Çavkov: Deputetët nesër do të kenë qasje të papenguar në Kuvend


Shkup, 20 Mars, 2017 - 17:18 (META) 

Deputetët nesër do të kenë qasje të papenguar në Kuvend, deklaroi për “Dojçe Vele”, drejtori i Byrosë së sigurisë publike (BSP), Mitko Çavkov.

Nesër më ora 12 në Kuvend pritet të mbahet koordinimi i partive parlamentare politike për formimin e Komisionit për zgjedhje dhe emërim, si bazë për vazhdimin e seancës konstituive për emërimin e kryetarit të Kuvendit.

Nesër në mesditë në vend do të arrijë euro- komisari për zgjerim dhe politikë fqinjësore, Johanes Han dhe treshja evropiane Ivo Uajgl, Eduark Kukan dhe Knut Flekenshtejn.

Ai në pyetjen nëse policia garanton se deputetët nuk do të pamundësohen të futen apo të dalin nga Kuvendi, duke pasur parasysh se pjesëmarrësit e protestave do të bllokojnë hyrjet në këtë institucion ligjvënës, Çavkov ishte i prerë: “Kuptohet se deputetët do të ketë qasje të sigurt dhe të papenguar në Kuvend”.


Gazetari i TV 24 goditet me shkopin e flamurit në protestat e Shkupit


Shkup, 11 Mars, 2017 - 11:33 (META) 

Gazetari Hristian Banevski mbrëmë është goditur me shkopin e flamurit në protestën e nismës “Për Maqedoni të përbashkët” në Shkup. Për incidenti informoi televizioni 24, prej ku thonë se Banevski fillimisht është sulmuar verbalisht e më pas është goditur edhe me shkop në kokë.

“Në protestën e sotme ekipi i televizionit 24 sërish është sulmuar verbalisht, por edhe fizikisht, kur një nga mbështetësit me flamur në dorë është nisur drejt ekipit tonë dhe ka goditur fuqishëm. Fatmirësisht, nuk ka pasur incident më të madh. Organizatorët distancohen nga incidenti me arsyetimin se ka qenë e rastësishme dhe pa qëllim”, tha Banevski në kontribut.

Më 28 shkurt, në protestën e organizuar nga nisma “Për Maqedoni të përbashkët” u rrahën brutalisht kameramani dhe gazetari i “A1on”, Vlatko Zhelçeski dhe Aleksandar Todeski.

 


Kameramani dhe gazetari i “A1on” kanë marrë sulm në tru, janë lëshuar nga spitali


Shkup, 1 Mars, 2017 - 14:13 (META) 

Sulm në tru dhe lëndime tjera kanë marrë kameramani dhe gazetari i “A1on”, Vlatko Zhelçeski dhe Aleksandar Todeski, të cilët mbrëmë në fund të protestat së nismës “Për Maqedoni të përbashkët” u rrahën brutalisht nga pesë dhunues, vërteton Todeski për “Meta”.

Që të dytë janë lëshuar në shërim në shtëpi pasi natën e kaluan në Qendrën e urgjencës.

“Për momentin analizat e spitalit po dërgohen në stacion policor dhe kuptohet do të ngremë padi”, tha Todeski.

Portali “A1on” paditë i paralajmëroi që mbrëmë ndërsa disa orë pas aktit qyqar, ministri i brendshëm Agim Nuhiu, ka njoftuar SHGM-në se ka të arrestuar.

Pesë pjesëmarrës në protestë, në fund të tubimit kanë sulmuar kameramanin Zhelçeski dhe gazetarin Todeski derisa kanë kryer obligimet e punës duke njoftuar për ngjarjen. Sulmuesit kanë thyer kamerën ndërsa Zhelçeski dhe Todeski me automobilin e ndihmës së shpejtë janë dërguar në Qendrën klinike.


Nxënësit e shkollës teknike në Manastir protestojnë kundër dygjuhësisë


Manastir, 1 Mars, 2017 - 12:47 (META) 

Dhjetëra nxënës nga shkolla e mesme teknike “Gjorgji Naumov” nga Manastiri sot paradite rreth orës 10 kanë ndërprerë procesin mësimor dhe kanë dalë në oborrin e shkollës duke protestuar kundër dygjuhësisë.

Ata thonë se vet janë organizuar përmes rrjeteve sociale sepse nuk janë pajtuar me politikën momentale në vend “të mësojnë gjuhën shqipe”. nxënësit që nuk kanë protestuar, kanë qëndruar nëpër bankat e shkollës.

Njëri prej nxënësve, pjesëmarrës në protestë, thotë se protestat do të vazhdojnë edhe ditët në vijim.


KEMM: Dhuna ndaj gazetarëve vazhdon të jetë problem serioz


Shkup, 1 Mars, 2017 - 11:16 (META) 

Këshilli për etikë në mediat e Maqedonisë (KEMM) ashpër dënon sulmin e mbrëmshëm fizik ndaj ekipit të “A1on” dhe me shqetësim vlerëson se incidenti vërteton përpjekjet tendencioze që të rrezikohet liria e mediave dhe e drejta që të informohet opinioni.

Nga Këshilli thonë se ky nuk është një incident i izoluar ndërsa trendi i dhunës dhe pengimit të punës së gazetarëve dhe punonjësve mediatik të jetë problem serioz.

“Duke pasur parasysh seriozitetin e situatës, apelojmë për reagim urgjent të policisë dhe Prokurorirë publike dhe për marrjen e masave të nevojshme për zbardhjen e incidentit. Mos- dënimi i sulmeve ndaj mediave është palejueshme ndërsa siguria e gazetarëve patjetër duhet të përmirësohet dhe ata duhet të jenë të lirë nga çdo kërcënim dhe presion”, thuhet në kumtesën e Këshillit për etikë në media.

Prej atje shtojnë se shteti sipas nenit 10 nga Konventa Evropiane për të Drejtat e Njeriut është përgjegjëse për marrjen e masave aktive që të krijohet dhe mirëmbahet një ambient i volitshëm për të drejtën e shprehjes.


Sulmohet ekipi i “A1on” në protestën “Për Maqedoni të përbashkët” në Shkup


Shkup, 28 Shkurt, 2017 - 22:49 (META) 

Ekipi i portalit “A1on” sonte është sulmuar dhe rrahur tek Porta Triumfale gjatë protestës së nismës civile “Për Maqedoni të përbashkët”.

Pesë pjesëmarrës në protestë, në fund të tubimit kanë sulmuar kameramanin Vladimir Zhelçeski dhe gazetarin Aleksandar Todvski derisa në mënyrë profesionale kanë ndjekur ngjarjen. Sulmuesit e kanë thyer kamerën e “A1on” ndërsa Zhelçeski dhe Todevski, për shkak të plagëve, gjenden në Qendrën e urgjencës.

“Me grushte në kokë dhe trup, sonte janë sulmuar kameramani dhe gazetari i “Aion” nga protestuesit para Kuvendit të RM-së. Që të dy me automjetin e ndihmës së shpejtë janë dërguar në Qendrën e urgjencës. Një pjesë e protestuesve kanë thyer kamerën, pas çka kanë ikur nga vendi i ngjarjes. Nisma civile “Për Maqedoni të përbashkët” që është organizatore e protestës thjeshtë ka dështuar në mbrojtjen e gazetarëve. “A1on” do të ngrejë padi kundër organizatorit dhe do të kërkojë kompensim për sjelljen e egër dhe primitive”, njoftojnë nga portali “A1on”.


Matematikë qeveritare: 49+10+5+3 ose 49+10+5+3+2 ose 51+10+2 ose 51+10+3+2?


Shkup, 26 Dhjetor, 2016 - 15:49 (META) 

Pasi KSHZ njoftoi se edhe pas rivotimit në Tearcë, proporcioni mes VMRO DPMNE-së dhe LSDM-së edhe më tej ngel 51-49, fillojnë afatet për formimin e qeverisë së re si dhe kombinimet e mundshme dhe formulat matematikore, ku të gjithë si numër esencial e kanë shifrën prej së paku 61 deputet.

Në pritje të rezultateve zyrtare dhe finale, partitë në zgjedhjet e jashtëzakonshme fituan këto vende deputetësh:

VMRO DPMNE – 51; LSDM – 49; BDI – 10; Lëvizja Besa – 5: Aleanca për shqiptarët – 3 dhe PDSH – 2.

Nëse merret kjo parasysh, janë të mundshëm këto katër skenarë:

  1. Koalicion qeveritar mes LSDM, BDI, Besës dhe Koalicionit për shqiptarë me shumicë prej 67 vende deputetësh në Kuvend (49+10+5+3);
  2. Qeveri me LSDM, BDI, Besën, Aleancën dhe PDSH me 69 deputetë (49+10+5+3+2);
  3. Qeveri me VMRO DPMNE, BDI dhe PDSH me shumicë prej 63 deputetë (51+10+2);
  4. Qeveri me VMRO DPMNE, BDI dhe Aleancën me 66 deputetë ( 51+10+3+2);

Kjo është matematika e “hareshme” dhe kombinimet e mundshme për koalicion eventual qeveritar, ku duhet të kihet parasysh se nga lëvizja Besa deri më tani kategorikisht deklaronin se në asnjë rast nuk do të bëjnë koalicion me BDI-në.

Lideri i BDI-së, Ali Ahmeti këtë javë do të tentoj t’i grumbulloj në bisedime të gjitha partitë shqiptare që kanë fituar mandate ndërsa nga takimi eventualisht mund të del platformë e përbashkët, me të cilën do të futen në bisedime me partitë e bllokut maqedonas.

Në ndërkohë, numri një i LSDM-së, Zoran Zaev javën e kaluar u bëri thirrje partive shqiptare të mos bëjnë koalicion me VMRO DPMNE. Ai disa herë tha se në zgjedhje ka fituar koncepti i LSDM-së, për ndryshime demokratike në shtet dhe se Maqedonia “do të fitoj qeveri që do të punoj në interesin e të gjithë qytetarëve në shtet”, më pas hapur duke aluduar se ai do të jetë kryeministri i ri.

Tone të ngjashme vijnë nga VMRO DPMNE, prej ku thonë se ata janë fitues në zgjedhje dhe ngelin “të përkushtuar për hapat e ardhshëm rreth formimit të qeverisë së re” për përpilimin e të cilës, mandati i takon kreut të partisë, Nikolla Gruevski.


Sindikata e “Jugohromit” me bllokim njëorësh kërkoi që të funksionojë sërish kombinati


Shkup, 24 Nëntor, 2016 - 14:39 (META) 

Të punësuarit në kombinatin “Jugohrom” sot në mesditë dolën në protestë në Shkup dhe për 1 orë bllokuan udhëkryqin tek pallati gjyqësor. Ata kërkojnë të kthehen nëpër vendet e punës.

Sindikata e “Jugohromit” kërkon të tërhiqet ndalesa për funksionimin e fabrikës  sepse, siç thonë, është e mundshme vendosja e filtrave.

Për momentin, të punësuarit janë në Inspektoratin e Ministrisë së ambientit, ku kanë dorëzuar letër proteste. Ata kërkojnë të tërhiqet masa për ndalimin e kombinatit, prej ku kafshatën e bukës e sigurojnë disa mijëra banorë të Jegunovcës dhe rajonit.

“Jugohrom” me kërkesë nga Inspektoratit shtetëror për mjedis jetësor nuk punon tani prej fillimit të muajit, kur edhe u fikën furrat pasi ende nuk janë vendosur filtrat.

Edhe pse furrat janë të fikura, punëtorët thonë se stacionet matëse në Tetovë shënojnë koncentracion të lartë të grimcave të dëmshme në ajër.


Punonjësit e “Jugohromit” nesër do të bllokojnë udhëkryqin tek Pallati gjyqësor


Shkup, 23 Nëntor, 2016 - 12:58 (META) 

Sindikata e punëtorëve të kombinatit “Jugohrom” nesër do të organizoj marsh protestues kundër, siç thonë, fikjes së parregullt të furrave.

Protesta e qetë do të mbahet të enjten në Shkup, ku punëtorët për një orë resht do të bllokojnë udhëkryqin para Pallatit gjyqësor. Protesta do të filloj më ora 12.

Pas orës 13, punonjësit do të nisen drejt Inspektoratit të Ministrisë së ambientit jetësor, ku do të dorëzojnë letër proteste kundër fikjes së paarsyeshme të furrave të “Jugohromit”.

Para 11 ditëve, të punësuarit në “Jugohrom” bllokuan autostradën Tetovë- Shkup, tek pika e pagesës në Zhelinë. Ata kërkonin tërheqjen e vendimit të Inspektoratit të ambientit jetësor për fikjen e furrave të “Jugohromit”, marrjen e statusit të punëtorëve derisa të mos riaktivizohet fabrika dhe përshpejtimin e vendosjes së filtrave të kombinatit.


Intensivisht largohen ngjyrat e “Revolucionit laraman”


Shkup, 27 Tetor, 2016 - 14:07 (META) 

Skulpturat e luanëve që gjenden në hyrje të urës “Goce Dellcev” të cilat më 23 prill të këtij viti ishin të ngjyrosura nga pjesëtarët e “Revolucionit laraman”, këto ditë po pastrohen në mënyrë intensive.

Një pjesë janë pastruar tërësisht ndërsa të tjerat po pastrohen gradualisht.

Këtë verë shumë përmendore ishin ngjyrosur në suazat e protestave të “Revolucionit laraman”, që filloi pasi i pari i vendit Gjorgje Ivanov fali një grup të madh njerëzish, mes të cilëve edhe anëtarë të partisë në pushtet, të dyshuar për krim të rëndë.

Ja si dukeshin luanët pas ngjyrosjes:

Еве какви се денеска: