Милион и половина луѓе се собраа на централните градски улици во Париз за да се приклучат на маршот на солидарноста.
Протестната прошетка, наречена „Плачам за слобода“, се одржува во чест на жртвите на неодамнешните терористички напади во Париз, кои почнаа во средата, со масакрот во парискиот сатиричен неделник „Шарли ебдо“. Во нападите загинаа 17 лица, новинари, карикатуристи, полицајци и заложници, кои радикалните екстремисти ги киднапираа.
Impressive: 100,000s gather in the streets of Paris shouting: “Right to offend, no right to murder.” #JeSuisCharlie pic.twitter.com/KBUjmG2Z5Q
— Julie Lenarz (@MsIntervention) January 11, 2015
Францускиот претседател Франсоа Оланд пред почетокот на маршот изјави дека Париз „денеска е престолнина на светот“ и оти „цела земја ќе стане на нозе“.
– Ова ќе биде невидена манифестација, која ќе биде запишана во книгите на историјата – рече премиерот на Франција, Маниел Валс.
На поканата на францускиот претседател за учество во големиот антитерористички протестен марш, допатуваа највисоките претставници на Европската Унија и лидерите на европските земји. На маршот на солидарноста се приклучија германската канцеларка Ангела Меркел и премиерите на Шпанија, Велика Британија, Турција и на Италија, Маријано Рахој, Дејвид Камерон, Ахмет Давутоглу и Матео Ренци, како и рускиот министер за надворешни работи, Сергеј Лавров, кој ја предводеше делегацијата на Русија. Поддршка за Франција изразија и израелскиот премиер, Бенјамин Нетанјаху, и палестинскиот претседател, Махмуд Абас.
#MarcheRepublicaine #jesuischarlie World leaders they are attending the solidarity march in the streets of Paris pic.twitter.com/Ih9hMnsuKn
— euronews (@euronews) January 11, 2015
На почетокот на маршот, лидерите, рамо до рамо, во тишина, проследени со аплауз, ги поведоа граѓаните на протесната прошетка.
Италијанскиот премиер, Матео Ренци, учествувајќи во маршот, вети дека Европа „ќе победи во предизвикот против тероризмот“.
– Денеска сите сме Французи – рече Ренци.
Британскиот премиер Дејвид Камерон, приклучувајќи се кон маршот на солидарноста, рече дека екстремистичкото насилство уште долго ќе претставува закана.
– Ние во Британија сме соочени со многу слична закана, закана од фанатичен екстремизам… Тоа е закана која е со нас веќе долги години и верувам дека ќе остане уште долго – рече Камерон.
Тој додаде дека Британија мора да се соочи со таа закана „на секој начин“, како и тоа дека од клучно значење да се проучат крвавите настани во Франција за од нив да се извлече поука.
Истовремено, повеќе од 600 илјади луѓе денеска излегоа на улици во другите градови во Франција, за да го поддржат Маршот на солидарноста што се одржува во Париз. Случни маршови се организираа и во повеќе европски градови, вклучувајќи ги Брисел и Лондон.
Proud to be French. #JeSuisCharlie pic.twitter.com/BbFtrhMf3b
— Parazhit (@Parazhit) January 11, 2015
