!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Повеќе од 40 сомалиски мигранти убиени во близина на брегот на Јемен


Сана, 18 март, 2017 - 10:57 (META) 

Повеќе од 40 сомалиски мигранти, меѓу кои имало жени и деца, биле убиени ноќеска во близина на брегот на Јемен, додека биле превезувани со чамец, јавуваат светските агенции.

Чамецот, со околу 140 мигранти од Сомалија, бил погоден од лесно оружје во близина на пристанишниот град Ходеда, на западниот брег на Јемен, соопштила канцеларијата за бегалци на Обединетите нации (УНХЦР). Чамецот, и покрај нападот, успеал да доплови до пристаништето, кое е под контрола на бунтовниците Хути.

Засега никој не ја презел одговорноста за нападот. Бунтовниците за нападот ја обвинуваат арапската коалиција, која, пак, ги отфрла ваквите наводи.

Во чамецот, како што објави Меѓународната организација за миграција (ИОМ) во Јемен, биле пронајдени телата на 42 лица.

Според управата на пристаништето, преживеаните мигранти заедно со тројца јеменски шверцери биле уапсени.


Стапи на сила привремениот прекин на огнот во Јемен


Сана, 20 октомври, 2016 - 9:56 (META) 

Седумдесет и двочасовниот прекин на огнот во Јемен, каде веќе 18 месеци се војува, стапи на сила на полноќ.

Пред примирјето, арапската коалиција и шиитските бунтовници најавија дека ќе го почитуваат прекинот на огнот, но дека ќе одговорат ако бидат нападнати.

Прекинот на огнот го иницирале Обединетите нации, кои навеле дека добиле уверувања од завојуваните страни дека ќе го почитуваат.

Коалицијата што ја предводи Саудиска Арабија, од 26 март 2015 година бомбардира позиции на шиитските бунтовници, поддржувајќи го претседателот Рабоа Мансур Хеди, кој беше принуден да побегне од земјата.

Во Јемен војуваат меѓународно признаената влада и шиитските бунтовници, сојузници на претседателот Али Абдулах Салех, кој ја има поддршката на Иран.

Најмалку 7.000 лица загинаа, а околу 275.000 се ранети во судирите кои почнаа во март 2015 година, а во бегство се повеќе од 2,5 милиони лица.