!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

ЕУ го губи трпението, предложени санкции за Полска


Брисел, 16 ноември, 2017 - 12:14 (META) 

Европскиот парламент со 438 гласа „за“ и со 152 „против“, усвои резолуција со која се предвидува активиеање на механизмот за воведување санкции од ЕУ против Полска.

Варшава сè повеќе отстапува од нормите на демократијата и на правната држава, сметаат европарламентарците. Станува збор за активирање на членот 7 од спогодбата за ЕУ, кој може да ја лиши Полска од право на глас во Советот на ЕУ.

Претходно, претседателот на Полска стави вето на усвојување закон во парламентот за Национален судски совет и за Врховниот суд. Тој на 25 септември претстави алтернативна верзија на овие закони. Европската комисија ги критикуваше преложените закони, наведувајќи дека тоа ќе ја потчини судската власт на извршната. ЕК, исто така, се противи и на двата закони што ги потпиша претседателот, за работата на основните судови и за Националната школа за судии. Според Брисел, тоа сериозно ќе ја поткопа независноста на правосудството во Полска.


Полска ја победи ЕУ, тврди премиерката Шидло


Варшава, 14 ноември, 2017 - 17:02 (META) 

Полската премиерка Беата Шидло изјави дека нејзината Влада победила во спорот со ЕУ околу мигрантите, тврдејќи дека Унијата дури и го сменила својот став по тоа прашање.

Според Шилд, ЕУ го сменила ставот благодарение на влијанието на одлучниот и непоколеблив на Полска.

– Денеска во Европа на Полска се гледа како на земја ослободена од тероризам – вели Шидло.

Полска одби да прими бегалци според обврзувачкиот план на ЕУ за релокација на бегалци. Варшава како аргумент наведе дека со прифаќањето на муслиманските мигранти ќе се загрози безбедноста на земјата и нејзиниот католички идентитет.


Еден убиен, осуммина повредени во напад со нож во трговски центар во Полска


Варшава, 20 октомври, 2017 - 19:25 (META) 

Најмалку едно лице загина, а други осум се повредени попладнево, кога 27-годишник вооружен со нож нападнал купувачи во трговскиот центар „Виво!“ во градот Сталова Воља во југоисточниот дел на Полска.

Повеќето од повредените се здобиле со исеченици.

Според полицискиот портпарол Анджеј Виршина, инцидентот се случил околу 15 часот во најголемиот трговски центар во градот, кога вооружениот маж од зад грб нападнал осуммина купувачи во продавницата.

Полицијата успеала да го совлада и упаси напаѓачот, кој е идентификуван како 27-годишниот локален жител по име Конрад К.


Столтенберг имал сообраќајка во Варшава


Варшава, 25 август, 2017 - 10:37 (META) 

Генералниот секретар на НАТО, Јенс Столтенберг ноќеска доживеал сообраќајна несреќа во Варшава, но не е повреден.

Според информациите на „ТВН 24“, несреќата се случила кога полициското возило кое ја предводело колоната на Столтенберг, удрило во камион.

Четворица се повредени и пренесени во болница, а според информациите на странските медиуми, Столтенберг не е меѓу нив.

Според очевидци на несреќата, повредени се луѓе од придружбата на генералниот секретар на НАТО и пешаци, а кај три возила кои учествувале во несреќата била предизвикана голема материјална штета.

Столтенберг допатувал во Полска за да го посети баталјонот на Северноатлантската алијанса, кој е под американска команда.


Невремето во Полска усмрти едно и повреди четири лица


Варшава, 11 август, 2017 - 13:09 (META) 

Едно лице загина, а четворица се повредени во невремето кое од среда дивее во Полска и преминува во Чешка, соопшти полската државна противпожарна служба.

– Во невремето загина едно лице, а четири се повредени. Во целата земја ветерот однел или оштетил покриви на 500 згради, од кои 289 станбени. Во четвртокот и во петокот наутро пожарникарите излегле на терен 5.000 пати – изјави за полската телевизија „Полсат“, портпаролот на државната противпожарна служба, Павел Фронтчек.

Според соопштението на центарот за безбедност при полската влада, поради невремето во моментов околу 26.000 полски домаќинства се без струја.


Полски новинари ја промовираат Македонија како туристичка дестинација


Скопје, 31 јули, 2017 - 11:37 (META) 

Петмина новинари од Полска ја посетија Македонија за да ги откријат убавините на земјата и да ја промовираат како туристичка дестинација помеѓу полските туристи.

Новинарите, кои во Македонија престојуваа од 17 до 22 јули на покана и во органазија на „ТАВ Македонија“, ги посетиле Скопскиот и Битолскиот Регион, како и Охрид.

– Имплементирајќи ја неодамнешната успешна маркетинг-активност со турските блогери за промоција на Македонија помеѓу турските граѓани, презедовме многу слична маркетинг-иницијатива, за да ја промовираме Македонија како интересна туристичка дестинација меѓу туристичките агенции и тур-оператори од Полска, како и самите патници од оваа земја – изјави генералениот директор на „ТАВ Македонија“, Алпер Ерсој.


Во Полска евакуирани 10.000 луѓе поради бомба од Втора светска војна


Варшава, 9 јули, 2017 - 13:21 (META) 

Во Бјалисток на североистокот на Полска почна евакуација на 10.000 луѓе поради бомба тешка половина тон од Втора светска војна.

Бомбата е откриена за време на градежни работи на една улица.

– Бомбата е обезбедена и покај неа стражарат припадниците на надлежните служби. Моментално нема опасност по граѓаните, но може да се појави во моментот кога ќе се вади – вели градоначалникот на Бјалисток, Тадеуш Турсколаски.

Градот во договор со полицијата одлучи да затвори 60 улици во пречник од 1,3 километри околу бомбата, а домовите мораа да ги напуштат околу 10.000 лица додека специјалците не ја извадат бомбата и ја однесат на воен полигон за безбедно да ја детонираат.


Во Охрид пристигнаа полски туристи со првиот чартер-лет од Катовице


Охрид, 22 јуни, 2017 - 15:26 (META) 

„ТАВ Македонија“ утрово го пречека првиот чартер-лет од Полска на аеродромот „Св. Апостол Павле“ во Охрид, одбележувајќи го почетокот на соработката меѓу „ТАВ Аеродроми“ и еден од најголемите полски тур-оператори „Рего-бис“.

Првиот чартер-лет, управуван од полската авиокомпанија „Смол планет ерлајнс“ (Small Planet Airlines), пристигна од Катовице и донесе 220 полски туристи во Охрид.

– Ќе имаме еден чартер-лет неделно, односно секој четврток, од Катовице, опериран од „Смол планет ерлајнс“ (Small Planet Airlines) за време на летната сезона во 2017 година. Од денеска, па сè до крајот на септември, на охридскиот аеродром ќе пристигнат вкупно 14 сезонски летови од Катовице – изјави генералниот директор на „ТАВ Македонија“, Алпер Ерсој.

Како што изјавија од „ТАВ Македонија“ и во согласност со најавите од полскиот тур-оператор, авиолинијата Катовице – Охрид е само првата рута на која ќе сообраќаат чартер-летови од Полска. Варшава е следна дестинација, од каде што се очекуваат полски туристи да пристигнуваат на Охридско Езеро.

„Повеќе од 3.000 туристи ќе пристигнат со 14 летови со „ербас 321“, а со секој лет 220 патници ќе слетуваат во Охрид. Другите туристи ќе пристигнуваат со комфорни автобуси на секои десет дена. Ова не е само можност да им се излезе во пресрет на полските туристи за да можат да патуваат, туку ова е исто така можност да им помогнеме да ја истражат македонската култура и историја“, изјави Габриела Манка-Сокулу, сопственичка на „Рего-бис“.


ЕК поведе прекршочни постапки против Унгарија, Полска и Чешка


Брисел, 13 јуни, 2017 - 20:49 (META) 

Европската комисија одлучи да поведе прекршочни постапки против Унгарија, Полска и Чешка затоа што овие земји членки не ги исполниле своите обврски поврзани со прифаќањето бегалци.

Еврокомесарот за миграција, Димитрис Аврамопулос, соопшти дека Комисијата веќе една година испраќа повици за солидарност и за исполнување на законските обврски за релоцирањето бегалци од камповите во Грција и во Италија. На крајот, како што рече тој, откако Европската комисија сфати дека нејзините напори се залудни, одлучи да преземе правни чекори против овие членки.

– Овие три земји ништо не направија по ова прашање. Унгарија ниту се обврза дека ќе преземе бегалци ниту, пак, некого прифати. Полска се обврза, но не прифати никого, а Чешка не направи ништо во последната година – порача еврокомесарот.

Во Европската комисија наведуваат дека повеќето земји членки на ЕУ се согласиле дека релокацијата на бегалци е можна само доколку постои политичка волја.


Мултановски: Очекувам новата влада да ги спроведе неопходните реформи


Скопје, 18 мај, 2017 - 17:15 (META) 

Очекувам по доделување на мандатот да се формира влада која ќе работи на реформите за евроинтеграциите, за што ќе ја има полската поддршка, порача амбасадорот на Полска во Македонија, Јацек Мултановски. Тој денеска учествуваше на конференцијата „Вишеградската група и Западен Балкан – Што е наредно за овие два региона?“, која се одржа во Скопје.

– Вчера претседателот Иванов го даде мандатот за формирање влада на лидерот на СДСМ, Зоран Заев, и тоа е важен чекор во процесот на формирање нова влада, која, се надевам, ќе биде способна да ги спроведе сите неопходни реформи за евроатлантска интеграција. Полска е силен поддржувач на македонските евроатлантски аспирации и сме подготвени да соработуваме со вас и да ви помогнеме во тој процес – изјави Мултановски.