fbpx

Судијата Туфегџиќ бара да се поништи огласот за избор на претседател на Кривичниот суд

-

Судијата Владимир Туфегџиќ до Судскиот совет поднел предлог-иницијатива за поништување на огласот за избор на претседател на Кривичниот суд.

Туфегџиќ, кој е кандидат за претседател на Основен суд Скопје 1, ја поднел иницијативата поради повреда на принципот на еднаквост и на рамноправност при избор на судии и претседатели на судови и нивно доведување во нерамноправна положба во однос на веќе избраните судии и претседатели на судови во втората половина на 2016 година.

– Ќе се повлечам од принципиелни причини бидејќи е нарушен принципот на еднаквост и на рамноправност и сум доведен во нерамноправна положба со избраните кандидати за судии и за претседатели на судови во втората половина на 2016 година, за кои не е спроведена постапка за вонредно оценување. Барам од Судскиот совет да ги преиспита досегашните утврдени општи и посебни услови што треба да ги исполнува кандидат за избор на судија и претседател на суд. Барам да се утврдат посебни услови за избор на претседател на суд и при тоа како посебен услов да се цени авторитетот и кредибилитетот на кандидатот во судот каде што конкурира, оценет од мнозинството судии и судски службеници, имајќи предвид дека при избор на судија во повисок суд, задолжително се прибавува мислење од колегиумот на судии и со тајно гласање, оценка даваат судските службеници. Доколку ова правило важи при избор на судија во повисок суд, нормално е да биде посебен услов при избор на претседател на суд“, вели за „Фактор“ судијата Туфегџиќ.

Во иницијативата се наведува дека вонредно оценување на судии и на претседатели на судови не било спроведено за избор на претседатели на судови и тоа за Основен суд Кратово, Основен суд Виница и за Апелационен суд Гостивар во втората половина на 2016 година, како и при избор на судии во апелационите судови во Скопје, Гостивар, Битола и во Штип и за избраните судии на Врховниот суд.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....