Xhaferi dhe Zaevi hapin premierën e sezonit të ri politik në Kuvend


Shkup, 30 Maj, 2017 - 12:18 (META) 

Në Kuvendin e R. së Maqedonisë, sot në orën 11, fillon procedura për emërimin e Qeverisë së re, që sipas nenit 112 nga Rregullorja, mund të zgjat maksimum dy ditë.

Kjo është seanca e parë me të cilën do të udhëheq Talat Xhaferi dhe e para ku Zoran Zaev do të ketë fjalim në cilësinë e mandatarit.

Pas krizës më të gjatë politike, ku edhe VMRO DPMNE edhe presidenti Gjorge Ivanov akuzonin për tentim të prishjes së karakterit unitar të shtetit, Zaev mori mandatin për formimin e qeverisë së re më 17 maj të këtij viti.

Debati i vetëm për përbërjen dhe programin e qeverisë së re do të duhet të përfundoj me votim deri nesër pas mesnate. Sipas deklaratave të liderëve të partive politike, nga shumica e re parlamentare, nuk pritet të ketë problem sepse mbështetje për Qeverinë e Zaevit premtuan edhe BDI edhe Aleanca për Shqiptarët të cilët janë pjesë e saj, por edhe nga Besa edhe pse nuk do të jetë pjesë e Qeverisë. Me 49 deputetë të LSDM, 10 të BDI, 5 të Besës dhe tre të Aleancës, Qeveria do të ketë mbështetje nga 67 deputetë gjegjësisht pritet të arrihet paragrafi 4 i Rregullores së Kuvendit sipas të cilit, qeveria zgjidhet me shumicë deputetësh nga 120 anëtarë.

VMRO DPMNE pas heshtjes njëditore, dje konfirmoi se deputetët e saj do të marrin pjesë në seancë pasi gjatë ditës disa herë akuzoi se afati që u është dhënë deputetët për shqyrtimin e përbërjes dhe programit të Qeverisë, është shumë i shkurtër.


Nesër në ora 11 seancë parlamentare për zgjedhjen e Qeverisë


Shkup, 29 Maj, 2017 - 12:02 (META) 

Kryetari i Kuvendit të RM-së, Talat Xhaferi dje nga mandatari për formimin e Qeverisë, Zoran Zaev ka pranuar propozimin për përbërjen e Qeverisë dhe programin për mandatin e saj.

Xhaferi menjëherë të dy dokumentet i ka dorëzuar deri tek deputetët ndërsa seancën për zgjedhjen e Qeverisë e ka thirrur për nesër në ora 11, thuhet në kumtesën nga kabineti i tij.

 


Stoltenberg: Formimi i shpejtë i Qeverisë është i rëndësishëm që të fillojnë reformat urgjente


Bruksel, 17 Maj, 2017 - 22:29 (META) 

Sekretari gjeneral i NATO-s, Jens Stoltenberg ka përshëndetur veprimin e kryetarit të Maqedonisë, Gjorge Ivanov që t’ia dorëzojë mandatin liderit të Lidhjes Social Demokrate e Maqedonisë (LSDM), Zoran Zaev për formim të Qeverisë së Maqedonisë.

“Ky është një hap i drejtë dhe diçka që është bërë në mënyrën e duhur. Nxis që sa më shpejtë të formohet Qeveria e re, në kohë të votohet në Kuvend dhe konstruktivisht të sillen të gjitha partitë. Kjo është me rëndësi për Maqedoninë që të fillojë të fokusohet në reforma të cilat janë të rëndësishme dhe të nevojshme. Apeloj që të vazhdohet me përkushtimin për avancim të aspiratave euro-atlantike të shtetit”, shprehet Stoltenberg.

 


Vetëm Zaevi kandidohet për kryetar i LSDM-së, mbështetje nga të gjitha komiteteve komunale?


Shkup, 14 Maj, 2017 - 14:14 (META) 

Tani për tani s’mund të dalim me informacione sepse duhet të verifikojmë çfarë paraqitje kanë arritur në konkurs. Prej nesër do të mund të japin informata përkatëse, deklaroi para pak kohe zëdhënësi i LSDM-së, Petre Shilegov në pyetjen sa kandidatura për kryetar partie dhe anëtarë të Këshillit Qendror dhe Mbikëqyrës të LSDM-së kanë arritur prejdje, kur edhe skadoi afati për vet- kandidim.

Megjithatë, nga burime tjera në LSDM mësojmë se me siguri nuk ka asnjë kandidat tjetër për kryetar të LSDM-së përveç kreut aktual Zoran Zaev si dhe informacionin se “pas tij qëndrojnë të gjitha organizatat komunale të partisë”.

Sipas afatit, kandidaturat do të dorëzohen pranë Këshilli Qendror të partisë, pas çka më 17 maj të mërkurën, Këshilli Qendror do t’i konfirmoj propozim- listat e kandidatëve për kryetar partie dhe për anëtarë të Këshillit Qendror dhe Mbikëqyrës e më pas pasojnë gjashtë ditë për prezantimin e kandidaturave. Konfirmimi i kandidatëve do të bëhet më 27 maj e më pas në ditën e njëjtë, në kongresin e rregullt të LSDM-së do të bëhet përzgjedhja.


LSDM: Diktatura merr fund me Gruevskin


Shkup, 3 Maj, 2017 - 22:57 (META) 

LSDM sot pasdite ka reaguar ndaj postimit në Facebook të kreut të VMRO DPMNE-së, Nikola Gruevski, duke porositur se diktatura për të cilën flet Gruevski ka marrë fund më 11 dhjetor.

“Ka ardhur koha që Gruevski dhe kryesia e VMRO DPMNE-së të pajtohen me realitetin. Diktatura për të cilën flet Nikola Gruevski mbaroi me zgjedhjet e 11 dhjetorit, kur shumica e votuesve votuan kundër regjimit për ndryshime. Qeveria e re sjell jetë për të gjithë qytetarëve e Maqedonisë, drejtësi për të gjithë, institucione të pavarura të përkushtuar ndaj qytetarëve në shoqëri demokratike dhe evropiane, ku qytetarët do të ketë jetë dinjitoze dhe cilësore”, thuhet në kumtesën e LSDM-së.

 


Ahmeti me Hojt Ji: Xhaferi është zgjedhur në mënyrë legjitime dhe ka mbështetjen e SHBA-së dhe BE-së


Shkup, 30 Prill, 2017 - 20:42 (META) 

Mbështetja e SHBA-së dhe BE-së për kryetarin e ri të Kuvendit, Talat Xhaferi, i cili u zgjodh në mënyrë legjitime, do të thotë se Trajko Veljanovski nuk është më kryesues i Kuvendit, ka thënë lideri i BDI-së, Ali Ahmeti, në deklaratën për mediat pas takimit me zv- ndihmës sekretarin shtetëror për Evropë dhe Euro Azi në departamentin e shtetit, Hojt Brajant Ji, i cili sot pasdite u mbajt në rezidencën e zv- ambasadorit.

“Pas gjithë asaj që ndodhi në Kuvend, është koha që të gjithë të vetëdijesohen se vendi po shkon në drejtim negativ dhe të pranohet realiteti i ri gjegjësisht kryetari i Kuvendit”, ka thënë Ahmeti, duke shtuar se emërimi i Talat Xhaferit është bërë në mënyrë legjitime.

Ahmeti më tej ka thënë se BDI është e vendosur që të vazhdojë me procesin e konstituimit të Qeverisë së re.

Për tërheqjen e ministrit të brendshëm Agim Nuhiu nga posti, për shkak të përgjegjësisë morale që e ndjen pas protestave të dhunshme në Kuvend, Ahmeti ka thënë se ministri ka mbështetjen e plotë të BDI-së, por edhe nga partitë tjera dhe nuk ka logjik të tërhiqet nga kjo, në kohë kur nuk ka organ i cili do ta pranonte dorëheqjen e tij.


Partitë filluan me licitimin: Takim liderësh, qeveria kalimtare e më pas zgjedhje të reja?


Shkup, 24 Prill, 2017 - 23:19 (META) 

Vazhdimin i séances së sotme konstituive në Kuvendit, për herë të parë kishte thirrje nga një deputet i VMRO DPMNE-së që të organizohet takim i liderëve që të tejkalohen të gjitha çështjet dhe të arrihet kompromis e më pas të ketë edhe zgjedhje të reja.

“Kolegë të nderuar, po shkelen rekorde për numrin e pakënaqësive të shprehura nga Platforma me të cilët po shantazhohet LSDM-ja. Dua të apeloj për arsye të shëndoshë, për mbajtjen e një takimi të liderëve, që të gjithë liderët të ulen dhe të gjejnë zgjidhje për të mirën  e shtetit, të hapen të gjitha çështjet dhe të zgjidhen me kompromis, të arrihet me kompromis e më pas të mbahen zgjedhjet e reja që qytetarët të vendosin”, tha Mukoski.

Ndaj tij reagoi zëdhënësi i LSDM-së, Petre Shiletov i cili tha se edhe pse VMRO DPMNE kërkon takim liderësh, nga LSDM nuk pajtohen me këtë.

“Për çfarë do të bisedonim në takimin e liderëve dhe me kë do të bisedonim? Ne kishim takime liderësh, dhe në bazë të këtyre takimeve u arrit Marrëveshja e Përzhinës. Synimi final i këtyre marrëveshje ishin zgjedhjet parlamentare. Rezultatet e këtyre zgjedhjeve askush nuk i kontestoi, madje edhe vet VMRO DPMNE. S’mundemi ne për shkak të ndonjë dëshire të parealizuar të Gruevskit të bëjmë zgjedhje derisa t’i qëllojë shumica e dëshiruar parlamentare atij”, tha Shilegov.

Deputeti i pavarur, Pavle Bogoevski nga koalicioni i udhëhequr nga LSDM në foltoren e Kuvendit tha se “nuk do të ketë zgjedhje të reja të parakohshme që do të organizohen nga kjo Qeveri sepse ajo tashmë nuk e ka legjitimitetin e qytetarëve”.

Deri më tani, VMRO DPMNE-së konsideronte se duhet të ketë zgjedhje të reja ndërsa LSDM konsideronte se menjëherë duhet të formohet qeveria.

Deklaratat e këtilla mund të interpretohen si kontrollim të terrenit për skenarë të ndryshëm si dhe marrje të pozicioneve fillestare në tryezën e bisedimeve, që mund të ndodh eventualisht. Si rrjedhojë, një prej skenarëve mund të jenë bisedimet gjegjësisht takim i liderëve rreth qeverisë kalimtare me mandat të kufizuar, e cila do t’i organizonte zgjedhjet e reja.


Njëra palë për qeveri të shpejtë, tjetra për zgjedhje të shpejta: Vazhdon maratona në Parlament


Shkup, 24 Prill, 2017 - 9:08 (META) 

Sot do të ketë vazhdim të ri të seancës konstituive në Kuvend, ku deputetët duhet të debatojnë për emërimin e anëtarëve dhe kryetarit të Komisionit për zgjedhje dhe  emërime si dhe për emërimin e kryetarit të këtij institucioni ligjvënës.

Gjatë fundjavës, partitë këmbyen akuza dhe kundër- akuza për temën e ngricave dhe dëmet në bujqësi, ndërtimin e Qendrës së re klinike dhe rreth Qeverisë së re.

Në vazhdimet e deritanishme të seancave, deputetët e VMRO DPMNE-së vet diskutonin dhe bënin replika ndërsa LSDM kryesisht janë jo- aktiv ndërsa m[ çdo njoftim ose konferencë njoftojnë “formimin e shpejtë të Qeverisë”.

Ndaj thirrjeve të partisë së Gruevskit për zgjedhje të reja të jashtëzakonshme të premten u bashkëngjit edhe nisma “Për Maqedoni të përbashkët”.

Nga BDI drejtpërdrejtë kërkuan “partitë e maqedonasve të merren vesh për epilogun e krizës”, ndërsa më të shpeshtë janë edhe informacionet e pavërtetuara për gjoja takime direkte mes Zaevit dhe Gruevskit.

Nuk ka tregues se në Kuvend do të ndryshoj skenari i zakontë i replikave dhe vërejtjeve procedurale.

 


Deputetët e VMRO DPMNE-së debatojnë vet, LSDM nuk diskuton


Shkup, 20 Prill, 2017 - 15:58 (META) 

Deputetët e VMRO DPMNE-së sot në vazhdimin e 15-të të seancës konstituive të Kuvendit, sërish debatonin me vetveten. Në vend të debatit për pikën e rendit të ditës gjegjësisht emërimin e kryetarit dhe anëtarëve të Komisionit për zgjedhje dhe emërime, deputetët e VMRO DPMNE-së përmes replikave dhe kundër- replikave, shpesh të shkruara, diskutojnë për Platformën e partive shqiptare.

Ilija Dimovski nga VMRO DPMNE tha se para se të kalohet në procedurën e ardhshme, në Kuvend, më e rëndësishme është që të ketë përgjigje se çfarë është arritur mes LSDM-së dhe BDI-së dhe kërkoi publikisht të tregohen të gjitha dokumentet.

Surija Rushiti nga Aleanca për shqiptarët tha se me deklaratën e përbashkët të partive shqiptare nuk cenohen interesat nacionale të Maqedonisë.

“Po tentoj të kuptoj cilët interesa nacionale cenohen me platformën e partive shqiptare, siç thoni ju. Kjo deklaratë është kontribut për stabilizim të mëtutjeshëm të shtetit. Me këtë deklaratë nuk cenohet gjuha maqedonase, as kultura, as feja e as identitetit. Me keqardhje më duhet të konstatoj se juve nuk ju interesojnë interesat strategjike të Maqedonisë, por ju interesojnë interesat e liderit tuaj dhe familjarit të tij të afërt”, tha Rushiti.

Deputetët e LSDM-së në këtë vazhdim të seancës konstituive, deri më tani nuk janë paraqitur për replikë e as për vërejtje procedurale.

Seanca vazhdon në orën 15, pas pauzës për drekë.


LSDM: Institucionet të mos bëhen viktimë e skenarëve të dhunshëm të Gruevskit


Shkup, 10 Prill, 2017 - 11:22 (META) 

Nikola Gruevski nuk guxon të kërcënohet me dhunë, kjo është kundër- kushtetuese dhe vepër e dënueshme me ligj, porositin nga LSDM në njoftimin e sotëm. Nga kjo parti më tej thonë se së shpejti do të emërohet kryetari i ri i Kuvendit e më pas edhe “qeveria e re reformuese e Maqedonisë unitare, sipas Rregullores, Kushtetutës dhe ligjeve në R. e Maqedonisë”.

“Gruevski nuk është populli. Ai nuk është faktor. Qytetarët janë faktor ndërsa ata zgjodhën bashkimin, drejtësinë dhe ndryshimet dhe ato do të ndodhin. Kalim i qetë i pushtetit është interesi shtetëror i qytetarëve. Secili që do të tentoj të pengoj vullnetin e shumicës dhe të veprojë në kundërshtim me interesat shtetërore, do të ballafaqohet me përgjegjësinë e tij”, thuhet në njoftimin e LSDM-së.

Prej atje shtojnë se Gruevski ka “interes që ta destabilizoj shtetin sepse në këtë mënyrë shpreson t’i ik përgjegjësinë për krimin e bërë”.

“Ua bëjmë me dije institucioneve dhe të punësuarve në to, se ka shumicë të re parlamentare dhe se janë të obliguar t’i mundësojnë proceset demokratike në përputhje me vullnetin e shumicës së qytetarëve në zgjedhje. Nikola Gruevski dhe VMRO DPMNE janë opozitë”, thonë nga LSDM.