Се урна авион со 67 патници во Непал


Катманду, 12 март, 2018 - 11:34 (META) 

Авион на бангладешката компанија „УС-Бангла“ денеска по слетувањето на меѓународниот аеродром во Катманду, Непал, се излизга од пистата, а потоа се запали.

Во авионот биле 67 патници и четири членови на екипажот. Бројката на загинати сè уште не е утврдена.

Познато е само дека досега се спасени 17 лица. Пожарот се гасне, а сите полетувања и слетувања од аеродромот се откажани.


Поради Супер купот на 7, 8 и 9 август патниците на аеродром да дојдат 4 часа порано


Скопје, 4 август, 2017 - 15:53 (META) 

Поради Супер купот на УЕФА, сите патници што на 7, 8 и 9 август ќе патуваат од скопскиот аеродром треба да пристигнат на аеродромот три до четири часа пред полетувањето.

„Сите патници што имаат летови од скопскиот аеродром „Александар Велики“, на 7, 8 и 9 август 2017 година, треба да пристигнат на аеродромот три до четири часа порано од времето на полетување, поради дополнителните безбедносни мерки кои ќе бидат применети на аеродромот по повод одржувањето на Супер купот на УЕФА“, информираат од „ТАВ Македонија“.

Супер купот помеѓу „Реал Мадрид“ и „Манчестер јунајтед“ ќе се игра на 8 август на скопската арена „Филип Втори“.

Се очекува да стигнат илјадници обожаватели на двата фудбалски клубови, како и највисоките претставници на УЕФА. На „Александар Велики“ досега се најавени 17 вонредни летови, на 7 и на 8 август, а дел од гостите ќе пристигнат со патнички и со мали бизнис-авиони.


Аеродром може да дише подобро, порачаа активистите од „Ние одлучуваме“


Скопје, 31 октомври, 2016 - 17:25 (META) 

Активистите од граѓанската акција „Ние одлучуваме“ денеска во населбата Аеродром направија перформанс пред трговскиот центар „Бисер“ и поставија платно на кое пишуваше „Аеродром може да дише подобро“.

Акцијата почна во 13 часот, а активистите на случајните минувачи им го даваа бесплатниот весник „Ние одлучуваме“.

На настанот пристигна и жолто-црниот камион на граѓанската акција, а активистите преку мегафон порачаа „Заслужуваме град полн со луѓе и со живот“, „Сакаме да дишеме чист воздух“, „Вашиот глас одлучува, гласајте без страв и притисоци“.