Од ноќеска на полноќ, дизелот поскапува за еден денар по литар, а цената на „еуросупер БС-98“се зголемува за половина денар по литар, одлучи денеска Регулаторната комисија за енергетика (РКЕ).

Малопродажната цена на бензинот „еуросупер БС-95“ останува 66,5 денари за литар, „еуросупер БС-98“ ќе се продава за 68,5, а „еуродизел“ за  59,5 денари.

Како причина за зголемувањето на цените на нафтените деривати од РКЕ ги посочуваат за 3,81 отсто повисоката просечна цена на сурoвата нафта на светскиот пазар во изминатите 14 дена и за 1,54 отсто понискиот курс на доларот во однос на денарот.


Дизел-горивото поскапува, бензинот останува со иста цена


Скопје, 10 јули, 2017 - 14:48 (META) 

Регулаторната комисија за енергетика со најновата одлука за цените на горивата, определи поскапување само на дизел-горивото, додека бензинот останува со истата цена како во последниве две недели.

Со поскапувањето од половина денар, новата цена на дизел-горивото ќе изнесува 47 денари за еден литар, додека бензинот „еуросупер-95“ и „еуросупер-98“ и во следните две недели ќе се продаваат по 60,5, односно 62,5 денари за еден литар.

Новите цени стапуваат на сила ноќеска од полноќ и ќе важат следните две седмици.


Бензинот поевтинува за два денари, дизелот за денар и пол


Скопје, 27 јуни, 2017 - 13:13 (META) 

Регулаторната комисија за енергетика денеска ја објави својата најнова одлука за цените на горивата, со кои бензинот во следните две седмици ќе се продава за два денари помалку од денешните цени, а дизелот ќе поевтини еден и пол денар.

Така, цените на „еуросупер-95“ и на „еуросупер-98“ ќе изнесуваат 60,5 денари, односно 62,5 денари. Цената на „еуродизел“ се намалува за еден и пол денар и еден литар дизел-гориво од вечерва ќе чини 46,5 денари.

Новите цени стапуваат на сила вечерва на полноќ.


Бензинот поевтинува за еден и пол денар, дизелот за 2,5 денари


Скопје, 12 јуни, 2017 - 12:33 (META) 

Регулаторната комисија за енергетика најави поевтинување на горивата, а новите пониски цени ќе важат од полноќ.

Според одлуката за цените на горивата објавена на веб-страницата на комисијата, цената на „еуросупер-95“ и на „еуросупер-98“ се намалува за еден и пол денар, па еден литар од овие горива ќе чини 62,5 денари, односно 64,5 денари. Цената на „еуродизел“, пак, се намалува за 2,5 денари и еден литар дизел-гориво ќе чини 48 денари.

Следната одлука за цените на горивата Регулаторната комисија за енергетика ќе ја донесе по две седмици.