Генералниот секретар на НАТО, Јенс Столтенберг, рече дека европските членки и Канада во 2017 година ќе ги зголемат издвојувањата за одбраната за 4,3 отсто.
– Европските сојузници мора повеќе да вложуваат во одбраната, не затоа што САД го бараат тоа, туку затоа што е во нивен интерес – рече Столтенберг пред состанокот на министрите за одбрана на членките на НАТО во Брисел.
Тој рече дека 2017 година е трета по ред кога се зголемуваат издвојувањата за одбрана.
Американскиот претседател Доналд Трамп често врши притисок врз членките на НАТО што не ги исполнуваат предвидените буџетски издвојувања за одбраната, кои изнесуваат два отсто од домашниот бруто-производ.
