Старица прегазена на пат кај Крива Паланка


       
Крива Паланка, 4 август, 2017 - 15:50 (META) 

Во сообраќајна несреќа вчера претпладнето била усмртена 87-годишна жителка на Крива Паланка, извести СВР Куманово.

Според полицискиот билтен, вчера околу 10.30 часот на магистралниот пат А-2 во Крива Паланка, во близина Осички мост, автомобил „сеат кордоба“ со кривопаланечки регистерски ознаки удрил во 87-годишната С.В., која починала веднаш. Со автомобилот управувал Б.В. (53) од Крива Паланка.

Увид извршиле јавен обвинител и екипа од Полициската станица во Крива Паланка, а по наредба на обвинителот, телото на починатата е дадено за обдукција.