!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Јовановски: Братучедот на Заев купил дел од „Герас Цунев“ по багателна цена


Скопје, 9 септември, 2017 - 14:55 (META) 

„Κланот Заеви повторно со матни зделки го шират бизнисот и купуваат компании по багателни цени. Трајче Заев со само 10 евра за квадратен метар стана сопственик на конфекцискиот гигант ’Герас Цунев’“, рече на прес-конференција пред Владата денеска пратеникот на ВМРО-ДПМНЕ, Крсте Јовановски.

Тој појасни дека Трајче Заев за само 20.000 евρа купил 22,25 пρоценти аκции од стρумичκиот κонфеκцисκи гигант „Геρас Цунев“, κој поседува индустρисκи погони и деловни пρостоρии од вκупна повρшина од 7.396 квадратни метри.

–  Овде од авион се гледа деκа нешто не е во ρед. За 20.000 евρа гρаѓаните не можат да κупат ниту гаρсоњеρа од 25 квадратни метри, а не деловен објеκт и индустρисκи погон.  Додеκа сите ние маκотρпно ρаботиме, фамилијата Заеви очигледно ја κоρистат моменталната моќ κоја Зоρан Заев ја има κаκо пρемиеρ на Ρепублиκа Маκедонија и под пρитисоκ κупуваат фиρми со минимални суми за 20.000 евρа. Заеви купуваат бизниси, се шират и го зголемуваат своето производство под сомнителни околности. Ова е работа на обвинителството. И тука треба да се испита криминалот и за тоа да одговораат – рече  Јовановски.


Независни институции почнаа процес на вреднување на компании во Македонија


Тетово, 12 април, 2017 - 16:26 (META) 

Технолошкиот парк при Универзитетот на Југоисточна Европа почна да воведува услуга вреднување на компании, прва од ваков вид во Македонија.

Вреднувањето на компаниите е широко распространета практика во земјите од Западна Европа и една од целите е да се утврди колку фирмите имаат капацитет во иднина да пораснат на пазарот на трудот.

– Има четири главни причини за вреднување на компаниите. Првата причина е од аспект на купување на бизнисот, некој сопственик се одлучил да го продава, а некој да го купува бизнисот, и затоа вреднувањето што го врши независна институција, ќе даде извештај за вистинсктие параметри и за вредноста на компанијата. Втората причина за вреднувањето е да ги мотивира вработените и менаџментот на компанијата, третата причина се интерните потреби на компанијата, а четвртата причина е собирање на дополнителен капитал – изјави Ѓорѓи Рафајлоски од Технолошкиот парк.

Вреднувањето на компаниите во земјите од Западна Европа се врши на секои две-три години. Денеска на Универзитот на Југоистична Европа беше презентирана новата програма за вреднување, во која засега се вклучени пет компании од Македонија. Услугата ќе ја вршат во соработка со англиска консултантска куќа.


Српската „Адриа медиа груп“ го купи „Слободен печат“


Скопје, 26 октомври, 2016 - 20:21 (META) 

Компанијата „Адриа медиа груп“ (Adria Media Group) го откупила контролниот удел во весникот „Слободен печат“ и со тоа стана доминантен сопственик во новата издавачка компанија „Адриа медиа Балкан“, која од денеска го издава дневниот весник „Слободен печат“, соопшти Бранко Героски, главен и одговорен уредник на весникот.

„Разговорите и преговорите со сопствениците на издавачкото претпријатие „Слободен печат ДОО“, кои се водеа во насока на преземање на контролниот удел заради понатамошен развој на издаваштвото и на производот, завршија успешно. Понатамошните активности на издавачот на дневниот весник „Слободен печат“ ќе бидат насочени кон подобрување на квалитетот на изданието и кон понатамошно зголемување на неговата популарност. Поздравувајќи ги овие промени, редакцијата на „Слободен печат“ ќе вложи максимални напори да ги поддржи намерите на сопствениците за експлозивен развој на новата издавачка компанија, со уверување дека тие промени ќе придонесат и за сеопшт развој на медиумските слободи и на професионалните стандарди на новинарството во Македонија“, пишува во соопштението.

Kомпанијата е издавач на српскиот дневен весник „Курир“, на истоимениот портал (kurir.rs) и на повеќе други популарни печатени изданија, веб-портали и мобилни апликации.


Вредноста на акциите на Лондонската берза се зголеми, фунтата падна


Лондон, 6 јули, 2016 - 12:48 (META) 

Најновите мерки на Централната банка на Англија денеска ја подигнаа вредноста на акциите на Лондонската берза, но фунтата повторно падна.

Индексите на европските берзи во Европа, САД и во Азија паднаа бидејќи трговците продолжија да ја следат кризата во италијанскиот банкарски сектор.

Имено, Европската централна банка предупреди дека банката „Монте деи Паски де Сијена“, која е трета најголема италијанска банка, има исклучително високо ниво на „лош“ долг.

На валутните берзи, фунтата се најде под притисок, повторно паѓајќи на 31-годишен минимум од 1,3055 долари.

 


Брексит ги урна светските берзи, фунтата изгуби дел од вредноста


Лондон, 24 јуни, 2016 - 14:19 (META) 

Брексит предизвика економски тектонски движења на светските берзи, со голем пад на вредноста на индексите, но и на британската валута која е на најниско ниво од 1985 година.

Фунтата падна за речиси 9 отсто и чини 1,34 долари, што претставува најниско ниво во последните 31 година. Стручњаците предупредуваат дека вредноста на фунтата ќе падне и до 1,2 долари. Еврото, исто така, изгуби од својата вредност и падна за 3,2 отсто на 1,1012 долари.

Англискиот економист Џереми Кук апелира владата да преземе чекори за да ја стабилизира економијата, да ги заштити работните места, пензиите и платите.

За да го осигура пазарот, гувернерот на Народната банка на Англија, Марк Карни, најави дека за банките ќе обезбеди дополнителни 250 милијарди фунти.

– Внимателно ја разгледуваме ситуацијата. Разработуваме планови и стартегии и сме во постојана комуникација со Министерството за финансии, како и со другите банки во Велика Британија и во странство. Ќе ги преземеме сите неопходни чекори за да го спречиме монетарниот крах и да ја одржиме финансиската стабилност – се наведува во соопштението на банката.

Во еврозоната штетата е уште поголема, при што парискиот индекс КАК 40 и франкфуртскиот индекс DAX изгубија преку 10 проценти од вредноста. Јапонскиот индекс Nikei падна за седум отсто со губиток на повеќе од 1.100 бодови, што е најголем пад во еден ден од 2011 година, кога во земјата се случи нуклеарна катастрофа.

Акциите на германските „Дојче банка“ и „Комерц банка“ паднаа за преку 16 отсто.

Излегувањето на Велика Британија од ЕУ влијаеше врз пораст на вредноста на златото, чијашто цена се зголеми за 22 проценти. Ова е најбрз скок на цената на златото во однос на фунтата во историјата.

Порастот на цената на златото покажува дека на светскиот пазар владее голема паника.

 


Јапонската „Софт банка“ го продава уделот во „Алибаба“ за 7,9 милијарди долари


Токио, 1 јуни, 2016 - 11:47 (META) 

Јапонската „Софт банка“ соопшти дека ќе го продаде сопственичкиот удел во најголемиот кинески онлајн сајт за продажба „Алибаба“ во вредност од најмалку 7,9 милијарди долари.

Aгресивната активност на банката за преземање на фирми ги намалила нејзините финансиски средства, па долгот во март изнесувал 106 милијарди долари.

Продажбата на акции ќе го намали досегашниот сопственички удел на банката во „Алибаба“, од 32,2 на 28 проценти, а приходот ќе биде наменет за отплата на долгот.

Банката првпат во „Алибаба“ инвестирала во 2000 година, а во последните неколку години покренала низа аквизации во голем број на фирми.


„Алфа банка “ станува „Силк роуд банка“


Скопје, 10 мај, 2016 - 13:35 (META) 

„Алфа банка“ соопшти дека целиот нејзин акционерски капитал вчера бил купен од „Силк роуд капитал“ и ќе се преименува во „Силк роуд банка“.

Како што велат оттаму, компанијата е во сопственост на приватен инвеститор од Швајцарија, чија главна дејност е инвестирање во финансискиот сектор во регионот и тоа, според соопштението на банката, успешно го прави во последниве 12 години, вклучувајќи и една претходна инвестиција во локална банка.

Според известувањето од Народна банка, се работи за инвеститор со висок кредибилитет со триесетгодишно искуство во финансискиот сектор во Швајцарија и во Централна и во Југоисточна Европа.

Фондот бил лиценциран како малцински акционер во банки во Хрватска, Босна и Херцеговина, Албанија, Црна Гора и во Македонија.


Саудиска Арабија ќе формира најголем државен фонд во светот од 2.000 милијарди долари


Ријад, 26 април, 2016 - 11:00 (META) 

Саудиска Арабија на берза ќе продаде помалку од пет отсто од акциите на државниот нафтен гигант „Арамико“ и ќе го формира најголемиот државен фонд на светот од 2.000 милијарди долари, што е во рамките на големиот план за реформи чија цел е намалување на зависноста на земјата од нафтата.

Заменикот на саудискиот претстолонаследник Мохамед бин Салман е иницијатор на планот за реформите наречени „Саудиска визија 2030“ . Тој ја бранеше одлуката „Арамико“ да се отвори за локален и за странски капитал и наведе дека тоа ќе обезбеди транспарентност во управувањето со тој нафтен гигант.

Целта на планот е диверзификација на економијата на Саудиска Арабија, која во голема мера зависи од нафтата.


„Македонски телеком“ ќе исплаќа дивиденда од 17,09 денари по акција


Скопје, 12 април, 2016 - 15:36 (META) 

Собранието на „Македонски телеком“ АД – Скопје на својата годишна седница денеска ги усвои годишната сметка, ревидираните финансиски извештаи и годишниот извештај за работењето на друштвото за 2015 година.

Собранието, на седницата усвои одлука за распоредување на нето-добивката, во износ од 1.474.683.110 денари (23.978.587 евра) за исплата на бруто-дивиденда.

Право на дивиденда за 2015 година имаат сите акционери што ќе бидат евидентирани во книгата на акционери на „Македонски телеком“ АД – Скопје на 6 мај.

„Македонски телеком“ АД – Скопје ќе ги информира акционерите за исплатата на дивидендата со објава на веб-страницата на друштвото, како и со известување преку Македонската берза за хартии од вредност.


Грција ја продаде Пиреjа за 1,5 милијарда долари


Атина, 8 април, 2016 - 10:08 (META) 

Грција денеска потпишува договор за продажба на 67 отсто од пристаништето Пиреjа на кинеската компанија КОСКО. Договорот со кој владата го предава мнозинскиот дел од акциите на КОСКО за стопанисување со најголемото пристаниште во државата, ќе се потпише во кабинетот на премиерот Алексис Ципрас во текот на денот. Со ова и официјално се приватизира атинското пристаниште.

Кинеската компанија ќе плати 1,5 милијарда долари со што се обврзува да стопанисува и да инвестира во пристаништетото до 2052 година, до кога има концесија за Пиреjа.

Процесот на приватизација ќе се одвива во две фази. Во првата, КОСКО ќе исплати 280,5 милиони евра во грчкиот фонд за приватизација ТАИПЕД, со што ќе добие 51 отсто од акциите во пристаништето. Во следните пет години кинеската компанија ќе исплати уште 88 милиони евра со што ќе го добие останатиот дел од акциите и ќе стане сопственик на 67 отсто од акциите на пристаништето.

Кинеската компанија ќе исплати и 350 милиони евра во инвестиции за следните 10 години, 410 милиони евра за трошоците на грчката администрација за договорот за приватизација.