!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Андроид го надмина Виндоус како најкористен оперативен систем при сурфање


Сан Франциско, 4 април, 2017 - 12:36 (META) 

Оперативниот систем за паметни телефони и таблети Андроид првпат во својата историја го надмина Виндоус како најкористен оперативен систем при сурфањето на интернет.

Според истражувањето на компанијата за веб-аналитика „СтатКаунтер“, во март годинава 37,93 отсто од сето сурфање на интернет што компанијата регистрирала отпаѓале на Андроид, а Виндоус е само малку подолу, со 37,91 отсто. Компанијата напоменува дека станува збор за мерење на активноста, а не на бројот на корисниците.

„СтатКаунтер“ своите анализи ги прави врз основа на 2,5 милиони вебсајтови за кои вели дека месечно регистираат 15 милијарди посети. Според графиконот со кој го покажува растот на Андроид уште од март 2012, овој оперативен систем расте на пазарот уште од март 2014.


Апликациите на „Мајкрософт“ ќе бидат прединсталирани на уредите со „андроид“


Вашингтон, 25 март, 2015 - 15:36 (META) 

Компанијата „Мајкрософт“ објави дека најдоцна до крајот на годинава ќе почне да ја применува практиката за таблетите на „Самсунг“ и на „Дел“ со оперативен систем „андроид“ да доаѓаат со прединсталирани апликации како што се „ворд“ „ексел“, „пауер поинт“, „ван ноут“, „ван драјв“ и „скајп“.

Уште во февруари „Мајкрософт“ потврди дека „скајп“ „ван ноут“ и „ван драјв“ доаѓаат прединсталирани на телефоните „samsung galaxy S6“ и „galaxy S6 edge flagship“.

Корисниците, кои од некоја причина не сакаат да ги користат овие апликации, ќе бидат задоволни со информацијата од „Самсунг“ дека ќе постои можност за отстранување на прединсталираните апликации.


„Блекбери“ понуди пристап до апликациите „андроид“


Ванкувер, 9 март, 2015 - 14:36 (META) 

Компанијата „Блекбери“ лансираше нова верзија на својот оперативен систем, кој на корисниците на мобилните уреди на овој произведувач ќе им овозможи пристап до апликации „андроид“. Оперативниот систем 10.3.1, исто така, носи и унапредување на постојниот кориснички интерфејс и уште многу нови опции, со кои се надградуваат постојните софтверски решенија.

Новиот оперативен систем е достапен за уредите Z30, Z10, Q10, Q5, P’9983 и P’9982, додека новата верзија на оперативниот систем од октомври минатата година постоеше само на телефоните „паспорт“. Постојните корисници на овие уреди можат да го инсталираат новиот оперативен систем со едноставна надградба, која е голема околу еден гигабајт.

Новата верзија на оперативниот систем донесува помодерен визуелен приказ на целокупниот интерфејс и нови додатоци и опции, меѓу кои е и најважната „амазон епстор“, „бленд“ и „асистент“. Исто така, новиот оперативен систем овозможува едноставно користење на самиот уред низ „блекбери хаб“, преку кој на почетниот екран може да се пристапи кон најчесто употребуваните апликации.


„Гугл“ со „андроид“ ќе ги освојува бизнис-корисниците


Вашингтон, 26 февруари, 2015 - 17:00 (META) 

Американскиот интернет-пребарувач „Гугл“ лансираше програма која овозможува паметните телефони што користат оперативен систем „андроид“ да бидат прилагодени за професионална употреба.

„Гугл“, на својот официјален блог, објави дека програмата „андоид за работа“ (Android for Work) ќе обезбеди подобрена безбедносна алатка и функции наменети за компании кои сакаат да ги опремат своите вработени со уреди со оперативен систем „андроид“.

Паметните телефони со оваа поддршка ќе им се овозможи на корисниците да ги држат одвоено личните и професионалните апликации.

„Гугл“ соопшти дека работи во партнерство со повеќе од 20 фирми, меѓу кои „Блекбери“, „Цитрикс систем“ и „Бокс“.


„Епл“ ја изработува првата апликација за уредите „андроид“


Купертино, 9 февруари, 2015 - 10:42 (META) 

Компанијата „Епл“ најави дека работи на својот прв сервис за стримување музика во соработка со компанијата „Битс“. Сервисот бо требало да биде конкуренција на постојниот „Спотифај“ и нему сличните.

Наместо да ја користи веќе постојната „битс-апликација“, „Епл“ развива целосно нова, која ќе ги замени музичките плеери на „iOs“ уредите.

Ова е прва апликација која компанијата „Епл“ се развива и за уреди „андроид“.


Во февруари ќе пристигне новата верзија на „андроид“


Маунтин вју, 19 декември, 2014 - 16:28 (META) 

Повеќето корисници на уредите „андроид“ уште со нетрпение очекуваат да ја добијат лолипоп-верзијата на оперативниот систем, а веќе на интернет се појавија гласини дека „Гугл“ подготвува нова верзија. Според неименувани извори, а наводно се работи за лица добро упатени во целата ситуација со идната верзија, според кои, новата верзија на оперативниот систем „андроид“, треба да донесе повеќе подобрувања, како и нова палета на бои во интерфејсот „материјал дезајн“.

Засега се зборува дека новата верзија ќе биде многу постабилна, подобро ќе располага со меморијата, а истовремено ќе нуди и подобра автономија на батеријата. Се споменува и поправање на одредени грешки кои создаваат проблеми кај одредени уреди, како, на пример, ненадејно затворање на апликациите, поправка на проблемите поврзани со функцијата „ок гугл“, безжично поврзување, звук и известувања.

Со новата верзија на „андроид“ би требало да се врати и „тивкиот“ режим, кој изостана од сегашната верзија „лилипоп“.


„Гугл мапс“ нуди повеќе информации


Маунтин Вју, 24 ноември, 2014 - 13:25 (META) 

„Гугл мапс“ за оперативниот систем „андроид“ кон почетокот на месецов ја доби опцијата за ажурирање „материјал дизајн“, како и уште некои нови опции. Сега е објавена новата верзија и уште некои други корисни функции.

Апликацијата сега ќе прикажува колку е часот, какво е времето, ќе ја одредува оддалеченоста на вашата дестинација, како и колку време ќе ви биде потребно за да стигнете до неа.

Освен тоа, „Гугл мапс“ може да ви го прикаже или да ви го скрие сообраќајот, со помош на едноставна гласовна команда, а верзијата 9,1 на оваа апликација би требало да биде достапна за сите уреди.


Откриено зошто на телефоните „андроид“ им треба повеќе работна меморија


Маунтин Вју, 17 ноември, 2014 - 15:40 (META) 

Интернет-страницата „Квора“ (Quora) конечно даде одговор на една од најголемите мистерии за денешните телефони – зошто „ајфон“ работи без проблем со работна меморија од еден гигабајт, а телефоните на оперативен систем „андроид“ им е се потребни два или три гигабајти работна меморија за нормално да функционираат.

Како што наведува вебстраницата, разликата е поврзана со фактот што апликациите за „андроид“ користат „јава“, но и со процесот кој се нарекува „гарбиџ колекшн“.

Во моментот кога корисникот на „андроид“ ќе ја затвори апликацијата, овој процес ја „рециклира“ меморијата. Проблемот е во тоа што тој бара четири до осум пати повеќе меморија, отколку што во моментот се користи за да биде ефикасен. Доколку бараното количество не е достапно, доаѓа до забавување.

Оперативниот систем „иос“ не користи ваков процес, па затоа телефоните „епл“  може да работат со работна меморија од  еден гигабајт, па дури и со такви перформанси да бидат подобри од телефоните со оперативен систем „андроид“.