!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Маж тешко ранет во ресторан во скопско Батинци


Скопје, 9 септември, 2017 - 14:16 (META) 

Крвава пресметка се случила вчера во скопското село Батинци, при што еден жител на селото е тешко ранет, а полицијата трага по неговите напаѓачи.

Како што соопшти полицијата, рано попладнето дошло до тепачка во ресторан во селото, по што противниците излегле надвор и таму продолжиле да се пресметуваат. Во еден момент било стрелани кон 35-годишниот Р.А. од Батинци, при што добил прострелни рани во нозете. Потоа напаѓачите избегале со автомобил „ауди А8“.

Ранетиот бил префрлен во Градска општа болница „8 Септември“, каде му била направена операција.
По добиената информација, тим од единицата „Алфа“ го пронашол возилото на кое биле забележани оштетувања од огнено оружје. На местото на настанот било пронајдено и патничко возило „пежо“, сопственост на С.А. од селото Батинци.

СВР Скопје известува дека се работи на пронаоѓање на сторителот и на целосно расчистување на случајот.


Шеснаесетгодишник од Батинци доби кривична пријава за обид за разбојништво


Скопје, 30 март, 2017 - 15:01 (META) 

Дека се обиделе да ограбат казино во раните утрински часови на 3 март, СВР Скопје товари шеснаесетгодишник од Батинци и негов четири години постар соселанец.

Кривична пријава за обид за разбојништво добија А.Т. (20) и шеснаесетгодишникот, двајцата од скопското село. Тие во 3.45 часот влегле во казиното на улицата Иван Хаџи-Николов во Скопје и заканувајќи се со ладно оружје, од вработените побарале да им го дадат дневниот промет. Сепак, вработените се спротивставиле и ја осуетиле намерата на младите разбојници.


Акција на СЈО во скопско Батиници


Скопје, 8 март, 2016 - 12:42 (META) 

По налог на Специјалното јавно обвинителство, припадници на посебната полициска единица Алфи, од утрово се во скопско Батинци.

Неофицијално се дознава дека се врши претрес во куќа на еден од осомничените во случајот „Титаник“. Засега нема официјални информации од МВР, а од СЈО најавија за подоцна повеќе детали за акцијата. Во текот на денот ќе има повеќе информации за акцијата.


Николовски: СДСМ нема да учествува и нема да дозволи уште едни криминални избори


Скопје, 23 февруари, 2016 - 20:38 (META) 

Дополнителниот заменик-министер за земјоделство, шумарство и водостопанство, Љупчо Николовски, со жителите на Студеничани, Батинци и на Долно Количани разговараше за невработеноста и за тешкиот секојдневен живот, проблемот со иселувањето на младите кои бараат подобро утре надвор од земјава, соопштуваат од СДСМ.

Како што се наведува во партиското соопштение, жителите се пожалиле на лошата патна инфраструктура, како и на немање основни услови за нормален живот.

– Оваа расипничка власт во заминување на криминален начин потроши 630 милиони евра за споменици. Со само 2,5 милиони евра можеа да се решат сите проблеми во вашето населено место, пат, водовод, канализација, сè, да се создадат нормални услови за живот. Ние имаме решенија, имаме мерки во програмата, знаеме како да ги вратиме младите дома. За секој млад човек ќе обезбедиме иднина во својата земја – рече Николовски.

На средбите со граѓаните се разговарало и за актуелната политичка ситуација во Македонија. Николовски го повторил ставот дека СДСМ нема да учествува и нема да дозволи уште едни криминални избори.

– Меѓународната заедница, САД и ЕУ, потврдија дека на 24 април не може да има фер и веродостојни избори. Без да се исполнат неопходните услови, без прочистување на избирачкиот список и без реформи за слободни медиуми, нема фер избори. Демократските промени во земјава ќе се случат на фер, демократски и слободни избори, ниедно сценарио не може да го спречи тоа – рече Николовски.


Воз удри пешак во Скопје


Скопје, 1 јули, 2015 - 12:43 (META) 

Вчера, во 8.10 часот во Скопје, се случила железничка незгода на железничкиот надвозник над булевар Србија, во која патнички воз, кој сообраќал на релација Велес – Скопје, удрил во пешакот Саќип И. (58) од село Батинци, Скопско, при што од здобиените повреди истиот починал на местото на настанот.

Извршен е увид и по наредба на јавен обвинител телото на починатиот е предадено на обдукција.