Putin: Me vëmendje ndjekim çdo gjë që ndodh në Maqedoni


Moskë, 24 Maj, 2017 - 16:21 (META) 

Me vëmendje të posaçme ndjekim çdo gjë që ndodh në vendin tuaj, i ka thënë presidenti rus Vladimir Putin presidentit të Maqedonisë Gjorge Ivanov në takimin e tyre në Moskë.

“Dëshirojmë situata brenda- politike në Maqedoni të zhvillohet sipas Kushtetutës dhe parimeve demokratike. Jam i bindur se përvoja juaj, ndikimi juaj dhe autoriteti do të kontribuojnë për këtë”, ka deklaruar Putin.

Presidenti rus ka shprehur kënaqësinë që raportet maqedonase- ruse avancohen dhe se ka lëvizje pozitive në shkëmbimin ekonomik.

Në fillim të takimit Putin ia ka uruar mirënjohjen presidentit Ivanov që dje e mori nga patriarku i Kishës Ortodokse Ruse, Kiril.


Ivanov dhe Putin në Moskë do të flasin për situatën në Ballkan


Moskë, 24 Maj, 2017 - 14:42 (META) 

Presidenti i shtetit, Gjorge Ivanov sot në Moskë do të ketë takim me presidentin e Federatës Ruse, Vladimir Putin, njoftojnë nga kabineti i presidentit rus.

“Pritet dy liderët të flasin për çështje që kanë të bëjnë me zhvillimin e mëtutjeshëm të bashkëpunimit dypalësh. Ata gjithashtu do të shkëmbejnë mendime për çështjet aktuale në rajon ndërsa fillimisht për gjendjen në Ballkan”, thuhet në njoftimin e faqes zyrtare të presidentit rus.

Presidenti i R. së Maqedonisë, Gjorge Ivanov sot dhe nesër do të qëndroj për vizitë pune në Federatës Ruse, njoftojnë nga kabineti i presidentit. Në kishën “Hristos Spasitel” në Moskë, patriarku i kishës ortodokse ruse, Kiril presidentit Ivanov do t’ia ndajë mirënjohjen “Hirësia e tij Patriark i Moskës dhe i tërë Rusisë Aleksei i Dytë” për vitin 2016-të. Mirënjohjen e ndan Fondacioni Ndërkombëtar Shoqërorë për bashkimin e popujve ortodoks, për veprimtarinë e shkëlqyeshme në përforcimin e bashkimit të popujve ortodoks dhe për promovimin e vlerave ortodokse në jetë dhe shoqëri.

Ivanov është takuar edhe me Patriarkun e Kishës Ortodokse Ruse, Kiril dhe me episkopin Tihon, Vikar i Patriarkut të Moskës dhe Rusisë.


Ahmeti takohet me Shvajcer Blum dhe Samuel Zhbogar për formimin e Qeveris së re


Shkup, 19 Maj, 2017 - 23:34 (META) 

Në Ambasadën amerikane në Shkup, lideri i Bashkimit Demokratik për Integrim (BDI), Ali Ahmeti ka zhvilluar takim të përbashkët pune me zëvendësambasadoren e SHBA­së në vend Mikaela Shvajzar Blum dhe ambasadorin e Bashkimit Evropian në Maqedoni Samuel Zhbogar.

Ahmeti, siç thuhet në kumtesën e BDI-­së, me bashkëbiseduesit ka biseduar rreth zhvillimeve në lidhje me formimin e qeverisë së re reformuese me ç’rast ka përsëritur që BDI është e përkushtuar tërësisht për t’i zbatuar reformat e kërkuara nga komuniteti ndërkombëtar, integrimin në NATO dhe në Bashkimin Evropian, marrëdhënie të mira ndëretnike, por edhe zhvillim ekonomik dhe hapje të vendeve të reja të punës.

“Hapat e parë që do t’i ndërmerr shumica e re parlamentare janë zgjidhja e ngërçit me pushtetin lokal, si dhe shfuqizimi i testimit ekstern si dy çështje urgjente”, ka theksuar Ahmeti në takim.

Ai më tutje ka thënë se 16 vitet e fundit, sa është aktiv në suazat e BDI-së, “asnjëherë nuk ka pasur dëshpërim në qëndrimet miqësore dhe qëllimmira të komunitetit ndërkombëtarë” dhe në këtë kontekst ka kërkuar nga SHBA-ja dhe BE-ja që të ndihmojnë në integrimin sa më të shpejtë të Maqedonisë në NATO dhe BE.

Ndryshe, sot në selinë e LSDM-së, është mbajtur takimi i parë mes liderit të partisë dhe mandatarit Zoran Zaev me kreun e BDI-së, Ali Ahmeti, në suazat e bisedimeve për formimin e Qeverisë së re.

 


Xhaferi- Reka: Stabiliteti në Maqedoni është i rëndësishëm për stabilitetin e Ballkanit Perëndimor


Shkup, 10 Maj, 2017 - 16:14 (META) 

Në rajon, të suksesshëm mund të jenë vetëm konfrontimet e koncepteve konstruktive politike, ndërsa çdo ide tjetër për konflikte ndërshtetërore, ndëretnike dhe ndërnacionale “dënohen” si projekte të pasuksesshme, njoftojnë nga kabineti i Xhaferit.

“Ambasadori Reka e nënvizoi domosdoshmërinë nga përmbajtja e vazhdimësisë së marrëdhënieve të mira dhe miqësore të të dyja shteteve, për çka beson, siç theksoi, se do të mbahet trendi pozitiv i marrëdhënieve të mira fqinjësore. Njëherit e riafirmoi mbështetjen e fuqishme të integrimit euroatlantik të Republikës së Maqedonisë për të cilën, tha Ambasadori, si vend-anëtar i NATO-s do të vazhdojë edhe më tej t’ia japë Maqedonisë, mbështetje e cila respektohet dhe është e mirëseardhur”, thuhet në njoftim.

Xhaferi dhe Reka kanë këmbyer mendime për marrëdhëniet e përgjithshme dypalëshe mes dy shteteve, pas çka kanë konstatuar se stabiliteti në Maqedoni është segment i rëndësishëm nga stabiliteti i përgjithshëm në rajonin e Ballkanit Perëndimor.


Xhaferi në takim me Bejl dhe Timonie: Hapi i ardhshëm është formimi i qeverisë së re


Shkup, 8 Maj, 2017 - 16:33 (META) 

Kryetari i Kuvendit, Talat Xhaferi sot është takuar me ambasadorin e SHBA-së në Maqedoni, Xhes Bejli dhe ambasadorin e Francës, Kristian Timonie, me të cilët ka biseduar për gjendjen aktuale politike në vend, ku ka marrë mbështetje nga të dy shtetet për realizimin e hapave të mëtutjeshëm gjatë procesit të formimit të institucioneve.

“Si hap të ardhshëm në vazhdën e hapave tjerë për të ardhmen e Maqedonisë, ambasadori Bejl theksoi formimin e qeverisë së re, pas çka kryetari Xhaferi ka njoftuar për hapat e ndërmarrë, duke nënvizuar se ai është i obliguar t’i zbatoj dhe të jep llogari për kompetencat e tij asi do t’i dorëzohet propozimi për përbërjen e qeverisë dhe programit për punë”, thuhet në njoftimin e kabinetit të Xhaferit.

Xhaferi dhe Bejli ka shprehur pritje se në periudhën e ardhshme tek të dyja palët do të zotëroj ndjenja e vetëdijes së lartë politike dhe përgjegjësia “lidhur me gjendjet e caktuara të imponuara apo provokuara, që të bien tensionet dhe në mënyrë të qetë të trasohet rruga për vendosjen e proceseve demokratike në vend”.

Në takimin me Timonie, Xhaferi ka thënë se vendi për debat dhe ballafaqimin e qëndrimeve dhe mendimeve politike është Parlamenti dhe se të gjitha qëndrimet e thëna nga përfaqësues të institucioneve të larta shtetërore nuk guxojnë të jenë pengesë për rrumbullakim të plotë të proceseve të filluara demokratike.

“Në këtë drejtim, procedura për zgjedhjen e qeverisë së re do të paraqet fillim të realizimit të kompetencave të kryetarit të ri të Kuvendit, në bazë të Kushtetutës, ligjeve dhe Rregullores së Kuvendit”, njoftojnë shërbimet parlamentare.

 


Talat Xhaferi takohet me Karen Pirs, drejtoren e MPJ-së në Britani


Shkup, 6 Maj, 2017 - 0:02 (META) 

Kryetari i ri i Kuvendit, Talat Xhaferi sot është takuar me Karen Pirs, drejtoren politike në MPJ-në e Mbretërisë së Bashkuar të Britanisë së Madhe.

Nga kabineti i Xhaferit njoftojnë se Pirs ia ka uruar emërimin për kryetar kuvendi dhe i ka dëshiruar sukses në kryerjen e postit. Ajo ka përsëritur angazhimin e Mbretërisë së Bashkuar se bashkëpunimi i deritanishëm dypalësh mes institucioneve me Maqedoninë do të vazhdojë edhe në të ardhmen.

“Kryetari Xhaferi ka theksuar se funksionin e kryetarit të Kuvendit të RM-së do ta kryej në interes të qytetarëve, pa marrë parasysh përkatësisë së tyre etnike, politike e kështu me radhë. Xhaferi ka shprehur bindjen e tij se procesi i dorëzimit të qetë të pushtetit do të vazhdojë dhe, në këtë drejtim, pret formim të shpejtë qeverisë së re, përmes emërimi të saj në Kuvendin e RM-së”,  njoftojnë nga kabineti i Xhaferit.

Prej atje shtojnë se Pirs dhe Xhaferi kanë këmbyer mendime për gjendjet në rajon ndërsa Xhaferi ka vë në dukje se problemi me emrin i imponuar nga fqinji jugor është pengesë e madhe në proceset integruese të Maqedonisë.


Han pas takimit me Xhaferin: Fokusi tani duhet të jetë në formimin e qeverisë së re


Shkup, 4 Maj, 2017 - 14:17 (META) 

Kryetari i sapozgjedhur i Kuvendit, Talat Xhaferi, sot është takuar me komisarin për zgjerim dhe politikë fqinjësore, Johanes Han gjatë vizitës së tij zyrtare në Bruksel.

Shefi i kabinetit të Han, Mihail Karnitshnig në Twitter njoftoi se Han ka porositur se dhuna në Kuvend është e papranueshme dhe se tani duhet të punohet në formimin e Qeverisë së re.

“Johanes Han me kryetarin e ri të IRJM, Xhaferi: Dhuna në kuvend është e papranueshme. Kuvendit duhet t’i mundësohet që ta merr punën në dorë dhe të arrijë deri tek institucionet. Fokusi tani duhet të jetë në formimin e qeverisë së re”, shkroi Karnitshnig në Twitter.

Pas takimit, nga kabineti i Han njoftuan se Kuvendi patjetër duhet të lihet të punoj pa pengesë ndërsa nga të gjithë deputetët, përfshirë edhe opozitën, pritet të luajnë rol konstruktiv e jo rol pengues. Prej atje i bëjnë thirrje të gjithë aktorëve që të përmbahen nga deklaratat dhe aksionet provokuese.

“Kuvendi patjetër duhet të jetë forum për debat për sfidat serioze me të cilat ballafaqohet vendi dhe t’i siguroj bindje e domosdoshme për rrugën në të cilën po ec vendi më tej n interes  të të gjithë qytetarëve dhe komuniteteve. Komisari Han bëri thirrje fokusi tani të vendoset në hapet e mëtutjeshëm për formimin e Qeverisë, duke respektuar shumicën parlamentare dhe sjelljen në linjë të parimeve kushtetuese dhe demokratike”, thuhet në njoftim.

Han ka paralajmëruar se çdo përsëritje e ngjarjeve siç ishte sulmi ndaj deputetëve në Kuvend të enjten e kaluar, seriozisht do ta rrezikoj perspektivën evropiane të vendit.


Zaev për flamurin në kabinetin e Xhaferit: Nëse ka ndodhur gabim, duhet të përmirësohet


Shkup, 4 Maj, 2017 - 13:39 (META) 

Ka mundësi deri në fund të muajit të formohet qeveria e re, sipas afateve, por varet nga vendimi i Gjorge Ivanovit si dhe nga gatishmëria teknike e Kuvendit, ka deklaruar lideri i LSDM-së, Zoran Zaev, pas takimit me përfaqësuesit e OSBE-së në “Holiday In”.

Ai ka shtuar se është i gatshëm të takohet me Ivanovin për t’ia garantuar unitetin dhe sovranitetin e shtetit. Zaev gjithashtu ka thënë se në takim ka kërkuar OSBE të përfshihet dhe të ndihmoj në proceset e ardhshme të shtetit.

Në pyetjen e gazetarëve se çfarë mendon për vendosjen e flamurit shqiptar në kabinetin e kryetarit të Kuvendit, Talat Xhaferi, Zaev ka porositur që të respektohen ligjet dhe Kushtetuta dhe se secili duhet të ketë përgjegjësi juridike dhe politike, pa marrë parasysh a bëhet fjalë për partnerin e tyre të koalicionit.

“Ligjet në Maqedoni janë të qartë dhe duhet të respektohen. Nëse ka ndodhur ndonjë gabim, shpresoj të përmirësohet. Të gjitha preokupimet tona politike t’i vendosim në rëndësi dytësore apo terciare, patjetër të përçojmë mesazh se Kushtetuta dhe ligjet s’mund të shkelen dhe kjo të tregohet si akt patriotizmi”, shtoi Zaev.


Talat Xhaferi për vizitë zyrtare në Bruksel


Shkup, 4 Maj, 2017 - 13:07 (META) 

Me ftesë të përfaqësuesve të lartë të BE-së dhe Parlamentit Evropian, kryetarit të Kuvendit, Talat Xhaferi, sot është për vizitë zyrtare në BE, njoftojnë nga kabineti i Xhaferit.

Sipas agjendës, Xhaferi sot do të takohet me komisarin për politikë fqinjësore dhe zgjerim, Johanes Han, me përfaqësuesen e lartë për punë të jashtme dhe siguri të BE-së, Federika Mogerini, me kryetarin e Parlamentit Evropian, Antonio Tajani si dhe treshen evropiane Ivo Uajgël, Eduard Kukan dhe Knut Flekenshtajn.

“Në takimet kryetari Xhaferi edhe një herë do të afirmoj përcaktimin tonë për anëtarësi të plotë në BE si dhe rolin e Kuvendit në këto procese. Gjithashtu kryetari Xhaferi do t’i njoftojë bashkëfolësit e tij për gjendjet tek ne, me theks të veçantë për vazhdimin e procesit të formimit të qeverisë së re, si shprehje e shumicës parlamentare, që del nga vullneti i RM-së i shprehur në zgjedhjet parlamentare në dhjetor të vitit të kaluar”, thuhet në njoftim.


Zhbogar për “Meta”: Është humbur shumë kohë, të vazhdohet me formimin e institucioneve


Shkup, 3 Maj, 2017 - 13:00 (META) 

Shefi i delegacionit të BE-së në Shkup, ambasadori Samuel Zhbogar, sot në Kuvend është takuar me kryetari e sapozgjedhur, Talat Xhaferi, të cilit ia ka shprehur gatishmërinë e BE-së për bashkëpunim me të dhe me këtë institucion.

Në deklaratë për “Meta”, pas mbarimit të takimit, Zhbogar ka thënë se deri më tani është humbur shumë kohë dhe duhet të vazhdohet procesi i formimit të institucioneve, përfshirë edhe qeverinë.

“Sot erdha në Kuvend për t’u takuar me kryetarin Talat Xhaferi dhe për t’ia shprehur gatishmërinë tonë për bashkëpunim me Kuvendin dhe me të për reformat e nevojshme, që vendi të ec përpara. Është humbur shumë kohë dhe tani duhet vazhduar përpara, është koha të vazhdohet me procesin e formimit të institucioneve, përfshirë këtu edhe Qeverinë, që të mund të punojmë në çështjet e rëndësishme për shtetin, siç janë reformat dhe ringjallja e ekonomisë. Me Xhaferin kemi biseduar për punën e tij në të ardhmen. Diç që konsiderojmë se është shumë e rëndësishme të arrijë deri tek të gjithë në shoqëri, në kuvend dhe të gjithë të pajtohen rreth prioriteteve të shtetit, që janë edhe prioritete të BE-së që vendi të lëviz drejt rrugës euro- atlantike”, ka thënë Zhbogar për “Meta”.

Kryetari i sapoemëruar i Kuvendit, Talat Xhaferi, sot në mëngjes pa probleme është futur në institucionin ligjvënës dhe në hapësirat e punës gjegjësisht në kabinetin të cilin dje e okupuan deputetët e VMRO DPMNE-së dhe Koalicionit për Maqedoni më të mirë.

Talat Dzaferi i Samuel Zbogar