Turqia ka shfuqizuar marrëveshjen me Maqedoninë për pranim të ndërsjellë të diplomave të vendit në të gjitha nivelet e arsimit, shkruan Alsat M. Vendimi tashmë është shpallur në Gazetën zyrtare të Turqisë ndërsa ka të bëjë me marrëveshjen e firmosur mes dy shteteve më 6 korrik 1998, me të cilën Turqia dhe Maqedonia vendosën pranimin e diplomave në të gjitha nivelet e arsimit të mesëm dhe të lartë.
Vendimi është marrë në takimin e Këshillit të ministrive të Turqisë më 12 dhjetor vitin e kaluar ndërsa është firmosur nga presidenti Rexhep Taip Erdogan dhe i cili në fuqi do të futet prej 11 shkurtit të këtij viti.
Nga autoritetet e Shkupit tani për tani nuk ka kurrfarë reagimi zyrtar lidhur me vendimin e Ankarasë.
Ministri i arsimit Pishtar Lutfiu për televizionin shkurtë deklaroi se nuk beson se ka shkak për ndërprerjen e marrëveshjes.