!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Автомобил влета на тротоар во Лондон – едно лице уапсено


Лондон, 7 октомври, 2017 - 16:39 (META) 

Неколку лица се полесно повредени откако автомобил влета на тротоар во близина на Националниот музеј во Лондон, јавуваат британските медиуми.

Британската полиција соопшти дека во Лондон се случила несреќа во која повеќе лица се повредени. Репортерот на „Би-би-си“ јавува дека лицата се полесно повредени и дека нема загинати.

Едно лице веќе е уапсено, но засега не се откриваат никакви детали.

Ова е втор ваков настан во Лондон во последните неколку месеци. Претходниот се случи во јуни на Лондонскиот мост.


Во Битола опожарени три автомобили, во Пехчево кат од куќа и покрив


Битола, 12 септември, 2017 - 13:20 (META) 

Во голем пожар што се случил во Битола вчера, еден автомобил изгорел целосно, а два се опожарени, додека во Пехчево избувнал пожар во семејна куќа, кој го зафатил и покривот на соседната куќа, информира МВР.

Пожарот во Битола избувнал во 13.50 часот, кога помеѓу згради на улицата Васко Карангелески, од засега непознати причини, се запалиле сува трева и ѓубриште.

Огнот поради силниот ветер бргу се проширил кон гаражи, при што зафатил шест гаражи. Притоа во една од нив целосно изгореле автомобил „бе-ем-ве“, повеќе кубици огревни дрва и рачен алат, а опожарени биле автомобил „застава 128“ и еден мопед, како и еден „варбург“. Пожарот бил изгаснат од Територијалната противпожарна единица – Битола. Увид извршила екипа од СВР Битола.

Во Пехчево во куќа на улицата Пиринска, пак, во 16.40 часот вчера избувнал пожар на вториот кат на куќата на Н.М. (53), нанесувајќи огромни штети. Огнот го зафатил и покривот соседната куќа.

Пожарот бил изгаснат од Територијалната противпожарна единица – Берово и Територијалната противпожарна едница – Пехчево.


Откриени 12 килограми марихуана во автомобил на Табановце


Табановце, 20 јули, 2017 - 14:59 (META) 

Полицијата вчера доцна вечерта спречила обид од Македонија во Србија да бидат прокриумчарени 12 килограми марихуана, скриени во автомобил.

Како што соопшти МВР, на полицајците им се сторил сомнителен автомобил „опел астра“ со скопски таблички, во кој биле двајца скопјани на возраст од 30 и 31 година.

При извршената детална контрола на возилото, под задните тапацири се пронајдени 25 пакувања марихуана, со вкупна тежина од околу 12,5 килограми. Скопјаните биле приведени.


Напаѓач со автомобил полн со експлозив удрил во полициско возило во Париз


Париз, 19 јуни, 2017 - 18:58 (META) 

Француската полиција ја евакуираше познатата париска авенија Елисејски полиња откако напаѓач со автомобил удри во полициско возило.

Автомобилот на напаѓачот потоа се запалил, а тој починал од повредите, потврди министерот за внатрешни работи на Франција.

Антитерористичка единица ја презеде истрагата, а инцидентот се третира како терористички чин. Во автомобилот е пронајден „калашников“, пиштол и димни бомби. Во автомобилот имало и поголемо количество експлозив.

Полицијата на „Твитер“ ги советуваше граѓаните да ја избегнуваат областа каде што се случи инцидентот.


Автомобил влета во пешачка зона во Тел Авив – повредени се пет лица


Тел Авив, 22 мај, 2017 - 14:18 (META) 

Неколку лица се повредени откако автомобил удрил во пешаци во центарот на Тел Авив, објави весникот „Херец“, повикувајќи се на полициски извори.

Инцидентот се случил неколку минути пред американскиот претседател Доналд Трамп да слета на аеродромот „Бен Гурион“.

Според првите извештаи, возачот изгубил контрола над возилото и влетал во пешачката зона, притоа повредувајќи пет лица кои веднаш се хоспитализирани поради тешки телесни повреди.

Инцидентот се случил на една од најголемите улици во Тел Авив. Локалната полиција веднаш соопшти дека не станува збор за терористички напад.


Автомобилот што уби жена и повреди 23 лица на Тајмс сквер го возел 26-годишен војник


Њујорк, 18 мај, 2017 - 20:08 (META) 

Една жена загина, а 23 лица се повредени во денешниот крвав инцидент на Тајмс сквер, во срцето на Њујорк, кога автомобил „хонда акорд“ косеше пешаци на тротоар во време на паузата за ручек. Со автомобилот управувал Ричард Роџас, 26-годишен припадник на вооружените сили на САД и државјанин на САД, кој е во притвор.

– Нема знаци дека станува збор за терористички напад – рече градоначалникот на Њујорк, Бил де Бласио.

Загинатата е 18-годишна девојка, а нејзината 13-годишна сестра е една од повредените. Црвената „хонда“ застанала откако удрила во столпче на аголот на 45. улица и Бродвеј и стои навалена.

Овој инцидент морничаво потсетува на трагичните теористички напади напади кога возила удираа минувачи во Ница, Берлин и во Лондон.

Инцидентот на Тајмс сквер го истражува и ФБИ, иако засега нема потврда за поврзаност со тероризам.

Њујоршката полиција соопшти дека Роџас е жител на Бронкс, кој и претходно бил апсен поради возење под влијание на одредени супстанци, што вообичаено подразбира алкохол или дроги.

Очевидците раскажуваат дека автомобилот се движел со голема брзина во спротивната лента, а потоа удирал во пешаците и застанал по ударот во столпчето, по што од хаубата почнал да избива оган.


Автомобил соборувал пешаци на Тајмс сквер во Њујорк, едно лице загина, 12 се повредени


Њујорк, 18 мај, 2017 - 19:05 (META) 

Најмалку една жртва и 12 повредени луѓе е резултатот од инцидент во срцето на Њујорк, Тајмс сквер, кога автомобил удри во група пешаци. Автомобил „хонда акорд“, движејќи се со голема брзина, преминал на спротивната лента, по што се качил на тротоарот и почнал да ги соборува пешаците.

Автомобилот потоа удрил во столб на тротоарот на крстосницата на 7. авенија и на 45. улица, по што полицајци го привеле возачот, чиј идентитет засега не е соопштен.

Веднаш по инцидентот, полицијтаа го блокираше реонот околу Тајмс сквер.

Како што јави „Њујорк тајмс“, претставник на противпожарната служба соопшти дека засега нема информации за состојбата на повредените лица. „Си-ен-ен“ информира дека при претресот на автомобилот во него не е пронајдена никаква експлозивна направа, па полицијата претпоставува дека не станува збор за терористички напад.


Едно лице почина во сообраќајна несреќа на регионалниот пат Скопје – Тетово


Тетово, 9 мај, 2017 - 18:52 (META) 

Попладнево, околу 18 часот, едно лице го загуби животот во сообраќајна несреќа на регионалниот пат Скопје – Тетово, на надвозникот за село Добарце.

Несреќата се случила кога, од засега непознати причини, автомобил „цитроен ц3“ со тетовски регистарски таблички излетал од патот.

Во несреќата починал 68-годишниот тетовец М.Т., кој од ударот излетал од автомобилот.

Во сообраќајната несреќа, тешки телесни повреди добил и 74-годишниот тетовец М.Д., кој поради сериозноста на повредите итно е пренесан на Ургентен центар во Скопје.

Полицијата врши увид на местото на несреќата.


Дваесетгодишно момче загина во сообраќајна несреќа во Охрид


Охрид, 7 мај, 2017 - 12:35 (META) 

Едно лице го загуби животот во тешката сообраќајна несреќа што рано утрово, во пет часот, се случи на регионалниот пат Свети Наум – Охрид, во близина на Хидро-биолошкиот завод, информира СВР-Охрид.

„Од добиените повреди, на местото на настанот животот го загуби Дејан Т. (20), додека тешки телесни повреди добил Р.Д. (25), двајцата од Охрид. Поради тешките повреди и сериозната здравствена состојба, Р.Д. е префрлен на хируршкото оделение во Општата болница во Охрид каде е задржан на понатамошно лекување. На истото одделение, но со полесни повреди се наоѓа и Ж.П. (22) од Охрид“, велат од СВР-Охрид.

Сега починатиот, заедно со двете повредени лица, се наоѓал во автомобил „опел корса“ и по регионалниот пат се движел од Рача кон Охрид. Р.Д., кој го управувал автомобилот, изгубил контрола врз возилото, излетал на десната страна надвор од коловозот, удрил во ивичник од патот, а потоа и во електричен столб. Од ударот, возилото се извртело и повторно се вратило на коловозната лента.

На местото на сообраќајната несреќа, извршен е увид во присуство на јавен обвинител и полициски екипи од СВР Охрид и подигнати се траги за вештачење. За време на увидот, сообраќајот беше пренасочен и се одвиваше по една сообраќајна лента.


За едно деноноќие гореле два автомобили во Скопје


Скопје, 26 април, 2017 - 15:02 (META) 

Два автомобили гореле вчера и ноќеска во Скопје, извести полицијата.

Првиот случај бил пријавен во полиција од скопските пожарникари, кои вчераутро известиле дека изгаснале пожар на автомобил на паркиралиштето до Меѓуградска автобуска станица. Пожарникарите ги известила скопјанка која управувала со автомобилот „бе-ем-ве“ со скопски таблички. Кажала дека штом го паркирала автомобилот, од кај моторот почнал да излегува чад.

Вториот случај е во населбата Бутел, а според некои медиуми, изгорел автомобил на пејачот Сашо Каимовски – Панки. Делумна потврда за тоа има и во полицискиот билтен, односно во наведените иницијали на сопственикот на изгореното возило. Според полицијата, 55 минути по полноќ ноќеска граѓанин пријавил дека е опожарен автомобил „ауди А8“ на С.К. (50). Пожарот на автомобилот на улицата Натанаил Кучевишки го изгаснала Бригадата за противпожарна заштита – Скопје.