!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Ограбена аптека во Скопје


Скопје, 7 октомври, 2017 - 13:59 (META) 

Непознато лице со закана со нож ограбило аптека синоќа во 21 часот на улица Бутелска во Скопје.

Напаѓачот со нож им се заканил на вработените и ги украл парите од дневниот промет.

Екипа на полицијата извршила увид на местото на настанот, а во моментов се преземаат мерки за расчистување на случајот, информира МВР.


Ограбена аптека во Радишани


Скопје, 20 мај, 2017 - 11:45 (META) 

Вработена во аптека во населба Радишани синоќа во 21 часот пријавила во полиција дека непознат маскиран сторител извршил разбојништво.

Сторителот со закана со нож од вработената го одзел дневниот промет и побегнал во непознат правец.

Се преземаат мерки за пронаоѓање на сторителот и за целосно расчистување на случајот.


Разбојник ограбил аптека во ТЦ „Буњаковец“, со закана дека ќе ја зарази вработената со сида


Скопје, 11 јануари, 2016 - 15:23 (META) 

Синоќа, околу 18.30 часот, непознат сторител извршил разбојништво во аптеката „Виола“, во трговскиот центар „Буњаковец“, од која однел 4.660 денари од дневниот промет и четири кутии таблети „вијагра“.

Како што информираат од полицијата, кога влегол во аптеката, разбојникот со шприц ѝ се заканил на вработената дека ако не му ги даде парите, ќе ја зарази со сида. Откако ги зел парите, ги побарал и таблетите „вијагра“, по што излегол и се упатил кон Универзална сала.

Од полицијата велат дека преземаат мерки за пронаоѓање на сторителот.


Ограбена аптека на „Зегин“ во центарот на Скопје


Скопје, 2 јули, 2015 - 12:56 (META) 

Вчеравечер, околу 20.30 часот, во полиција било пријавено дека во аптека на „Зегин“, во кругот на Зелен пазар во Скопје, било извршено разбојништво од две маскирани лица, информираат од МВР.

Според полицијата, разбојниците, заканувајќи се со нож, одзеле 8.000 денари од дневниот промет.

Полицијата засега нема осомничени за разбојништвото и презема мерки за расчистување на случајот.


Кумановец осомничен дека шверцувал лекови од Косово


Куманово, 28 мај, 2015 - 12:20 (META) 

Кумановската полиција поднела кривична пријава против 41-годишниот А.И. и приватната аптека „Шпенди фарм“, поради сомнеж за недозволена трговија и за шверцување, соопшти полицијата.

Како што информираат оттаму, осомничениот А.И. во јули минатата година од Косово набавил поголемо количество лекови, чиј промет е ограничен и кои не биле евидентирани во регистарот на лекови во Македонија, за да ги препродава во својата аптека.

Според полицијата, осомничениот успеал да ја избегне царинската контрола и да ги внесе лековите во земјата.


Ограбена аптека во Тетово


Тетово, 18 април, 2015 - 13:10 (META) 

Вчера, околу 19.40 часот, во аптека „Виталек“ лоцирана на улицата Борис Кидрич во Тетово, непознато маскирано лице извршило разбојништво над вработената, при што ѝ се заканил, ја удрил со рачка од пиштолот во пределот на главата и ѝ ги одзел дневниот промет околу 23.000 денари, еден мобилен телефон и уште 470 денари.

Извршен е увид на местото на настанот и се преземаат мерки за пронаоаѓње на сторителот.


Грабеж во аптека „Зегин“ на Партизанска


Скопје, 5 април, 2015 - 13:20 (META) 

Вчера, во 20.15 часот, во Скопје, на булеварот Партизански одреди, во аптека „Зегин“ биле ограбени две вработени од две непознати маскирани лица, од кои едното било вооружено со пиштол, при што одзеле околу 60.000 денари.

Се преземаат мерки за пронаоѓање на сторителите.


Ограбена аптека на „Зегин“


Скопје, 27 февруари, 2015 - 11:41 (META) 

Вчера, околу 21 часот, во Скопје на улицата Московска, во аптеката „Зегин“, две непознати маскирани лица, од кои еден вооружен со пиштол, извршиле разбојништво над вработената, при што одзеле околу 20.000 денари од дневниот промет.

Се преземаат мерки за пронаоѓање на сторителите.


Разбојници однеле 30.000 денари од аптека во Чаир


Скопје, 12 февруари, 2015 - 14:43 (META) 

Двајца маскирани и вооружени разбојници вчеравечер ограбиле апетка во скопската населба Чаир, соопшти полицијата.

Како што информираат оттаму, разбојништвото се случило околу 19.45 часот, на улицата Џон Кенеди, кога двајцата маскирани влегле во аптека на „Зегин“ и заканувајќи им се со пиштол на двете вработени, однеле околу 30.000 денари.

Случајот бил пријавен во полиција, чии екипи извршиле увид на местото и трагаат по разбојничкиот двоец.


Разбојници ограбиле аптека во скопски Чаир


Скопје, 14 јануари, 2015 - 11:23 (META) 

Две маскирани лица вчеравечер извршиле разбојништво во аптеката „Голд мун“ на улицата Лазо Трповски во Скопје, информираат од полицијата.

Разбојништвото се случило околу 20.20 часот, кога две маскирани лица влегле во аптеката и, заканувајќи ѝ се на вработената со пиштол, одзеле 18.000 денари.

Случајот бил пријавен во полиција, која презема мерки за откривање на разбојниците.