fbpx

Странски државјанки без работни дозволи затекнати во тетовски локал

-

Екипа на тетовската полиција рано утрово, при контрола на угостителски објекти во градот, затекнала шест странски државјанки кои работеле нелегално, без работни дозволи.

Како што информираат од полицијата, акцијата била спроведена во угостителскиот објект „Бабилон“, сопственост на тетовецот А.Б. (37).

– При контролата, во внатрешноста на објектот, поточно на подиумот за танцување, биле затекнати шест странски државјанки, од кои пет од Република Бугарија и една од Република Србија, кои немале работни дозволи – информираат од МВР.

Странските државјанки, кои биле на возраст од 24 до 28 години, биле приведени во полициската станица во Тетово и по кусо задржување, предадени се на отсекот за прекуграничен криминал, миграции, странци и за реадмисија.

Денеска тие биле изведени пред судија за прекршоци на Основниот суд во Тетово, кој им изрекол парични казни, забрана за влез во земјава и депортирање во нивните матични земји.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...