Sindikata policore kërkoj përgjegjësi komanduese për ngjarjet në Kuvend


Shkup, 20 Maj, 2017 - 17:15 (META) 

Kryetari i Sindikatës Policore të Maqedonisë, Aco Antovski sot ka kërkuar përgjegjësi komanduese si dhe hetim juridik dhe individual për trazirat në Kuvend. Kërkesa e këtillë vjen pas suspendimit të 16 policëve për shkak të veprimit jopërkatës gjatë dhunës në institucionin ligjvënës.

“Apelojmë pranë Ministrisë së Brendshme që kompetencat e saj t’i kryej rrënjësisht dhe sipas dispozitave ligjore, më pas duke ruajtur të gjitha karakteristikat individuale për çdo rast në veçanti, sidomos nëse kolegë individë që kanë qenë vet apo në numër të vogël kanë mundur të reagojnë në mënyrë përkatëse, më pas duke mos marrë instruksione përkatëse për këtë ngjarje specifike. Kërkojmë MPB të mos e anashkalojë përgjegjësinë komanduese që është kyçe për situata të këtilla”, ka thënë Antovski.

Ai i bëri thirrje MPB-së të mbaj llogari për nevojën e masës suspendim nga vendi i punës me qëllim të mos- cenimit të pozitës sociale të punonjësve dhe ka thënë se masat e këtilla janë të panevojshme dhe joefektive.


MPB suspendon 17 punonjës për shkak të ngjarjeve në Kuvend


Shkup, 20 Maj, 2017 - 11:53 (META) 

Ministria e Brendshme ka ngritur hetim të brendshëm dhe përkohësisht ka suspenduar 17 punonjës për shkak të dhunës së shkaktuar në Kuvend, njoftojnë sot nga MPB.

“Sektori për kontroll të brendshëm, hetime kriminalistike dhe standarde profesionale pranë MPB-së ndaj 11 nëpunësve policor nga SPB Shkup dhe kundër katër pjesëtarëve të Njësitit për Intervenim të Shpejtë ka ngritur procedurë disiplinore dhe u ka dhënë vendim për largim të përkohshëm nga vendet e punës ndërsa një eprorit të lartë në MPB i është dhënë vendimi për largim të përkohshëm nga vendi i punës”, thuhet në njoftim.

Nga MPB thonë se sipas material të shqyrtuar të dëshmive, policët e suspenduar nuk kanë intervenuar gjatë tentimit të masës për të hyrë në Kuvend, e as që më vonë kanë marrë masa për të penguar lëvizjen e masës nëpër institucionin ligjvënës.


Kryetari i Bogovinjës, Hazbi Idrizi ndërron jetë si pasojë e plagëve me armë zjarri


Tetovë, 6 Maj, 2017 - 15:23 (META) 

Kryetari i komunës Bogovinjë, Hazbi Idrizi ka ndërruar jetë pasi sot në mëngjes është qëlluar me armë zjarri, konfirmojnë për “Meta” nga Qendra klinike e Tetovës.

Jozyrtarisht, vrasjen e ka kryer punonjës në komunë i cili gjoja është larguar nga puna. Pas vrasjes, A.K ka tentuar të vetëvritet, duke qëlluar në trupin e tij. Ai më pas me automjetin e Ndihmës së shpejtë është dërguar në Qendrën klinike në Shkup, KARIL.

Policia punon në zbardhjen e rastit ku priten më shumë detaje.

 


OSBE bën thirrje që dhuna të ndalojë ndërsa policia të krijojë kushte për siguri


Bruksel, 27 Prill, 2017 - 23:34 (META) 

Shefja e misionit të OSBE-së në Maqedoni, Nina Suomalainen, përmes profilit të saj në Twitter bëri thirrje që të ndalojë dhuna në Kuvend ndërsa policia të krijojë kushte për siguri.

“Situatë me tension në Shkup. Dhuna duhet të ndalojë, policia duhet të krijoj kushte për sigurinë e Kuvendit dhe deputetëve”, shkroi Suomalainen në Twitter.

 


Policia me shok- bomba  tenton t’i largoj protestuesit nga Kuvendi


Shkup, 27 Prill, 2017 - 23:22 (META) 

Njësiti special policor dy orë pas përshkallëzimit të situatës në Kuvend për shkak të emërimit të Talat Xhaferit për kryesues kuvendi, ka filluar me përpjekjet për largimin e protestuesve të cilët “okupuan” Kuvendin. Në Parlament, mund të dëgjohen krisma nga shok- bombat. Sipas informacioneve të fundit, në Kuvend është shkyçur energjia elektrike dhe ndriçimi.

Një pjesë e madhe e protestuesve në Kuvend kanë filluar të lëvizin dhe të dalin nga hyrja kryesore e institucionit ligjvënës.

Hyrjet e kuvendit janë të bllokuara nga grupe protestuesish, që nuk lejojnë policia t’i nxjerr deputetët.

Një numër i madh i policëve kanë arritur në Kuvend pasi protestuesit arritën të kalojnë kordonin policor dhe të futen brenda, ku më pas kanë sulmuar disa deputetë të LSDM-së. Mes deputetëve të lënduar janë lideri i LSDM-së, Zoran Zaev, kolegët e tij Damjan Mançevski dhe Maksim Dimitrievski si dhe deputeti Zijadin Sela.


Çavkov: Deputetët nesër do të kenë qasje të papenguar në Kuvend


Shkup, 20 Mars, 2017 - 17:18 (META) 

Deputetët nesër do të kenë qasje të papenguar në Kuvend, deklaroi për “Dojçe Vele”, drejtori i Byrosë së sigurisë publike (BSP), Mitko Çavkov.

Nesër më ora 12 në Kuvend pritet të mbahet koordinimi i partive parlamentare politike për formimin e Komisionit për zgjedhje dhe emërim, si bazë për vazhdimin e seancës konstituive për emërimin e kryetarit të Kuvendit.

Nesër në mesditë në vend do të arrijë euro- komisari për zgjerim dhe politikë fqinjësore, Johanes Han dhe treshja evropiane Ivo Uajgl, Eduark Kukan dhe Knut Flekenshtejn.

Ai në pyetjen nëse policia garanton se deputetët nuk do të pamundësohen të futen apo të dalin nga Kuvendi, duke pasur parasysh se pjesëmarrësit e protestave do të bllokojnë hyrjet në këtë institucion ligjvënës, Çavkov ishte i prerë: “Kuptohet se deputetët do të ketë qasje të sigurt dhe të papenguar në Kuvend”.


Luftëtarët në Kumanovë janë futur “që të mbajnë konferencë për mos- zbatimin e Marrëveshjes Kornizë”


Shkup, 17 Shkurt, 2017 - 16:20 (META) 

Problemet politike të shqiptarëve dhe mos- zbatimi i Marrëveshjes kornizë të Ohrit kanë qenë arsyet pse grupi i armatosur kanë ardhur në Maqedoni më saktë në “Lagjen e Trimave”, tha në seancën e sotme i akuzuari i parë i ngjarjeve të 9 dhe 10 majit 2015, Sami Ukshini.

Në pyetjen e Prokurorisë, se si grupi ka planifikuar të ndihmojë në zbatimin e Marrëveshjes, Ukshini tha se siç i kanë thënë udhëheqësit e grupit, Mirsad Ndrecaj dhe Begë Rizaj (të vrarë gjatë luftimeve në Lagjen e Trimave v.j) qëllimi ka qenë, t’i thërrasin gazetarët gjegjësisht të thërrasin konferencë shtypi, ku publikisht do të thonë se nëse nuk realizohet Marrëveshje Kornizë, gjërat në Maqedoni do të kthehen sikur në vitin 2001.

Ndërsa pse nuk e kanë thirrur konferencën e shtypit, Ukshini tha se kjo është varur nga Rizaj dhe Ndecaj si organizatorë të grupit.

Në pyetjen nëse grupi ka pasur mbështetjen nga ndonjë parti politike në Maqedoni, ai tha se nuk e din sepse nuk ka qenë organizator i grupit.

Me deklarimin e sotëm të Ukshinit, filloi edhe biseda dëgjimi i të akuzuarve në rastin “Lagja e Trimave”, që janë gjithsej 37 në numër.


Disa të akuzuar nga rasti “Lagja e Trimave” dërgohen në Ohër, qyteti nën sigurim të rreptë


Ohër, 4 Nëntor, 2016 - 13:50 (META) 

Prej mbrëmë, qendra e Ohrit, rreth objekteve të Sektorit për punë të brendshme, është nën siguri të madhe policore, që ka shkaktuar koment  dhe shqetësim tek qytetarët.

Tanimë dy ditë me radhë dhe vend- parkimet para SPB Ohër, burgu dhe para objektit të brigadës kundër zjarrit në Ohër janë bllokuar dhe ndalohet parkimi dhe mbajtja e makinave.

Objektet i sigurojnë policë të armatosur me pajisje të plotë.

Kompetentët ende nuk kanë dalë me njoftim zyrtar, por siç mëson “Meta” nga burime policore, masat e rrepta të sigurisë janë për shkak të disa personave, të akuzuar në rastin “Lagja e Trimave”.


Spasovski: Sonte do të dihet kush do të jenë ministrat dhe zëvendës- ministrat e rinj


Shkup, 1 Shtator, 2016 - 13:08 (META) 

Sekretari i përgjithshëm i LSDM-së dhe ish ministri i brendshëm Oliver Spasovski sot nuk deshi t’i zbuloj emrat e ministrave dhe zv- ministrave që pritet t’i emëroj LSDM në qeverinë kalimtare për organizimin e zgjedhjeve të parakohshme parlamentare.

“Sonte do të ketë takim të organeve më të larta partiake dhe në të do të vendoset për emrat e ministrave dhe zv- ministrave” tha Spasovski.


Katastrofë në Hasanbeg pas vërshimeve: Kërcejnë nga ballkoni që të shpëtojnë


Shkup, 7 Gusht, 2016 - 17:17 (META) 

Automjeti i Ndihmës së shpejtë nxori një grua të moshës së mesme nga shtëpia e saj në Hasanbeg, e cila siç tregon familja e saj, në përpjekje që ta evitoj vërshimin, patjetër e ka pasur të kërcej nga ballkoni i katit të parë. Fqinjët thonë se gjendja në rrugën “Alija Avdoviq” ka qenë më trishtuese.

Të vërshuara janë të gjitha oborret dhe podrumet ndërsa uji ka marrë me vete madje gardhe prej betonit. Thuajse në çdo shtëpi mund të shihen qytetarët të cilët me kova dhe pompa e nxjerrin ujin. Rruga kryesore mund të kalohet. Mbete të baltës, çimentos dhe betonit ka në çdo anë.

Qytetarët e dëmtuar thonë se deri tani askush nga autoritetet lokale dhe shtetërore nuk i ka vizituar e as që kanë ofruar ndihmë.

Në çdo cep të kësaj lagje mund të shihen automjete policore dhe ushtarake si dhe automjetet e Ndihmës së shpejtë, eskavatorë dhe traktorë që ndihmojnë në pastrimin e rrugës. Në motin që dje kaploi Shkupin dhe rrethin e qytetit, jetën kanë humbur 20 persona ndërsa dhjetëra kanë kërkuar ndihmë nëpër klinikat e Shkupit. Më të dëmtuar janë banorët e Stajkovcit, Hasanbegut, Smilkovcës dhe Haraçinës.