fbpx

Свилановиќ: РСС ќе придонесе регионот да биде просперитетен и стабилен

-

„Исклучително е важно да се осигури понатамошен напредок и продолжување со реформите во регионот, бидејќи тоа се неповратни процеси кои произлегуваат од тежнеењето на државите да пристапат кон Европската Унија. Регионалниот совет за соработка (РСС) ја продолжува блиската соработка со вас, за регионот да биде просперитетен и стабилен“, изјави генералниот секретар на Регионалниот совет за соработка (РСС), Горан Свилановиќ, обраќајки се на шестиот неформален состанок на министрите за надворешни работи и за енергетика од Западен Балкан, кој денеска се одржа во Скопје.

Според него, очекувањата од претстојниот самит во Трст се големи.

„Поврзаност, борба против корупција, иновација и пренос на технологија се некои од темите за кои ќе се разговара на самитот. Ако им се пристапи на соодветен начин, како на национално така и на регионално ниво, во голема мера ќе придонесат за одржување на економскиот развој, но, исто така, и ќе го поттикнат процесот на проширување на Западен Балкан“, изјави Свилановиќ.

Тој зборуваше и за приоритетите и за активностите на организацијата предвидени за следните три години и потсети на поранешните успеси на РСС, како што се посредството при меѓувладините договори, за приоритет да се земе меѓусебното признавање на стручните квалификации во граѓанскиот и во здравствениот сектор, подготовката и усогласувањето на регионалната програма за туризам и др.

На маргините на состанокот се потпишани и договори со кои се осигурува дополнителен придонес на ЕУ во пружање техничка помош и финансирање на проекти од областа на енергетската ефикасност и обновливи извори на енергија во регионот.

Денешниот состанок беше продолжение на министерскиот состанок на шесте економии на Западен Балкан одржан во септември минатата година во Њујорк, на маргините на 71. седница на Генералното собрание на Обединетите Нации.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...