!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Автобус излетал од патот кај Алексинац – четворица повредени


Алексинац, 20 мај, 2017 - 16:21 (META) 

Четири лица се потешко повредени откако автобус кој се сообраќал на линија Скопје-Белград слетал од автопатот, јави дописникот на „Мета“ од Белград, додавајќи дека ниту еден од повредените не е во животна опасност.

Засега нема информации дали меѓу повредените има и македонски државјани.

Како што јавуваат српските медиуми, меѓу повредените е и возачот на автобусот. Повредените веднаш се хоспитализирани во Ниш.

Полицијата се уште ја истражува причината за несреќата.

Сообраќајката се случила утринава во 5.50 часот. Автобусот излетал од патот и удрил во ограда.


Осумнаесет загинати во автобуска несреќа во Панама


Панама Сити, 6 март, 2017 - 10:48 (META) 

Најмалку 18 лица загинаа, а 37 се повредени откако автобус кој превезувал работници, излета од патот југозападно од Панама Сити.

Како што пренесуваат локалните медиуми, несреќата се случила на Панамериканскиот автопат во Антон, околу 170 километри од Панама Сити, при што еден од повредените е во критична состојба.

Засега не е позната причината за несреќата.


33 лица загинаа во автобуска несреќа во Непал


Катоманду, 15 август, 2016 - 20:00 (META) 

Најмалку 33 луѓе го загубија животот во автобуска несреќа која се случила денеска во Непал, јавува „Си-Ен-Ен“.

Инцидентот се случил во округот Каврепаланчок околу 13 часот по локално време. Автобусот кој се движел кон непалската престолнина Катманду од засега непознати причини излетал од амбисот и се превртувал по падината околу 300 метри.

Во автобусот имало повеќе од 60 патници. Локалните власти наведуваат дека бројот на жртвите може да се зголеми, бидејќи многу од другите 35 повредено патници се во критична состојба, кои поради непристапност на теренот се извлекувани со хеликоптер.


Словачки автобус се преврте кај Алексинац, пет лица загинаа


Алексинац, 21 јуни, 2016 - 10:09 (META) 

Пет лица загинаа, а 26 се повредени откако словачки автобус утринава се преврти во близина на Алексинац, на автопатот Белград – Ниш.

Како што јавуваат српските медиуми, автобусот со 29 патници и со двајца возачи се враќал од Крф, Грција.

Спасувачките екипи згрижиле 26 патници, додека петмина патници останале заробени под превртениот автобус.


Аргентина: Полициски автобус падна во ендек – 30 загинати


Буенос Аирес, 14 декември, 2015 - 14:42 (META) 

Околу 30 лица загинаа откако автобус кој превезува аргентински погранични полицајци се урна во ендек во северната провинција Салта, соопшти провинцискиот директор за итни случаи, Ернесто Флоренс.

– Станува збор за приближно 30 загинати – рече Флоренс, додавајќи дека во автобусот имало меѓу 50 и 60 патролни полицајци и оти некои сè уште се заглавени во возилото.

Сè уште не се знае причината за несреќата, која се случила рано утринава.