Заев: Не сакаме во НАТО за да напаѓаме, туку заради мир во светот


Скопје, 30 март, 2018 - 15:21 (META) 

Премиерот Зоран Заев по вчерашните силни предупредувања од амбасадорот на Русија, Олег Шчербак кон Македонија за нејзината намера да стане членка на НАТО, денеска порача дека земјава сака во НАТО заради мирот во светот и почитувањето на човековите права.

Заев на денешната прес конференција изрази надеж дека двете земји ќе бидат фокусирани на градење пријателство, а не на кавги.

– Постапивме согласно законите и Виенската конвенција. Македонија има стратешки цели, а тоа се членството во НАТО и ЕУ. Не бараме членство во Алијансата за некого да напаѓаме, туку за мир во светот и почитување на човековите права – рече Заев, нагласувајќи дека власта останува на длабоката определба да ги унапреди односите со Русија.


Шчербак: Во евентуален судир меѓу Русија и НАТО, Македонија ќе биде легитимна мета


Скопје, 29 март, 2018 - 14:36 (META) 

На денешната прес-конференција на која зборуваше за трагедијата во трговскиот центар во сибирскиот град Кемерово, кога во пожар во трговскиот центар загинаа 64 луѓе, како и за протерувањето на рускиот дипломат од Македонија, амбасадорот на Руската Федерација во Македонија, Олег Шчербак, упати силни предупредувања кон Македонија во поглед на нејзината намера да стане членка на НАТО. Тој предупреди и на воени дејствија врз Македонија во случај НАТО да ја нападне Русија

– Доколку дојде до судир меѓу Русија и НАТО и вие ќе ја имате улогата на легитимна мета – рече Шчербак.

Тој тврди дека НАТО е агресивен сојуз кој би можел да ја вовлече Македонија во агресивни акции. Но тоа, доколку е насочено кон Русија, ќе предизвика соодветна реакција и од Русија врз Македонија, порача рускиот амбасадор.

– НАТО е единствениот военополитички блок, рудимент и инструмент на Студената војна, којшто се крие зад лозунгот на евроатлантската солидарност. НАТО е виновен за почнување на многу војни со милионски жртви, како што се нападите на Југославија, Либија, Сирија и Јемен. Во воената доктрина, НАТО и нејзиниот предводник САД ја прогласија Руската Федерација за ривал. И како ние можеме да ги поздравиме обидите Република Македонија да се вовлече во НАТО? И да стане база за евентуални војни на оваа агресивна алијанса? Република Македонија со вклучувањето ќе стане дел од оваа воена машинерија и дел од агресија на Русија. Со тоа вие ќе станете мета на возвратен удар од Русија. Дали ви треба ова вам и на вашите деца? Освен тоа, зачленувањето во НАТО ќе доведе до ограничување на суверенитетот и ограничување на надворешната политика – рече Шчербак.

Според него, спротивно на прогласите, членството во НАТО нема да го зацврсти територијалниот интегритет на земјата. Како што рече Шчербак, бесмислено е да се тврди дека Македонија е под закана и дека само НАТО може да ја одбрани, кога земјата од сите страни е обиколена од НАТО, па може да ја нападне „само НАТО или вонземјани“.

– Земјата од сите страни е обиколена со членки на НАТО, Албанија, Грција, Бугарија, на Косово се наоѓа една од најголемите воени бази на НАТО, а Србија е активен партнер на НАТО. Значи, воздушниот простор и надворешните граници на РМ се под контрола на НАТО. Кој може да ја нападне Македонија? Само НАТО или вонземјани – рече рускиот амбасадор.

Според него, атмосферата на доверба во регионалната соработка од зачленувањето на Македонија во НАТО ќе биде нарушена и ќе се нанесе штета на регионалната безбедност.

– Република Македонија и македонскиот народ треба да разберат дека Русија негува длабоки духовни односи и на пријател и партнер. За разлика од другите држави, Македонија за Русија е суверена држава и во тие рамки има право да донесува одлуки за својот национален интерес. Ние не ви кажуваме со кого да се дружите и со кого да соработувате, но сметаме дека наш човечки долг е да објасниме на Македонија и на народот дека вакви сериозни и судбоносни одлуки, како зачленување во агресивен блок, се донесуваат по длабоко размислување. Особено не на брзина, и задолжителнно со водење сметка за сите демократски процедури, како земање предвид на мислењето на својот народ. Би сакал да потсетам на нашата заедничка поговорка „Три пати мери – еднаш сечи“ – рече рускиот амбасадор.


Базата „Бондстил“ доби командант со српско потекло


Приштина, 21 март, 2018 - 10:33 (META) 

Полковникот Ник Дучиќ, Американец со српско потекло, е новиот командант на американската база „Бондстил“ на Косово.

– Јас сум прв американски офицер со српско потекло кој ќе командува со мултинационалната борбена група Исток стационирана во “Бондстил“ – вели овој рече овој висок офицер од САД.

Тој во Косово доаѓа од позицијата командант на 79-та пешадиска бригада на Националната гарда на Калифорнија. На преземањето на должноста од досегашниот Командант, полковник Михаел Спрагинс, Дучиќ вети дека улогата на КФОР останува непроменета во обезбедувањето сигурна средина и слобода на движење.

Дучиќ завршил воен колеџ во 2014 година, а магистрирал на Универзитет Мериленд како нуклеарен инженер.


Базата на САД во Британија затворена поради безбедносен инцидент


Лондон, 18 декември, 2017 - 18:47 (META) 

Британската полиција уапси маж кој со автомобил се обидел да влета во американската воздухопловна база на истокот на Англија.

Американската база „Милденхол“ била затворена поради безбедносен инцидент а извори од британското Министерство за одбрана наведуваат дека едно лице е уапсено.

Според првичните информации, еден маж се обидел со автомобил да влета во американската база по што бил уапсен.


Русија демантира дека ќе има нова воена база во Сирија


Москва, 20 март, 2017 - 20:24 (META) 

Русија не планира да отвори нова воена база во Сирија, соопшти руското министерство за одбрана.

Изјавата доаѓа откако портпаролот на курдската единица за заштита на народот во Сирија, Редур Шелил, изјави дека на северозападот на земјата, Русија воспоставува нова воена база во договор со Курдите, кои ја контролираат таа област.

„Нема никакви планови за воспоставување нови руски воени бази на територијата на Сирија“, се наведува во соопштението на министерството.

Портпаролот на Курдите претходно наведе дека во таа база ќе бидат обучувани борците на единица за заштита на народот за борба против тероризмот.

Шелил тврдеше дека договорот со Русија е постигнат вчера и дека руските трупи со транспортери и со оклопни возила веќе пристигнуваат на позицијата во северозападната покраина Африн.


Населението од Дебрца најави блокада на патниот правец Охрид-Кичево-Скопје


Охрид, 18 февруари, 2017 - 11:51 (META) 

Жителите од општина Дебрца, утре од 10 часот, уште еднаш, како што велат, ќе протестираат мирно, а доколку повторно надлежните не го слушнат нивниот глас, најавија целосна блокада на автопатот Охрид-Кичево-Скопје.

Во неколку наврати жителите од оваа мала општина се собираа на протести против изградбата на асфалтна, бетонска база и сепарација во местото викано Царополе, кај Ново Село.

После еден од последните протести, министерот за транспорт и врски Владо Мисајловски, ја посети општина Дебрца. Тогаш тој најави дека ќе оствари средба со инвеститорот и со локалното население, кое се противи на изградбата на асфалтна и бетонска база, за да се изнајде заедничко и соодветно решение и за двете страни.

Жителите не добиле повратен одговор од министерот, додека фирмата која е ангажирана од кинеската корпорација која го гради автопатот – „Викторија Инвест” од Република Албанија, продолжила со подготовките за изградба на спорниот објект.

Тие укажуваат и на незаинтересираноста и инертноста на локалната власт и градоначалникот на општина Дебрца за нивниот проблем.

Утрешниот протест, што ќе се одржи кај бензинската пумпа кај Ново село, формално е свикан од Здружението на граѓани – Песочани. Уште еднаш ќе бидат побарани потребни мерки против изградбата на базите, предупредувајќи дека тоа ќе предизвика големи негативни последици врз животната средина во околината.

Доколку градежните активности и натаму продолжат, месното население на општина Дебрца, најави целосна блокада на патниот правец Охрид-Кичево – Скопје.


БИРН: Странците инвестирале седум пати помалку од најавеното


Скопје, 23 јануари, 2017 - 11:51 (META) 

Странските инвеститори инвестирале седум пати помалку од најавеното и отвориле три пати помалку работни места отколку што ветиле, покажува базата на податоци  „Странски инвестиции под лупа“ изработена од новинарскиот тим на БИРН Македонија.

Истражувањето опфатило 138 инвестиции што биле најавени или промовирани од Владата во период од 2007 до 2016 година. Тоа покажува дека дури 43 од најавените странски инвестиции воопшто не се реализирани или, пак, се пропаднати, што е речиси третина од вкупниот број инвестиции опфатени во базата.

Податоците што произлегоа од истражувањето на БИРН покажуваат дека само четири странски компании што инвестирале во земјава, вложиле толку пари колку што ветиле или дури и повеќе од тоа, а другите инвестирале значително помалку средства или воопшто не инвестирале.


Вратена струјата во Инџирлик, базата подготвена за мисии


Анкара, 22 јули, 2016 - 18:25 (META) 

По една недела, воздушната база Инџирлик на југот на Турција, која ја користат американските сили за воздушни напади на Исламска држава, повторно е приклучена на комерцијално напојување со електрична енергија.

Европската команда на САД во Штутгарт соопшти дека повторно е воспоставена електрична енергија во базата и дека постои континуиран дотек на храна, вода и на гориво, како за воениот персонал така и за цивилите.

Во соопштението стои дека базата Инџирлик, која ја користат неколку илјади членови на американската војска, од 16 јули користела струја од генератор и дека САД и турската војска работеле на тоа да осигураат дека базата е целосно подготвена за од таму да продолжат мисиите против терористите.


Турската полиција врши претрес во базата на НАТО, Инџирлик


Адан, 18 јули, 2016 - 18:07 (META) 

Во тек е рација на турската полиција и на обвинителите во Инџирлик, воздушната база на НАТО близу градот Адан, во која се наоѓаат повеќе од 1.500 американски војници, јавуваат „Си-ен-ен Турк“ и агенцијата „Анадолија“.

Оваа база два дена беше затворена, а наводно властите во тој период ја прекинале и струјата поради сомнеж дека одредени учесници во државниот удар против претседателот Реџеп Таип Ердоган, во оваа база наполниле гориво за хеликоптерите од кои подоцна пукале на зградите на државните институции.

Исто така, турските власти се сомневаат дека еден борбен авион „Ф-16“ е киднапиран од базата и дека учествувал во нападот на режимот на Реџеп Таип Ердоган.

 


Најмалку 10 војници убиени во напад на Ал шабаб во Сомалија


Могадишу, 11 јули, 2016 - 13:05 (META) 

Екстремисти на сомалиската исламистичка група Ал шабаб влегле со автомобил полн со експлозив во база на сомалиската војска југозападно од престолнината Могадишу.

Во експлозијата убиени се најмалку 10 војници, соопштија Ал шабаб и едно официјално лице од сомалиската војска.

Портпаролот на екстремистичката група потврди дека зад нападот стојат броци на Ал шабаб.

Ал шабаб често врши напади во сомалискиот главен град, во настојување да ја тргне од власт актуелната влада која има поддршка од западните земји.

На крајот на јуни годинава, најмалку 15 лица загинаа откако сомалиската исламистичка терористичка организација изведе самоубиствен напад во хотел во центарот на Могадишу, при кој нејзини припадници упаднаа во хотелот и зедоа заложници.