!Më 1 shkurt 2017, përfundon periudha promovuese për shfrytëzim të lirë të lajmeve të “Meta”. Në periudhën e ardhshme do të zbatojmë sistemin e ri për qasje dhe parapagesë. Për mënyrën e qasjes dhe parapagesës do të ju njoftojmë në mënyrë plotësuese.

Haradinaj lëshohet nga arresti, por qëndron edhe më tej në Slloveni


Kranj, 18 Qershor, 2015 - 9:45 (META) 

Prokuroria sllovene ka njoftuar se Ramush Haradinaj nuk guxon të largohet nga Sllovenia. Haradinaj po qëndron në hotel, pasi sipas prokurores së shtetit Marinka Jeraj, lideri i AAK’së ka premtuar se nuk do të largohet nga Sllovenia, derisa të përfundojnë procedurat ndaj tij.

“Kemi premtimin se nuk do të largohet nga Sllovenia deri në fund të kësaj procedure. Pra ai mbetet në Slloveni por do të jetë i lirë. Ne procedurë do të shqyrtohet fletë-arresti ndërkombëtarë në bazë të cilit është arrestuar dhe se a ekzistojnë kushtet për t’ia dorëzuar shtetit që po e kërkon”. ka thënë ajo.

Haradinjat i është thënë se mund të qëndroj ku të dojë në Slloveni, por ai nuk mund dal jashtë shtetit derisa të përfundojnë procedurat.

E kur do të përfundojnë këto procedura ende nuk e din askush.

Kurse, para pak minutave nga selia e AKK në Prishtinë është thënë se Ramush Haradinaj është liruar.