!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Судир на возови во Италија, загинаа најмалку 12 лица


       
Бари, 12 јули, 2016 - 13:53 (META) 

Најмалку 12 лица загинаа, а повеќе десетици се повредени во директен судир на два воза на југот на Италија, објавија италијанските медиуми.

На местото на несреќата пристигнаа полицијата и брзата помош која им помага на повредените.

До несреќата дошло на пругата помеѓу градовите Руво ди Пуља и Корато, во близина на Бари, на крајбрежјето на Јадранско Море.

Сè уште не е објавено колку точно луѓе се повредени во несреќата, но регионалните возови кои сообраќаат на таа линија вообичаено се полни со луѓе во утринските часови.