!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Мајстор загинал откако го удрила струја од далновод


Струга, 13 септември, 2017 - 15:09 (META) 

Мајстор кој работел во Струга вчера трагично го загубил животот откако добил струен удар од далновод додека работел на куќа.

Како што соопшти СВР Охрид, вчера, околу 11.30 часот, во Струга на улицата Едвард Кардељ, Г.М. (44) од Охрид, неговиот брат А.М. и М.П., како вработени во „АМГ Дизајн 2013“, местеле олуци на куќа и во еде момент Г.М. со олук допрел кабел од далновод, кој бил н 2,5 метри од терасата каде што стоел. Притоа добил електричен удар и паднал, по што била повикана итна медицинска помош, која го пренела во Општа болница во Струга, каде била констатирана смрт.

Бил извршен увид и по наредба на јавен обвинител телото на починатиот било предадено на семејството.


Мотоциклист загинал во сообраќајка во Битола


Битола, 25 јули, 2017 - 13:23 (META) 

Во сообраќајна несреќа што се случила вчеравечер во Битола, загинал 40-годишен маж од битолското село Горно Оризари, соопшти СВР Битола.

Несреќата се случила во 20.35 часот, на крстосницата на улиците 8 Септември и  Арон Ароести. Дошло до судир на автомобил „голф 3“ со битолски регистарски таблички, управуван од А.К. (29) од Битола, и мотоцикл „хонда“ со битолски таблички, управуван од И.Г. (40) од селото Горно Оризари. Мотоциклистот од добиените повреди починал веднаш.

Увид извршиле јавен обвинител и екипа од СВР Битола, а телото на загинатиот по наредба на јавен обвинител е предадено за обдукција.


Во несреќи вчера загинале двајца мажи од Кумановско


Куманово, 20 јули, 2017 - 13:54 (META) 

Во две несреќи вчера попладнето, животите ги загубиле двајца мажи од Кумановско.

Во првиот случај, како што извести МВР, околу 16.30 часот, Н.Ф.(49) од кумановското село Лопате, собирајќи слама во сопствената нива, паднал од тракторска приколка на која бил качен и бил прегазен од тркалото од приколката. Подоцна лекарите од кумановската болница, каде бил однесен, констатирале смрт. Увид на местото на несреќата извршила увидна екипа на СВР-Куманово.

Во втората несреќа жртва бил Р.Д. (52) од Куманово. Тој управувал со автомобил „опел зафира“ на aвтопатот А1, Велес – Градско, а околу 18.30 часот во близина на клучката за селото Виничани загубил контрола над возилото, при што автомобилот излетал од коловозот и се превртел во канал. Возачот од повредите починал веднаш и неговото тело е предадено за обдукција.


Возач загинал кај Стоби


Неготино, 10 јули, 2017 - 14:17 (META) 

Во тешка сообраќајна несреќа што се случила вчера околу 19 часот, на регионалниот пат Градско – Неготино кај локалитетот Стоби, животот го загубил С.П. (47) од неготинското село Црвени Брегови.

Како што соопшти МВР, автомобилот „киа“ со кој управувал сега загинатиот, излетало од коловозот и се превртело.

Увид извршила екипа од СВР Велес, а по наредба на јавен обвинител, на телото на починатиот ќе се врши обдукција.


Тинејџер загинал во сообраќајка во Струмичко


Струмица, 23 јуни, 2017 - 14:09 (META) 

Момче од Струмичко го загубило животот во сообраќајна несреќа што се случила рано утрово во близина на село Дабиле, извести СВР Струмица.

На регионалниот пат Струмица – Берово, околу 3.15 часот, на излезот од Дабиле кон Петралинци, автомобил „голф“ со струмички таблички излетал од коловозот и паднал во коритото на реката Струмешница.

Од повредите починал Ѓ.А. (19) од Турново, додека неговиот врсник А.Т. (19) од Радово добил тешки телесни повреди.

Тој потоа бил пренесен во Медицински центар Струмица, од каде поради сериозноста на повредите бил префрлен во Ургентен центар Скопје.


Мотоциклист во Тетово излетал од патот и го загубил животот


Тетово, 17 јуни, 2017 - 21:55 (META) 

Мотоциклист го загубил животот во тешка сообраќајна несреќа што вечерва околу 19 часот се случила на булеварот Маршал Тито во близина на железничкиот надвозник на излезот од Тетово.

Тетовецот Е.А. (26) од засега неутврдени причини загубил контрола на мотоциклот што го управувал, по што удрил во заштитната метална ограда. Притоа добил тешки телесни повреди, поради кои бил префрлен во тетовската Клиничка болница, но кога бил донесен таму, лекарите само ја констатирале неговата смрт.


Загина скопјанец во сообраќајка кај Лозово


Лозово, 31 март, 2017 - 17:56 (META) 

Во возило што излетало од коловозот кај Лозово на патот Велес – Штип, загина 63-годишен скопјенец, кој бил сопатник во автомобил „шкода“ со скопски регистерски ознаки. Возачот е повреден и со возило на итната помош на Свети Николе е пренесен во болница.

Несреќата се случила денеска околу 15 часот, потврди портпаролката на СВР Штип, Гордана Панајотова. Увид на местото на несреќата вршат јавен обвинител од Свети Николе и полицијата.

Од увидот, според Панајотова, ќе се утврдат и причините за несреќата.


Маж починал откако го пригмечил автомобилот што го поправал


Волковија, 31 март, 2017 - 13:36 (META) 

Чувар на сепарација во близина на полошкото село Волковија вчеравечер го загубил животот, најверојатно, според полицијата, откако автомобилот што го поправал се спуштил и го пригмечил.

Во полиција вчера, 25 минути пред полноќ, било пријавено дека во сепарацијата, под автомобил „форд мондео“ има легнат маж. Полицајците што биле испратени во сепарацијата констатирале дека се работи за М.Г. (66) од селото Брвеница, кој бил починат.

Сопственикот на сепарацијата на полицајците им кажал дека починатиот бил чувар во сепарацијата и дека е можно да го поправал автомобилот што го пригмечил.

Увид извршиле екипа од СВР Тетово и јавен обвинител, а лекар констатирал смрт. Јавниот обвинител наредил да се изврши обдукција во Клинички центар Тетово.


Дојранчанец загинал во пожар


Стар Дојран, 27 март, 2017 - 14:43 (META) 

Во пожар што вчера наутро избувнал во неговата куќа на улицата „Јане Сандански“ во Стар Дојран, животот го загубил 50-годишниот С.Д., соопшти полицијата.

Пожарот бил пријавен утрото. Пожарникарите интервенирале и по некое време го изгаснале пожарот, но и го пронашле мртвото тело на сопственикот на куќата.

Лекар од брза помош ја констатирал смртта и на телото забележал изгореници. Смртта, според сегашните сознанија настанала од задушување, а изгорениците на телото се создале подоцна. По увидот извршен од СВР Струмица, со согласност од јавен обвинител, телото на настраданиот било предадено на семејството за погреб.


Работник починал по пад од кров на куќа


Прилеп, 3 април, 2016 - 12:34 (META) 

Шеесет и осумгодишен жител на Македонски Брод вчера го загубил животот по пад од кров на куќа, на кој извршувал градежни работи, соопшти полицијата.

Несреќата се случила околу 11 часот во селото Дебреште, Прилепско. Од падот, В.Н. се здобил со тешки телесни повреди и веднаш биле пренесен во Медицинскиот центар во Прилеп, каде во 15.20 часот починал.

Увид на местото на несреќата извршила екипа од полициската станица во Прилеп.