fbpx

Светот е во хаос и треба да се ограничи влегувањето во Америка, рече Трамп

-

Претседателот на САД, Доналд Трамп, изјави дека неговиот план да се ограничи влегувањето на луѓето од неколку муслимански земји е неопходен затоа што светот е во „целосен хаос“.

Во интервју за „Еј-би-си њуз“, Трамп ги отфрли тврдењата дека тој план е „прогон на муслиманите“.

– Тоа не е прогон на муслимани, туку на муслимански земји во кои се случува страшен терор – рече Трамп.

Трамп оцени дека САД веќе имаат доволно проблеми и без доаѓањето на луѓето, кои во многу случаи сакаат страшно разорување. Тој, сепак, одби да наведе на кои земји мисли и рече дека Европа направила голема грешка што дозволила милиони луѓе од тие земји да дојдат во Германија и во други земји.

– Сè што треба да направите е да погледнете, катастрофа е тоа што таму се случува – додаде Трамп.

На прашањето дали е загрижен дека неговиот план ќе ги разлути муслиманите во светот, тој одговорил дека веќе има доволно гнев во светот.

– Како може да има повеќе – праша тој.

Трамп оцени и дека светот е во хаос и оти луѓето се бесни колку што можат да бидат.

– Што мислите, дека ова ќе предизвика уште малку бес? Светот е бесно место? Сè веќе се случи. Отидовме во Ирак, а не требаше. Не требаше да се повлечеме, а го направивме тоа. Светот е во хаос – рече Трамп.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...