BE, SHBA, OSBE dhe NATO: Shqetësim serioz pasi autoritetet nuk arritën të pengojnë sulmin


Shkup, 29 Prill, 2017 - 11:43 (META) 

Delegacioni i BE-së në Shkup, Ambasada amerikane, misioni i OSBE-së dhe zyra e NATO-s në deklaratën e përbashkët në mënyrën më të ashpër dënuan, siç thuhet, sulmin e organizuar në Kuvend.

“Fuqishëm e dënojmë sulmin e organizuar ndaj Parlamentit që u bë më 27 prill. Shprehim shqetësimin tonë serioz ndaj dështimit të autoriteteve për ta parandaluar të njëjtin dhe për të siguruar sigurinë e nevojitur për deputetët e parlamentit dhe gazetarët prezentë në vendngjarjen. Sulmi ndaj një institucioni shtetëror, i cili paraqet zemrën e demokracisë, është sulme ndaj vetë demokracisë”, thuhet në deklaratën e përbashkët.

Në njoftim ata më tej thonë se presin veprat penale së shpejti të hetohen, se organizatorët dhe kryerësit e sulmeve do të nxirren para drejtësisë ndërsa gjykata do të veprojnë në mënyrë të pavarur.

“Presim që këto vepra penale të hetohen në mënyrë sa më të shpejtë, organizatorët dhe autorët e sulmit të sillen para drejtësisë dhe gjyqësori të veprojë në mënyrë të pavarur. Ju bëjmë thirrje të gjithë qytetarëve të mbeten të përmbajtur , shmangen provokimeve dhe të mbeten të qetë. Dhuna nuk është mënyra për përparimin e shtetit apo shoqërisë”, thuhet më tej në deklaratën e përbashkët.

 


MPJ-ja ruse: BE, NATO dhe SHBA vazhdojnë pa turp të bëjnë presion ndaj Ivanovit


Moskë, 3 Mars, 2017 - 18:08 (META) 

Përzierja e jashtme në punët e brendshme të R. së Maqedonisë po merr forma ekstreme, thuhet në deklaratën e sotme të ministrisë së jashtme ruse, ku akuzohen BE dhe NATO se bëjnë presion të paparë ndaj presidentit të Maqedonisë.

“Euro- komisari Johanes Han, përfaqësuesja e lartë për siguri politike të BE-së, Federika Mogerini, sekretari i përgjithshëm i NATO-s, Jens Stoltenberg dhe përfaqësues tjerë të “Evropës së shenjtëruar”, vazhdojnë pacipë të kryejnë presion të paparë ndaj presidentit maqedonas Gjorgje Ivanov duke kërkuar prej tyre mandatin t’ia dorëzojë opozitës, e cila kërkoi “Platformë shqiptare” ultimative” thotë MPJ-ja ruse.

Prej atje thonë se është e rëndësishme të “kuptohet se masat e formuluara në Tiranë nënkuptojnë federalizim të Maqedonisë, rishpërndarje të pushtetit dhe simboleve të shtetit dhe çojnë drejt shkatërrimit të rendit kushtetues me qëllim të mos- integrimit të shtetit”.

Drejt sjelljes së përfaqësuesve evropian, siç vlerëson MPJ-ja ruse, është përfshirë edhe presidenti i “shtetit të vetëshpallur të Kosovës”, Hashim Thaçi i cili pa dyshim bëri thirrje që shqiptarët e Maqedonisë t’i marrin gjërat në duart e veta” që çon drejt krijimit të “Shqipërisë së Madhe”.

“Kjo është edhe një dëshmi se subjekti i krijuar artificial i Kosovës është një prej burimeve kryesore të mos- stabilitetit dhe bartësi kryesor i potencial konfliktuoz në Ballkan. Maqedonasit duhet vet pa ndërhyrje nga jashtë të vendosin për fatin e tyre”, thonë nga ministria e jashtme ruse.

Ndryshe, për përkeqësimin e situatës në Maqedoni dhe protestat rreth ndarjes së mandatit, janë shpeshtuar reagimet e Moskës zyrtare.

 

 


Gruevski me Danielson: Prioriteti i VMRO DPMNE-së është normalizimi i gjendjes


Shkup, 27 Maj, 2016 - 14:30 (META) 

Lideri i VMRO-DPMNE-së, Nikolla Gruevski në takimin me Drejtorin e Drejtorisë për zgjerim të Komisionit Evropian, Kristian Danielson, ka biseduar për situatën aktuale politike, sfidat me të cilat ballafaqohet vendi, integrimet evropiane dhe reformat që duhet bërë, kanë bërë të ditur nga VMRO-DPMNE.

Gruevski ka theksuar se prioriteti i partisë që e drejton është normalizimi i situatës politike dhe mbjellja e sigurisë tek qytetarët dhe në këtë plan është e rëndësishme kthimi në rrugën e përparimit dhe prosperitetit ekonomik.

“VMRO-DPMNE përkrah gjitha proceset të cilët do të sjellin përmirësim të standardeve në çdo fushtë dhe çdo vendim I rëndësishëm për shteti duhet bazuar në vullnetin e qytetarëve”, ka theksuar Gruevski.


VMRO DPMNE: Problemi i vetëm për hyrje në NATO është problemi me emrin


Shkup, 2 Dhjetor, 2015 - 18:49 (META) 

Nuk ka qytetar në RM që nuk është bindur se problemi i vetëm për të cilin Maqedonia nuk është anëtare me të drejta të plota në NATO është kontesti me Greqinë rreth emrit, thonë nga VMRO DPMNE duke reaguar ndaj njoftimit të LSDM-së për anëtarësimin e Malit të Zi në NATO.

“RM përmbush të gjithë kushtet për aderim në Aleancës veri-atlantike që në samitin e Bukureshtit. Këtë e dinë të gjithë partnerët dhe miqtë tanë që i mbështesin përpjekjet tona. Këtë e konfirmoi edhe Gjykata në Hagë me aktvendimin e sjellë për veton e pabazë të Greqisë. Këto fakte nuk i pranuan vetëm Greqia fqinje dhe LSDM. Me njoftimin e sotëm, LSDM dëshiron të paralajmëroj ndonjë zgjidhje të re. Problemi është shumë serioz dhe qytetarët e RM-së patjetër duhet të dinë cila është oferta e LSDM-së”, thonë nga VMRO DPMNE.

Nga partia në pushtet pyesin cili është shkaku që LSDM sërish luan në kartën e njëjtë dhe aktualizon çështjen e njëjtë dhe a ka diç që opinioni nuk e din ndërsa krerët e LSDM-së e fshehin.


LSDM: Përderisa Mali i Zi hapëron përpara, Maqedoni me Gruevskin qëndron në vend


Shkup, 2 Dhjetor, 2015 - 17:50 (META) 

Debakli i politikave ekonomike të Nikolla Gruevskit edhe me një dështim në planin ndërkombëtarë, reagojnë nga LSDM.

“Këshilli ministror i NATO-s mori vendim Mali i Zi të ftohet si anëtare e re e Aleancës. LSDM uron qytetarëve të Malit të Zi për këtë sukses. Për fat të keq, Përderisa Mali i Zi hapëron përpara, Maqedoni me Gruevskin qëndron në vend” thuhet në njoftimin e LSDM-së.

Prej atje shtojnë se për Gruevskin vitet e kaluar prioritet nuk kanë qenë zgjidhja e çështjeve të hapur, reformat dhe progresi i vendit, por tenderët dhe interesat e biznesit të familjes.

“Për shkak të politikave dështuese të Nikolla Gruevskit, Maqedoni dhe gjithë qytetarët pa kthim humbën 10 vite” thuhet më tutje në njoftim.


Ahmeti i dërgon letër Hanit: Përsëritni rekomandimin për Maqedoninë


Shkup, 7 Nëntor, 2015 - 13:04 (META) 

“Ju bëj thirrje që të përsëritni rekomandimin e Komisionit për hapje e bisedimeve për anëtarësim të Maqedonisë në BE dhe bashkërisht me miqtë nga Uashingtoni si dhe vendet- anëtare të BE-së, ta ktheni fokusin në zgjidhjen e çështjeve të emrit dhe hapjen e perspektivës euro- atlantike të Maqedonisë”, thuhet në letrën që lideri i BDI-së, Ali Ahmeti ia ka dërguar komisarit evropiane për zgjerim dhe politike fqinjësore, Johanes Han.

“Bashkëpunimi me komunitetin ndërkombëtar dhe ndërtimi i përbashkët i politikave i ka sjellë gjithnjë dobi vendit tim dhe qytetarëve tanë, qysh nga arritja e Marrëveshjes së Ohrit, marrjes së statusit vend kandidat për anëtarësim në BE, liberalizimit të vizave, rekomandimet për hapjen e negociatave me BE si dhe të qenurit në prag të anëtarësimit në NATO.  Ne zotohemi që do të angazhohemi për zbatim të reformave të kërkuara për të ndërtuar institucione më të qëndrueshme si dhe shoqëri demokratike dhe të përgjegjshme, ndërsa njëkohësisht presim përkushtimin tuaj në tejkalimin e pengesës së fundit që qëndron midis Maqedonisë dhe integrimit euro-atlantik”- thuhet në letrën deri te Han.

Ahmeti në letër thekson për Han se Brukseli dhe Uashingtoni e kanë atë dhe BDI-në si partner për integrimin e vendit në BE dhe NATO sepse, sipas Ahmetit, ky është përcaktim strategjike dhe se alternativë tjetër s’ka.


Poposki dhe Jolevski në takim me Këshillin veri- atlantik në Bruksel


Bruksel, 16 Shtator, 2015 - 18:30 (META) 

Delegacioni i RM-së në krye me ministrat e jashtëm dhe atë të mbrojtjes, Nikolla Poposki dhe Zoran Jolevski sot në Bruksel marrin pjesë në takimin e rregullt vjetor me Këshillin veri- atlantik në nivel të ambasadorëve të vendeve- anëtare të NATO-s, njofton MPJ.

Në fjalimet e tyre, ministrat Poposki dhe Jolevski kanë përmendur rezultatet e arritura në kornizat e proceseve reformuese politike, ekonomike dhe të mbrojtjes në RM.

Duke folur për rëndësinë e politikës me dyer të hapura të Aleancës, Poposki mes tjerash ka nënvizuar se edhe krahas 16 cikleve rekord të zbatimit të Planit aksionar për anëtarësi, implementimin e reformave sipas standardeve të NATO-s, në veçanti kontribut në misionet e Aleancës si dhe përkushtimin në bisedimeve për largimin e pengesës së fundit për anëtarësimin tonë në NATO, RM ende është në pozitë për pritje.

Poposki siç njoftojnë nga MPB ka bërë thirrje për arritjen e konsensusit rreth vendimit që sa më shpejtë të jepet ftesë për anëtarësim në Aleancë, duke theksuar arritjet tona reformuese, standardet e përmbushura dhe kontributin tonë të veçantë në misionet e NATO-s.

Gjatë vizitës në Bruksel, Poposki dhe Jolevski janë takuar me sekretarin e përgjithshëm të NATO-s, Jens Stoltenberg, ku janë këmbyer mendime dhe qëndrime për krizën aktuale me refugjatët në vend si dhe sfidat me të cilat ballafaqohet RM për menaxhim të suksesshëm me këtë krizë.


Gruevski: Prej 8 Shtatorit të vitit 1991 jemi të vetët në tonën


Shkup, 8 Shtator, 2015 - 16:41 (META) 

Prej 8 Shtatorit të vitit 1991 jemi të vetët në tonën, të gjitha teoritë se Maqedonia është shtet i përkohshëm ranë në ujë. Këtë sot e tha kryeministri Nikolla Gruevski, në fjalimin e tij në Teatrin popullor të Maqedonisë me rastin e Ditës së pavarësisë.

“Tani, sfida kryesore është se si të rregullohet jeta më mirë dhe funksionimi i shtetit tonë, në suazat e parimeve demokratike dhe si më shpejtë në çdo aspekt t’i arrijmë standardet e komuniteteve kah të cilat synojmë, BE dhe NATO. Kaluam nëpër sfida të shumta, por të gjitha teoritë se Maqedonia është shtet i pavarur ranë në ujë. Maqedonia me të gjitha problemet me të cilat ballafaqohej, shkonte përpara, ndonjëherë shpejtë e ndonjëherë ngadalë, por themelet forcoheshin ndërsa kulmi ndërtohej. Sfida e sotme e madhe e Maqedonisë, pasi tanimë e fitoi pavarësinë është anëtarësimi në BE dhe NATO dhe tejkalimin e problemit që e vendosi Greqia e që lidhe me emrin dhe identitetin. Është e qartë se edhe për këtë na nevojitet luftë e gjatë, kësaj radhe politike- tha mes tjerash Gruevski.

Kryeministri në fjalimin e tij foli edhe për problemet tjera me të cilat ballafaqohet shteti. Ai dha se demografia, nataliteti dhe fertiliteti do të ngelin në krye të sfidave më të mëdha.


Ivanov: Duhet komunikim dhe bashkëpunim më intensiv me shërbimet


Shkup, 7 Shtator, 2015 - 14:52 (META) 

­ Presidenti i Republikës së Maqedonisë, Gjorge Ivanov sot ka mbajtur takim pune me shefin e Shtatmadhorisë së Armatës së Republikës së Maqedonisë, (ARM) komandantin e Komandës së Bashkuar Operative, (KBO) drejtorët dhe udhëheqësit e organeve shtetërore kompetente për mbrojtjen, sigurinë dhe zbulimin dhe me koordinatorin kombëtar për luftë kundër terrorizmit, në të cilin takim siç informojnë nga kabineti i tij është diskutuar për  masat që ndërmerren rreth krizës aktuale me refugjatët, por edhe për “ ndryshimin e vendosjes së subjekteve në sistemin nacional të sigurimit dhe kompetencave të tyre”.

Institucionet kompetente kanë informuar presidentin Ivanov se përveç angazhimit, disa nga njësitet ushtarake dhe policore të kufijve, zyrtarët shkëmbejnë dhe marrin  të dhëna nga partnerët e huaj të Bashimit Evropian (BE) dhe NATO-s dhe nga shtetet e rajonit, për shkak të identifikimit të rreziqeve të cilat vijnë si pasojë e migrimit ilegal.

Sipas kumtesës së kabinetit të presidentit, të dhënat kanë të bëjnë me transferin e terroristëve të huaj, parandalimin e  krimit të organizuar në rrjetet kriminele përfshirë edhe kontrabandën me  persona të rrezikshëm për sigurinë e shtetit, me ose pa dokumentacion të falsifikuar kontroll të identiteti të shtetasit të huaj dhe identifikimin e personave që kanë marrë pjesë në veprimtari luftarake në rajonet e krizës.

Bë takim, siç theksohet  janë bërë edhe konsultime, “për shkak të nevojës mbrojtëse për shkak të nevojës për ndryshim të vendosjes së subjekteve në sistemin për siguri nacionale dhe kompetenca e tyre, nevoja nga pajisjet materiale, kadrovike dhe teknik për përballje me kanosjet dhe revizionin e mekanizimit për kontroll ekzekutiv mbi punën dhe zbatimin e masave nga shërbimet”.


Solomon Pasi për 1 euro ka qenë këshilltar i Nikolla Gruevskit


Ish shefi i diplomacisë bullgare, Solomon Pasi, për televizionin nacional “BNT” konfirmoi se për shumë minimale të parave ka qenë këshilltar i kryeministrit aktual të Maqedonisë, Nikolla Gruevski, në periudhën 2007-2008.

“Marrëveshja ishte për 1 euro. E kreva punën time rreth 10 muajve dhe u soll vendim se Maqedonia do të bëhet anëtare e NATO-s- tha Pasi.

Sipas tij, Lindja dhe Perëndimi për momentin zhvillojnë betejë për Maqedoninë.

“Perëndimi nuk bën hapa për afrimin e Maqedonisë drejt NATO-s dhe BE-së. Bullgaria nuk ka rol kyç në këtë proces. Mund të bëjmë diçka në mënyrë të koordinuar, por asgjë nuk mund të ndodh pa vullnetin e mirë të Maqedonisë- shtoi ai.

Pasi, duke komentuar deklaratën e shefit të diplomacisë ruse, tha se Bullgaria nuk ka pretendime territoriale ndaj Maqedonisë.

“Ministri i jashtëm rus, Sergej Lavrov është diplomat serioz dhe i shquar dhe deklarata e tij nuk është e rastësishme. Këto prononcime janë pjesë e luftës informative që për momentin po zhvillohet dhe ato nuk duhet nënvlerësuar- tha Pasi.