!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Студено и облачно, во Маврово 68 сантиметри снег


       
Скопје, 11 јануари, 2017 - 9:37 (META) 

Времето денеска ќе биде студено и умерено до значително облачно. Во Крива Паланка и во Битола ќе има слаби врнежи од снег. Ќе дува слаб северен ветер.

Во јужните делови денеска времето ќе биде претежно облачно со локален слаб снег. Во северните делови ќе има намалена облачност и ќе преовладува умерено облачно време. Ќе дува слаб до умерен северен ветер. Максималната температура ќе се движи од минус 9 до минус 3 Целзиусови степени.

Најмногу снег има во Маврово, 68 сантиметри, во Лазарополе има 44 сантиметри, 43 во Пожаране, а 38 сантиметри во Берово.

Најниската температура беше измерена во Битола, минус 22 Целзиусови степени, а во Тетово и во Маврово беа измерени минус 20 степени.

Во Скопје ќе биде умерено облачно со слаб североисточен ветер. Максималната температура ќе достигне до минус 6 Целзиусови степени.