!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Власта се откажа од истражувањата во Хераклеја?


Битола, 5 февруари, 2016 - 11:57 (META) 

Дали Министерството за култура се откажа од истражувањата и од конзервацијата на античкиот локалитет Хераклеја Линкестис? Ова прашање отворено го наметнуваат археолози од Битола откако две години по ред, лани и годинава, не е одбрен ниту еден проект од министерството за продолжување на истражувањата или реконзервација на античкиот град кај Битола.

Според нив, нема реконзервација на старите објекти откриени пред три децении, што е уште полошо зашто голем дел од нив се распаѓаат, предупредуваат археолозите.

Енгин Насух, археолог во Завод и музеј Битола, вели дека во Хераклеја како локалитет од исклучително значење за македонското културно наследство потребна е константна работа, ако не во истражувањето, барем во конзервацијата и во заштитата на веќе откриените објекти.

– Не ми е јасно што се случува, зошто Хереклеја е ставена во заднина? Овој археолошки локалитет е единствен со изработен елаборат за ревалоризација – предупредува археологот Насух.

Тој наведува дека Херклеја не може да опстане без реконзервација на старите објекти, бидејќи добар дел од нив се во незавидна ситуација, а тоа што е почнато да се истражува и ископува, мора да се заврши.

– Дел од ѕидовите на епископијата, на театарот и на термата се во лоша состојба, мора да се заштитат. Исто така треба да се направи доистражување на почнатата базилика Е. Таа се промовираше во 2014 година и остана недоистражена и незаштитена – вели Насух.

Власта во 2008 година најави ситематско истражување на Хераклеја, проект кој траеше до 2013 година. Владата за истражување на четири археолошки пункта во државата, меѓу кои и Хераклеја, тогаш објави дека обезбедила финансиска конструкција од 20 милиони евра.


Откриени две нови простории во гробницата на фараонот Тутанкамон


Каиро, 1 октомври, 2015 - 19:07 (META) 

Kралицата Нефертити можно е да е погребана во една од двете новооткринеи простории во гробницата на фараонот Тутанкамон, смета британскиот археолог Николас Ривс, пренесува „Би-Би-Си“.

Според Ривс, скeнарањата извршени со специјален радар, за чија употреба британскиот археолог добил дозвола од египетските власти, откриле две дополнителни простории, сокриени во ѕидовите на гробницата.

Инаку, Ривс се обидува да ја докаже својата теорија дека сè уште неоткриените посмртни останки на кралицата Нефертити, која владеела во 14 век пред новата ера, се наоѓаат во една од тие простории. Тој верува дека телото на Тутанкамон, кој умрел пред 3.000 години, на возраст од 19 години, било сместено во дел од гробницата оригинално направена за Нефертити.

Посмртните останки на Тутанкамон, за кој се смета дека е син на Нефертити, беа откриени во 1922 година.