Преку кредит, Општина Штип ќе купува комунални возила


Штип, 15 февруари, 2019 - 16:28 (META) 

Општината Штип ќе се задолжи со 16 милиoни денари или околу 260.000 евра за да купи возило за чистење на снег и уште едно специјализирано за инесување на смет. Предлогот наидува на негодување кај опозицијата, но и кај граѓаните, по искуството со посчедниот кредит, кога градот се задолжи и се’ уште ги враќа парите, а плоштадот и платформите за паркирање не се изградија според проектот.

Советниците на следната седница на Советот на Општината Штип ќе одлучуваат за предлогот за задолжување кај Европската банка за обнова и развој. Предлогот, кој е веќе во комисиска процедура, предвидува кредитот да се враќа за 10 години, со грејс-период од три години. Тоа значи, дека плаќањето ќе почне со почетокот на мандатот на новата локална власт.

Кредитот, сепак, треба да го одобри владата, а за секоја исплата на ратите, Општината е должна да го извести Министерството за финасии.


Променливо облачно време со локален снег


Скопје, 15 февруари, 2019 - 9:33 (META) 

Времето денеска ќе биде променливо облачно со локален снег, особено претпладне. Ќе дува умерен до засилен ветер од североисточен правец.

Утринската температура ќе се движи од минус два до три, а дневната од минус два до девет Целзиусови степени.

Во Скопје слично време, утринската температура ќе достигне до нула, а дневната температура до четири Целзиусови степени.

Од сабота следува период на претежно сончево време со пораст на дневната температура.


Променливо облачно време со ветер и повремен снег


Скопје, 12 февруари, 2019 - 9:24 (META) 

Времето во Македонија ќе биде променливо облачно и постудено, со повремен локален снеr, особено на запад и претежно претпладне. Ќе дува засилен северен ветер, најизразен долж Повардарието.

Дневната температура ќе изнесува од 0 до 9 Целзиусови степени.

Во Скопје ќе биде променливо облачно. Ќе дува засилен северен ветер. Дневната температура ќе се искачи до 5 Целзиусови степени.


Претпладнево сончево со умерена облачност, попладне пороен дожд


Скопје, 11 февруари, 2019 - 9:18 (META) 

Претпладне во Македонија времето ќе биде сончево со мала до умерена облачност, преку денот со засилен јужен ветер особено во западните делови, каде ќе достигнува брзина и до 80км/час.

Во попладневните часови облачноста ќе се зголеми и од запад ќе започнат врнежи од дожд, кои на места ќе бидат и поројни. Преку ноќта врнежите ќе се прошират насекаде и ќе бидат пообилни во западните и северните делови, каде на повисоките места ќе преминуваат во снег. Ветерот ќе го промени правецот во северен. Снежната покривка на планините ќе се зголеми, а помала снежна покривка ќе се формира и во местата над 600 м.н.в.

Температурата ќе се движи од 7 до 16 Целзиусови степени.

Во Скопје слично време, со температура од -1 до 13 степени.

Под влијание на многу студен бран од север од утре следува период на променливо облачно, значително постудено и ветровито време, со засилен северен ветер и со слаби локални врнежи од снег.


Облачно и ветровито време, со повремен дожд


Скопје, 6 февруари, 2019 - 9:12 (META) 

Времето денеска ќе биде облачно, постудено и ветровито со повремени врнежи од дожд, со слаб до умерен интензитет. На планините и на некои места врнежите ќе бидат од снег. Ќе дува умерен до засилен северен ветер, особено претпладне и најизразен долж Повардарието.

Дневната температура ќе биде во интервал од 4 до 9 Целзиусови степени.

Во Скопје ќе биде облачно и ветровито, околу пладне и попладне со повремен дожд. Ќе дува умерен, претпладне засилен северен ветер. Максималната температура ќе биде околу 6 Целзиусови степени.

Од утре следува период на стабилно време со пониски утрински температури, а дневните ќе бидат во постепен пораст. Утре се уште ќе има зголемена облачност, а од петок и особено за време на викендот ќе биде посончево и потопло, со дневна температура што во поголем дел од земјава ќе биде од 10 до 15 Целзиусови степени.


Облачно време со повремени врнежи од дожд, а на повисоките места снег


Скопје, 31 јануари, 2019 - 9:07 (META) 

Времето денеска ќе биде претежно облачно со повремени врнежи од дожд, на повисоките места од дожд и снег, а на планините само од снег.

Врнежите ќе бидат со слаб до умерен интензитет. По одделни котлини ќе има појава на магла. Ќе дува слаб, во западните делови умерен ветер од западен правец.

Температурата ќе се движи од минус три до девет Целзиусови степени, во Скопје од 0 до 4 Целзиусови степени.

 Утре ќе биде сончево со умерена облачност, по котлините магливо, ќе дува слаб до умерен јужен ветер.

Магла и намалена видливост на неколку патни правци


Скопје, 30 јануари, 2019 - 12:15 (META) 

Поради магла намалена видливост има на неколку планински превои низ државата, информираат од јавното претпријатие „Македонија пат“.

На патниот правец Тетово-Попова Шапка видливоста е од 30 до 50 метри, на Страцин од 100 до 150 метри, на планинскиот превој Стража од 100 до 150 метри и на планинскиот превој Плетвар до 50 метри.

На останатите државни патишта сообраќајот се одвива во зимски услови по влажни коловози, а на некои повисоки места има остатоци од кашест снег на коловозот по интервенцијата на дежурните служби на „Македонија пат“.


Претежно облачно денеска, со повремен дожд


Скопје, 29 јануари, 2019 - 9:12 (META) 

Во Македонија денеска времето ќе биде претежно облачно со повремени врнежи од дожд, особено попладне и кон крајот на денот.

На планините над 1.400 метри надморска височина ќе има врнежи од снег. Пообилни врнежи ќе има во текот на ноќта во источните делови од земјава.

Максималната температура ќе биде во интервал од 3 до 10 Целзиусови степени.

Во Скопје времето ќе биде претежно облачно. Кон крајот на денот ќе има услови за повремени врнежи од дожд. Максималната температура ќе достигне 5 Целзиусови степени.

Во следните два дена, до четврток, ќе преовладува променливо облачно време со повремени врнежи од дожд, а на планините од снег. Од петок до недела се очекува стабилно време и значително затоплување, особено на повисоките места и на планините, што ќе услови топење на снежната покривка.

Утрово најмногу снег 97 сантиметри е измерен на Попова Шапка, 67 сантиметри во Маврови Анови, 48 во Крушево, а најмалку 3 сантиметри во Скопје – Зајчев Рид, како и во Претор, Струмица и Куманово.


Забрана за тешки товарни возила на неколку патни правци


Скопје, 25 јануари, 2019 - 15:39 (META) 

Поради обилните врнежи од снег од Авто мото-сојузот на Македонија информираат дека од 11 часот на сила стапила забраната за движење на тешки товарни возила на планинскиот превој Барбарос, поточно на регионалниот пат Македонски Брод – Прилеп и на патот Прилеп-Кавадарци, на планинскиот превој Плетвар, додека пак од 12 часот на сила стапи забраната за движење на камиони и на патниот правец Крива Паланка граничен премин Деве Баир.

Од раните утрински часови беше воведена забрана за движење на тешки товарни возила и автобуси и на патниот правец Тетово – Попова Шапка, а забрана само за тешки товарни возила има и на патот Дебар – Маврови Анови и обратно и планинскиот превој Стража.

Во 11 часот, како што информираат од АМСМ престана да важи забраната за тешки товарни возила на А-3 планински превој Ѓавато од Ресен кон Битола.

Сообраќајот на државните патишта се одвива по претежно влажни коловози, а на некои повисоки места во западните делови од државата со остатоци од кашест снег на коловозот по интервенција на дежурните служби на ЈП Македонија пат. Снег врне во Тетово, Гостивар, Кичево, на Попово Шапка, Маврово, Буково, Ѓавато, Плетвар, Пресека и Железнец.


Снежни врнежи денеска, на југоистокот дожд


Скопје, 25 јануари, 2019 - 9:48 (META) 

Времето денеска ќе биде со врнежи од снег насекаде во земјата, а ќе се формира и нова снежна покривка. Само во југоисточниот дел има врнежи од дожд и снег. Дневната температура ќе се движи од нула до пет Целзиусови степени.

Во Скопје ќе биде облачно со врнежи од снег и ќе се формира снежна покривка. Максималната температура ќе достигне до еден Целзиусов степен.

Висината на снежна покривка изнесува 76 сантиметри на Попова Шапка, 60 Маврово, 41 Лазарополе, 30 Крушево, 24 Пожаране, 8 Тетово, 5 Битола, Претор, 2 Скопје-Петровец.