!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

„Американско културно попладне“ во Струга


Струга, 12 април, 2017 - 11:18 (META) 

Во организација на „Американско катче“ во Струга, во едукативниот центар „Бриџес“, денеска, во просторот на „Арт кафе“ во Струга, се одржува манифестацијата „Американско културно попладне“.

Манифестацијата содржи отворање изложба на тема „Да се наслика Америка“, која се однесува на уметноста на САД.

Музички перформанс во живо ќе изведат учениците од Средното музичко училиште „Тодор Скалоски – Тетоец“ од Струга.

Попладне ќе се одржи работилница за традиционалните танци во САД, при што посетителите ќе имаат можност да ја научат кореографијата, која ќе ја пренесат танчерите Ким Козби и Иша Бардвеј, волонтери во Мировен корпус.

Од 16.30 часот стружани ќе можат да го проследат филмот „Големиот Гетсби“, снимен според истоимениот роман на американскиот писател Френсис Скот Фицџералд.