Euro- ambasadori Samuel Zhbogar sot në Berovë vlerësoi se situata në Maqedoni nuk është edhe aq dramatike dhe se partive duhet t’u jepet hapësirë që të arrijnë marrëveshje për formimin e Qeverisë.
“Nuk mendoj se gjendja në vend është shumë e keqe, nuk duhet të dramatizojmë. Patëm zgjedhje dhe duhet tu jepet më tepër kohë që të mund liderët politik të formojnë qeveri. Po e shoh se partitë janë angazhuar. Jam optimist se liderët politik do të gjejnë mënyrë e vërtet për të formuar qeveri, që të mund ne si BE të vazhdojmë të punojmë në realizmin e reformave që janë të nevojshme”, ka thënë Zhbogar.
Zhbogar së bashku me ambasadorin francez, Kristian Timonie në Berovë promovuan fushatën “BE për ty” ku në këtë qytet do të investohen mbi 3 milionë euro për riparimin dhe ndërtimin e rrjetit të kanalizimit.
