Маршот на студентите против екстерното оценување предизвика низа реакции на социјалните мрежи. Додека на Твитер известувањето од самиот настан и дискусиите се одвиваа преку хаштагот #СтудентскиМарш, низа корисници на Фејсбук од Македонија искажаа ставови преку статуси.
Билјана Ванковска:
„Денес беше собрано најдоброто и најумното од Универзитетот! Оние кои не се плашат од испити и кои се одлични студенти! Ако некој мисли дека е ова само за уште еден-два испита, ништо не разбрал од суштината на студентското движење. АЛЕЛУЈА, ПОСТОИ“
Нина Атанасова Шкрињарик:
„Сите на МАРШИРАЊЕ!!! Студентите кои го следат изборниот предмет Митопоетика се ослободени од настава“
Ида Протуѓер:
„Среќа „реформиве“ не ги затупавеле студентите“
Златко Ориѓански:
„Не верувајте, не верувајте на коментарите дека младината вака требала да излезе за некаква си одбрана на Македонија. Против кого? За Кого? Македонија е ограбена земја,Македонија е искршена на милион парчиња.Единството,фрлањето во канта на измислените за манипулација ,,големи национални прашања,ке значи наш пат кон Слобода, правда и еднаквост за СИТЕ“
Цветин Чилиманов:
„Не знам детали од планот, но во принцип екстерното се прави за студентите – да не можат проф. да лупаат оценки од ракав, за мито, секс…“
Љупчо Златев:
„Вака, ова е порака до сите студенти кои денес искрено ќе излезат да протестираат против екстерното тестирање, затоа што овој протест е горе-доле разбирлив. Ако видете активисти на СДСМ или пак СОРОСОвите организации кои сакаат да ви го украдат протестот, свиркајте по нив и бркајте ги. Истите тие успеаја во обидот да ги украдат протестите за убиството на Мартин Нешковски, инаку на почеток искрено иницирани. Истите тие ќе пробаат да си го придобијат и овој независен студентски протест и веќе се наѕираат нивните планови“
Стефан Богоев:
„Со оглед на фактот дека денес излегоа повеќе студенти на протест отколку што излегоа да го гласаат Кирил Спироски за претседател на студентите, под итно да си поднесе оставка од функцијата и да ги остави студентите сами да си изберат вистински студентски лидер“
Ивон Величковски:
„Сепак има Академски граѓани. Со големо А. Поефикасни од политиката со мало п“
Влатко Васиљ:
„Обединетите стоиме, поделени паѓаме“
Ина Многуфина:
„Која река е најдолга во МК? Студентската!“
Игор Узунов:
„Искрено денеска ми се врати вербата гледајќи ги сликите од маршот на студентите и поддршката што ја добиваат од повеќе страни! Денеска сум горд што овие млади луѓе се мои сонародници“
Амон Мра:
„Досега, неколку часови по протестот на студентите за кои успеа да известидури и српкиот јавен сервис РТС, ни буква за него во провладините медиуми. Туку, после очекуваиот медиумски демократски мрак и молк секако го чекам со нетрпение контрапротестот на задоволните студенти“
Повеќе за протестот прочитајте тука.
