!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Облачно време со повремени врнежи од дожд


Скопје, 27 март, 2017 - 9:14 (META) 

Времето денеска ќе биде облачно со повремени слаби врнежи од дожд, а на повисоките места и на планините, претежно во јужниот дел од земјава, дожд и снег. Ќе дува умерен северен ветер.

Tемпература на воздухот ќе опадне за 8 до 10 Целзиусови степени во споредба со вчерашната.

Минималната температура ќе се движи од нула до пет степени, а дневната од 8 до 14 Целзиусови степени.


Почна летното сметање на времето


Скопје, 26 март, 2017 - 10:12 (META) 

Летното сметање на времето почна во два часот по полноќ со поместување на стрелките на часовникот за еден час нанапред. Ова сметање ќе трае до последниот викенд на октомври, кога почнува зимското сметање на времето.

Преминувањето на летно и зимско сметање на времето за прв пат е направено во 1916 година во земјите на северот на Европа поради заштеда да енергија, а сега се применува во 70 земји.

Летното сметање на времето во поранешна Југославија, а со тоа и во Македонија, е воведено на 27 март 1983 година.

Од 2002 година, Европската Унија, како и останатите земји во Европа, одредија дека почетокот на летното сметање на времето почнува последната недела од март и завршува последната недела од октомври, кога стрелките на часовникот се враќаат еден час наназад.


Ноќеска почнува летното сметање на времето


Скопје, 25 март, 2017 - 10:18 (META) 

Викендов почнува летното сметање на времето така што вечерва во 2 часот часовникот ќе се помести за еден час понапред и ќе биде 3 часот.

Летното сметање на времето ќе заврши на 30 октомври во 3 часот, со поместување за еден час наназад, кога почнува зимското сметање на времето.

Одлуката за денот и за моментот на воведувањето и за денот и за моментот на завршувањето на летното сметање на времето во 2017 година е објавена во „Службен весник на Република Македонија“.

Преминувањето на летно и на зимско сметање на времето првпат е направено во 1916 година во земјите на северот на Европа поради заштеда на енергија, а сега се применува во 70 земји.

Летното сметање на времето во поранешна Југославија, а со тоа и во Македонија, е воведено на 27 март 1983 година.


Сончево и топло време со температура до 27 степени


Скопје, 24 март, 2017 - 9:14 (META) 

Времето претпладне во Македонија ќе биде претежно сончево, а попладне во планинските подрачја ќе има мала до умерена локална облачност. Преку ден ќе дува слаб ветер од променлив правец.

Утринската температура ќе се движи од 2 до 7 Целзиусови степени, а дневната од 22 до 27 степени.

Во Скопје времето ќе биде претежно сончево. Утринската температура ќе се спушти до 6 Целзиусови степени, а дневната ќе се искачи до 26 Целзиусови степени.


Сончево и топло време со температура до 26 степени


Скопје, 23 март, 2017 - 9:16 (META) 

Времето денеска ќе биде сончево со умерена локална облачност. Преку денот ќе дува слаб до умерен ветер претежно од јужен правец.

Утринската температура ќе се движи од 1 до 8 Целзиусови степени, а дневната од 20 до 26 степени.

Во Скопје се очекува слично време. Утринската температура ќе се спушти до 7 Целзиусови степени, а дневната ќе се искачи до 25 степени.

До крајот на работната недела ќе се задржи топло време за овој период од годината. Дневната температура од сабота ќе има тенденција на опаѓање.


Летното сметање на времето ќе почне в недела, на 26 март


Скопје, 22 март, 2017 - 15:08 (META) 

Летното сметање на времето ќе почне в недела, на 26 март, така што во 2 часот часовникот ќе се помести за еден час понапред и ќе биде 3 часот.

Летното сметање на времето ќе заврши на 30 октомври во 3 часот, со поместување за еден час наназад.

Одлуката за денот и за моментот на воведувањето и за денот и за моментот на завршувањето на летното сметање на времето во 2017 година е објавена во „Службен весник на Република Македонија“.


Сончево и топло време со локална облачност


Скопје, 21 март, 2017 - 9:14 (META) 

Времето денеска ќе биде сончево и топло, со мала до умерена локална облачност. Попладне во западните делови од земјава ќе има услови за ретка појава на краткотраен дожд. Ќе дува слаб до умерен ветер од југоисточен правец.

Утринската температура ќе се движи од 1 до 8 Целзиусови степени, додека дневната ќе биде во интервал од 14 до 24 степени.

Во Скопје и во околината се очекува слично време со утринска температура околу 4 Целзиусови степени и дневна до 22 степени.


Облачно време со слаб локален дожд


Скопје, 16 март, 2017 - 9:09 (META) 

Времето претпладне во Македонија ќе биде облачно, со слаб локален дожд, а на некои планини со слаб снег. Попладне врнежите ќе престануваат и облачноста ќе се намалува. Ќе дува слаб до умерен, а долж Повардарието повремено и засилен ветер од северен и од северозападен правец.

Утринската температура ќе се движи од 1 до 8 Целзиусови степени, а дневната од 8 до 16 степени.

Во Скопје се очекува слично време. Утринската температура ќе се спушти до 4 Целзиусови степени, а дневната ќе се искачи до 12 степени.


Облачно и свежо време со засилен ветер


Скопје, 14 март, 2017 - 9:13 (META) 

Времето денеска ќе биде променливо облачно со услови за проврнување повремен слаб дожд, додека на планините и на некои повисоки места ќе врне слаб снег. Ќе дува умерен северен ветер, кој повремено ќе се засилува, особено долж Повардарието и во источните делови на земјава.

Највисоката температура на воздухот ќе се движи во интервалот од 7 до 14 Целзиусови степени.

Во Скопје се очекува слично време со сончеви периоди. Највисоката температура на воздухот ќе достигне до 11 Целзиусови степени.

Променливото и релативно свежо време ќе се задржи до викендот, кога се очекува намалување на облачноста и зголемување на температурата.

 


Облачно и студено време


Скопје, 13 март, 2017 - 9:09 (META) 

Времето денеска ќе биде променливо облачно, со сончеви периоди, претпладне во источните делови од земјава со локален дожд и снег.

Ќе дува умерен, повремено засилен северен ветер. Температурата ќе се движи од минус 5 до 14 Целзусови степени.

Во Скопје се очекува слично време, со температура од 1 до 11 Целзиусови степени.