По повод празнувањето на 10 декември, Меѓународниот ден на човековите права и слободи, Културно-уметничкото друштво „Клеопатра“ од Струга, заедно со музичарот Фуат Исакоски и со неговиот оркестар, ќе биде дел од културната манифестација „Македонија наш дом“ во Скопје, информираат од Заедницата на Египќаните.
Оваа мултикултурна манифестација ја организира Агенцијата за остварување на правата на заедниците (АОПЗ), во соработка со Мисијата на ОБСЕ.
На манифестација „Македонија наш дом“ својата културно-уметничка дејност ќе ја претстават дванаесет заедници од Република Македонија. Ќе настапат културно-уметнички друштва, вокални ансамбли, литерати, актери, солисти и други естрадни уметници.