!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Видливоста на Стража е намалена поради магла


Скопје, 25 февруари, 2017 - 13:56 (META) 

Сообраќајот на државните патишта се одвива по влажни коловози, информираат од Автомото-сојузот на Македонија. Поради појава на магла, видливоста на планинскиот премин Стража е намалена од 80 до 100 метри.

Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.


Привршува изградбата на горниот тек од кејот на реката Пена


Тетово, 9 февруари, 2017 - 14:10 (META) 

Привршуваат градежните активности околу изградбата на третата фаза од горниот тек на кејот на реката Пена, кон пределот Бањиче. Од секторот за сообраќај и патишта при Општина Тетово, велат дека останува оваа делница само да се асфалтира, а напоредно се работи на изградбата на втората фаза од кејот, каде се работи на потпорните ѕидови.

– Третата фаза ќе се заврши, но малку повеќе работа има на втората фаза, во која треба да изградиме два потпорни ѕидови. Со нивната изградба, фактички ќе го завршиме проектот –  рече Хусеин Демири, раководител на секторот за сообраќај и патишта при Општина Тетово.

Изградбата на кејот на реката Пена, кој се состои од нов коловоз, тротоар и улично осветлување, трае две години. Минатата година заврши првата фаза на горниот тек на кејот, кој е долг ококу 2,5 километри.


Забавена е доставата на нафта во земјава, можно е поскапување


Скопје, 7 февруари, 2017 - 15:03 (META) 

Девет камиони што превезуваат нафта и нафтени деривати и беа заглавени на граничниот премин Евзони поради штрајкот на грчките земјоделци, се пуштени да влезат во земјава, вели за „Мета“, Билјана Муратовска од Здружението на превозници „Макам-транс“.

– Вчера, со посредство на Канцеларијата за врски на Грција во Скопје, девет камиони ја поминаа границата, а шест останаа да чекаат. Ги пропуштија само оние кои се сметаат за опасни. Засега нема најава кога ќе бидат пуштени другите што останаа – вели Муратовска.

Таа објаснува дека доставата на нафта во земјава не е редовна како претходно, а компаниите се снаоѓаат од каде ќе ја купат и ќе ја донесат во земјава. Можно е, според Муратовска, цената на нафтата да се зголеми поради зголемување на трошоците и користењето на алтернативни патишта за да се донесе.

– Компаниите бараат алтернатива од каде ќе ја купат. Од Грција им беше најблиску и си ги знаеја доставувачите, а сега бараат начини тоа да биде преку Бугарија, што ги чини поскапо – вели Муратовска.

Министерот за економија, Дритон Кучи, на денешната прес-конференција изјави дека контактираат со грчките органи за да се надмине проблемот, бидејќи ја загрозува економската ситуација во земјава.

– Блокадата е внатрешен проблем на Грција и се надевам дека што поскоро ќе се реши. Како надлежен орган, правиме напори да им олесниме на сите што патуваат кон Грција, а не само на транспортерите –  изјави Кучи.

Тој додаде дека Министерството за економија ќе спречи да дојде до каква било нафтена криза.

– Вчера од секторот за енергетика ми укажаа дека веќе треба да се справиме со можната нафтена криза и затоа од денеска ќе ги интензивираме состаноците за надминување на проблемот – рече Кучи.

Камионите што превезуваат нафта и нафтени деривати се најзагрозени помеѓу превозниците кои се заглавени на грчко-македонската граница, бидејќи превозниците на друг вид стока се пренасочуваат кон граничниот премин Дојрани.

Поради блокадата на Евзони, железничкиот превоз e оптоварен и капацитетите на возовите се целосно исполнети.


Грчките земјоделци се закануваат и со блокада на преминот кај Дојран и на железницата


Атина, 6 февруари, 2017 - 10:38 (META) 

Грчкиот граничен премин Евзони останува затворен од блокадата на грчките земјоделци, кои со блокирање на граници и на автопатшта низ земјата реагираат против владината политика кон нив.

Нема најава дека земјоделците ќе се повлечат деновиве од граничниот премин на македонско-грчката граница, кој е блокиран точно една недела. Напротив, земјоделците се закануваат дека доколку владата не одговори на барањето за суштински дијалог со нив за клучни промени, дека ќе го блокираат и граничниот премин кај Дојран.

„Очекуваме владата да одговори на нашето барање за суштински петдневен дијалог со учество на премиерот Алексис Ципрас. Ако не се однесуваат кон нас сериозно, ќе ги интензивираме нашите активности и ќе стигнеме и до царината на Дојран“, изјави Томас Карипидис, претседател на сојузот на земјоделци од општината Пеониа и член на комитетот на земјоделците штрајкувачи кои блокираат на Евзони.

Земјоделците бараат промени во три сектори и тоа цена на производство, осигурување и даноци.

Додека трае блокадата, влезот од Македонија во Грција се одвива главно преку преминот Дојран и тоа со тешкотии и со долги чекања за влез и излез од државата. Земјоделците се закануваат дека може да почнат и со ненадејни блокади на железничката линија кон Македонија кај Идомени, што дополнително ќе го отежни товарниот сообраќај од Грција кон Македонија и кон ЕУ.

Лани бегалците во кампот кај Идомени три месеци ја блокираа железничката линија, создавајќи огромни проблеми за грчките извозници и транспортери, за македонските и странските компании и клиенти кои пренесуваат стока преку солунското пристаниште и железничката линија Солун – Скопје.


Сообраќајот на патот Прилеп – Битола – Ресен и понатаму во прекин поради свлечиште


Скопје, 30 јануари, 2017 - 10:14 (META) 

Сообраќајот на патниот правец А3, односно Прилеп – Битола – Ресен преку обиколница кај Битола, и понатаму е во прекин поради свлечиште. Сообраќајот се пренасочува преку градот Битола, информираат од Автомото-сојузот на Македонија (АМСМ).

Сообраќајот на државните патишта се одвива тековно во зимски услови, по на места влажни коловози, а снег со слаб интензитет провејува во Битола, Ресен и на планинските превои Буково и Ѓавато.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Патниот правец Скопје – Македонски Брод преку природниот резерват Јасен и понатаму е непрооден.

Интензитетот на сообраќај на патните правци надвор од градските средини е умерен. На македонската страна на граничните премини нема подолги задржувања за влез и за излез од земјава.

Од АМСМ препорачуваат исклучително внимателно возење, прилагодена брзина на движење и почитување на поставената сообраќајна сигнализација.


Поради ниската температура, можна е појава на голомразица по патиштата


Скопје, 28 јануари, 2017 - 11:49 (META) 

Сообраќајот на државните патишта се одвива во зимски услови, по на места влажни коловози. Поради ниската температура, можна е појава на голомразица, информираат од Автомото-сојузот на Македонија.

Сообраќајот на патниот правец А3, Прилеп – Битола – Ресен, преку обиколницата кај Битола, е во прекин поради свлечиште и сообраќајот се пренасочува преку градот Битола.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Сè уште е во прекин сообраќајот кај Битола


Скопје, 26 јануари, 2017 - 9:41 (META) 

Сообраќајот на патниот правец А3, Прилеп – Битола – Ресен преку обиколницата кај Битола е во прекин, исто како вчера, поради свлечиште. Сообраќајот и денеска се пренасочува преку градот Битола, информираше АМСМ рано утрово.

Сообраќајот на државните патишта се одвива во зимски услови по претежно влажни коловози, а на осојничавите места во западниот дел од земјава, на места со остатоци од кашест снег по интервенција на дежурните екипи на „Македонија пат“.

Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Патниот правец Скопје – Македонски Брод преку националниот парк Јасен е непрооден.

Од 15 ноември на сила стапи законската обврска за задолжително поседување зимска опрема во возилата, без оглед на моменталната временска состојба. Оваа обврска ќе трае до 15 март годинава.

АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.

 

Интензитетот на сообраќај на патните правци надвор од градските средини е умерен. На граничните премини од кедонската страна нема подолги задржувања за влез и за излез од земјава.


Сè уште е во прекин сообраќајот на обиколницата на Битола, се вози низ градот


Скопје, 25 јануари, 2017 - 19:27 (META) 

Сообраќајот на патниот правец Прилеп – Битола – Ресен преку обиколницата кај Битола е во прекин поради свлечиште и сообраќајот се пренасочува преку градот, информираат од Автомото-сојузот на Македонија.

Во попладневниот извештај се вели дека сообраќајот на државните патишта се одвива во зимски услови, по влажни коловози, на повисоките места, а во западниот дел од земјава на места со остатоци од кашест снег.

На патниот правец Тетово – Попова Шапка има магла и видливоста на патот е од 40 до 50 метри.


Во прекин сообраќајот на обиколницата на Битола, се вози низ градот


Скопје, 25 јануари, 2017 - 10:23 (META) 

Сообраќајот на патниот правец А3, Прилеп – Битола – Ресен, преку обиколницата кај Битола, е во прекин поради свлечиште и сообраќајот се пренасочува преку градот Битола, извести претпладнево службата за помош и информации на АМСМ.

Сообраќајот на државните патишта се одвива во зимски услови, по влажни коловози. На повисоките места во западниот и во југозападниот дел од земјава некаде има остатоци од кашест снег по интервенција на дежурните екипи на „Македонија пат“. Врнежи од снег со слаб интензитет се бележат во Битола, Железнец и на планинските премини Буково и Ѓавато. Намалена видливост поради појава на магла од 150 до 200 метри има на патниот правец Гостивар – планински премин Стража и до 70 метри на планинскиот премин Плетвар.

Во клисурите и во засеците можна е појава на помали одрони, особено на патните правци: Кочани – МакедонскаКаменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Патниот правец Скопје – Македонски Брод преку националниот парк Јасен е непрооден.

Од 15 ноември на сила стапи законската обврска за задолжително поседување зимска опрема во возилата, без оглед на моменталната временска состојба. Оваа обврска ќе трае до 15 март.

Интензитетот на сообраќај на патните правци надвор од градските средини е умерен. На македонската страна на граничните премини нема подолги задржувања за влез и за излез од земјава. АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.


Намалена видливост кон Катланово и кон Тетово поради магла


Скопје, 24 јануари, 2017 - 9:35 (META) 

Сообраќајот на државните патишта се одвива во зимски услови, по на места влажни коловози, информираат од Автомото-сојузот на Македонија.

Појава на магла со видливост од 50 до 100 метри има на патните правци Велес – Катланово и кон Тетово.

Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.