Човечка грешка предизвика паника на Хаваи со лажен аларм за напад со балистички ракети


Хонолулу, 14 јануари, 2018 - 11:53 (META) 

Поради човечка грешка, повеќе од милион и половина жители на Хаваи и туристи вчера беа вџашени и крајно вознемирени откако на своите мобилни телефони добија порака дека балистички ракети се упатени кон Хаваи и сите мора да се засолнат, со напомена дека не станува збор за грешка.

За среќа, алармот испратен вчера претпладне по локално време беше лажен, а станувало збор за грешка на еден вработен во службата за тревожење на Хаваи.

Жителите на островите по тревогата биле зафатени од паника и хистерија и огромен број од нив итале да се засолнат. Некои од нив влегувале во шахти и ги затворале капаците над себе.

Раководството на сојузната држава се извини за лажната тревога.

Причината е стискање на погрешно копче од страна на вработен Агенцијата за справување со итни состојби (ЕМА) на Хаваи,кога требало да ја предаде смената.

Дури 18 минути по лажната тревога исправка била испратена по електронска пошта, а нова порака со исправка на мобилните телефони на граѓаните стасала друи 38 минути подоцна.


Севернокорејските ракети можат да ја погодат и Европа


Париз, 30 ноември, 2017 - 12:51 (META) 

Француската министерка за одбрана, Флоренс Парли, изјави дека и Европа, како и САД, може да биде мета на балистички ракети на Северна Кореја.

Во изјава за француската телевизија БФМ, министерката рече дека Пјонгјанг, испукувајќи балистички ракети, ја покажал својата растечка сила.

– Европа, исто како и САД, сигурно е на дофатот на ракетите – рече Парли и додаде дека главните градови на Западне Европа би можеле да бидат мета.

Таа оцени дека меѓународната заедница траба да ги продолжи санкциите кон Северна Кореја.

– Важно е цел свет да ги спроведе санкциите, вклучувајќи ги Русија и Кина. Уверени сме дека исходот од таа ситуација на екстремна напнатост може да биде решен по дипломатски пат. Пред да дојдеме во дијалог со Северна Кореја, мораме да создадеме рамнотежа на моќ – рече Парли.


САД тестираше пресретнување балистички ракети


Вашингтон, 30 август, 2017 - 16:51 (META) 

Eден ден откако Северна Кореја лансираше ракета која прелета над Јапонија, американската војска изведе проба за пресретнување балистички ракети кај брегот на Хаваи, соопшти Американската агенција за ракетна одбрана.

Во соопштението се наведува дека Агенцијата за ракетна одбрана, заедно со маринците, успешно пресретнала балистички ракети со среден домет од разорувачот „Џон Пол Џон“.

Директорот на агенцијата, генерал потполковник Сем Грејвс, вели дека тестот претставува клучна пресвртница.

– Продолжуваме да развиваме одбрана од балистичка ракетна технологија за да се справиме со заканите – вели Грејвс.

Северна Кореја во вторникот истрела ракета која прелета над северот на Јапонија и падна во водата на Тихиот Океан кај островот Хокаидо.


Пјонгјанг испали три балистички ракети во Јапонското Море


Пјонгјанг, 26 август, 2017 - 11:18 (META) 

Американската војска соопшти дека Северна Кореја испукала од покраината Гвангвон три балистички проектили со краток домет кои летале 250 километри и паднале во Јапонското Море.

По минатомесечното испукување интерконтинентални балистички ракети, Пјонгјанг се закани дека ќе ги насочи своите проектили кон американскиот остров Гуам, но најновите нуклеарни тестови не се закана ниту за САД, ниту за островот, соопшти американската војска.

– Ниту еден балистички проектил не дојде до јапонските територијални води или до нашата економска зона. Известен сум дека нема директни последици по безбедноста на Јапонија. Сепак јапонскиот премиер Шинѕо Абе даде упатства до властите да останат во состојба на зголемена готовност – рече секретарот на јапонската влада, Јошихиде Суга.


ЕУ ги прошири санкциите кон Северна Кореја


Брисел, 10 август, 2017 - 20:17 (META) 

Европската Унија денеска ги прошири сакнциите кон Северна Кореја, додавјќи на црната листа неколкумина севернокорејски функционери и фирми, јавуваат светските агенции. Ваквата одлука на ЕУ следи по заострувањето на реториката меѓу Северна Кореја и САД поради нуклеарните проби и тестирањата на балистички ракети што ги врши Пјонгјанг.

На списокот, како што пренесуваат агенциите, се додадени девет лица и четири фирми. Со ова, на црната листа на ЕУ сега се наоѓаат 103 лица и 57 фирми.

Северна Кореја вчера предупреди дека би можела да истрела ракета во правец на американскиот остров Гуам во Пацификот, на што претседателот на САД, Доналд Трамп, им порача на властите во Пјонгјанг дека ќе се соочат со „оган и гнев“.

Советот за безбедност на Обединетите нации на 5 август донесе резолуција која предвидува воведување нови, поостри санкции кон Северна Кореја, откако во јули властите во Пјонгјанг тестираа нова интерконтинентална балистичка ракета, која, како што изјави севернокорејскиот лидер, Ким Џонг-ун, може да го погоди копното на САД.


Советот за безбедност на ОН се закани со нови санкции кон Пјонгјанг


Њујорк, 20 април, 2017 - 21:12 (META) 

Советот за безбедност на Обединетите нации вечерва ја усвои резолуцијата со која остро се осудуваат последните тестирања на ракети од страна на Северена Кореја и се закани со нови санкции кон Пјонгјанг, јавуваат светските агенции.

Со резолуцијата, која е усвоена едногласно, се осудува однесувањето и „илегалните активности“ на властите во Пјонгјанг, кои се повикуваат повеќе да не изведуваат нуклеарни проби и тестирањата на ракети, забранети со претходните резолуции на Советот за безбедност на ОН.

„Илегалните активности на Северна Кореја со нуклеарни и со балистички ракети во голема мера доведуваат до зголемување на тензиите во регионот и пошироко“, било наведено во резолуцијата.

Резолуцијата е усвоена по договор со Русија, која денеска демантираше дека го блокирала текстот, туку дека сакала во него да се вметне формулацијата „низ дијалог“, која претходно била исфрлена од документот на барање на САД.

Резолуцијата ја поддржала и Кина, која е сојузник на Северна Кореја.

Инаку, Пјонгјанг е под санкции на ОН од 2006 година.


Состанок на Советот за безбедност на ОН поради ракетните тестови на Северна Кореја


Њујорк, 13 февруари, 2017 - 9:37 (META) 

Соединетите Американски Држави, Јапонија и Јужна Кореја денеска побараа итни консултации во Советот за безбедност на Обединетите нации за севернокорејското лансирање на нов тип балистичка ракета со среден до долг дострел, соопшти денеска претставник на мисијата на САД во ОН.

Како што соопшти јужнокорејската војска, Северна Кореја користела систем „студено исфрлање“, каде проектилот го покрева компресиран гас. Јужнокорејската војска наведе дека станува збор за тип ракети со среден дострел.


Кина жестоко се противи на американскиот антиракетен штит во Јужна Кореја


Хангџу, 5 септември, 2016 - 11:54 (META) 

Кинескиот претседател Си Џинпинг на својата колешка, претседателката на Јужна Кореја, Парк Геун Хје, ѝ соопштил дека Кина е против распоредувањето на американски противракетен штит во нејзината земја, јавуваат светските агенции.

Си Џинпинг, за време на билатералниот состанок, на маргините на Самитот на Г20, кој се одржува во Хангџоу, Кина, ја предупредил дека неадекватното третирање на ова прашање не е добро за мирот во регионот и може да го интензивира спорот меѓу двете земји.

Кина претходно остро реагираше на одлуката на Сеул за распоредување на антиракетниот систем ТХААД, во воена база на југот на Јужна Кореја.

Вашингтон и Сеул тврдат дека поставувањето на ракетниот штит е за заштита од заканите на Северна Кореја, додека Пекинг предупредува дека штитот ќе ѝ овозможи на војската на САД увид длабоко на североистокот на Кина.

Инаку, Северна Кореја денеска истрелала три балистички ракети во водите на својот североисточен брег, соопштија јужнокорејски официјални претставници, јавува „Би-би-си“.

Проектилите биле истрелани од регионот Хвангџу, соопштила денеска здружената команда на јужнокорејската армија, пренесува агенцијата „Јонхап“.

Засега нема информации за типот на ракетите и за нивниот дострел.