MPJ-ja e Shqipërisë: Politikanët të tregojnë maturi dhe të evitojnë retorikën nxitëse


Tiranë, 28 Prill, 2017 - 12:37 (META) 

Ministria e jashtme e Shqipërisë përmes njoftimit për opinion ka shprehur shqetësim për dhunën e kuvendit të Maqedonisë.

“Dhuna dhe skenat e këtilla kundër përfaqësuesve të zgjedhur nga qytetarët e Maqedonisë janë të papranueshme dhe nuk janë dinjitoze për një demokraci parlamentare. Dhuna fare nuk ndihmon në tejkalimin e situatës së krijuar. U bëj thirrje forcave të sigurisë që të përfshihen në ruajtjen e rendit dhe sigurisë publike të qytetarëve dhe përfaqësuesve të tyre”, thuhet në njoftim.

MPJ-ja e Shqipërisë apelon deri tek politikanët që të tregojnë maturi dhe të evitojnë retorikë që mund të nxit tensione të mëtutjeshme.

“Qytetarët e Maqedonisë presin se krizës do t’i vijë fundi sa më shpejtë dhe institucionet do të vazhdojnë me funksionim normal, për bashkëjetesë dhe harmoni ndëretnike si dhe për avancim euro- atlantik të vendit”, thonë nga MPJ-ja e Shqipërisë.


MPJ për Kozias: Greqia nuk duhet të ketë frikë, irredentizmi nuk është veçori e Maqedonisë


Shkup, 12 Prill, 2017 - 15:03 (META) 

Nuk ka nevojë Greqia të ketë frikë për ndonjë irredentizëm maqedonas, reagojnë sot nga Ministria e jashtme, pas deklaratës së shefit të diplomacisë greke, Nikos Kozias se në kontestin e emrit problem paraqesin tendencat irredentiste që vendi i tregon në kërkesat për emrin e Maqedonisë.

“Theksimi i këtij perceptimi është në funksion të shpërqendrimit të fokusit nga pengesat reale të procesit integrues të R. së Maqedonisë, sidomos pas aktvendimit të Gjykatës ndërkombëtare të drejtësisë nga viti 2011”, thonë nga MPJ.

Në reagim thuhet se përmes procesit të ndërtimit të besimit duhet të zgjidhen të gjitha çështjet kontestuese dhe se irredentizmi fare nuk është veçori e Maqedonisë.

“Nga pala maqedonase, vlerësojmë se në suazat e procesit të ndërtimit të masave të besimit, duhet të gjendet zgjidhje për të gjitha burimet e mosbesimit nga të dy anët. Irredentizmi nuk është veçori e Maqedonisë e cila në vazhdimësi angazhohet për bashkëpunim rajonal. Vlerësojmë se e njëjta duhet të pranohet edhe nga fqinji jugor”, thonë nga MPJ.


MPJ: Deklaratat me retorikë nxitëse nuk janë në frymën e vlerave evropiane


Shkup, 14 Mars, 2017 - 10:54 (META) 

Pas deklaratës së deputetes shqiptare të PDIU-së, Mesila Doda, e cila në një paraqitje e quajti Maqedoninë, Ilirida, ka reaguar Ministria e Jashtme e Maqedonisë përmes një komunikate ku e dënon retorikën e Dodës dhe e cilëson si ofenduese.

“MPJ e Republikës së Maqedonisë i dënon paraqitjet publike me retorikë ofenduese dhe nxitëse të personave publik të Republikës së Shqipërisë, që kanë të bëjnë me Republikën e Maqedonisë. Deklaratat e papërgjegjshme të fytyrave publike të cilat nga funksioni i tyre imponojnë dhe kërkojnë përgjegjësi për qëndrim të shprehur publikisht, nuk janë në frymë të marrëdhënieve të mira ndërfqinjësore dhe përpjekjeve të deklaruara për miqësi dhe bashkëpunim mes dy vendeve, posaçërisht nuk janë në frymë të vlerave evropiane”, thuhet në reagim.

Nga MPJ e Maqedonisë presin që fytyrat publike të vendeve fqinje të përmbahen nga nxitja e tensioneve në rajon dhe porosisin se më e dobishme do të ishte nëse energjinë e tyre e drejtojnë kah propozimet dhe nismat konstruktive, me çka do të përforcohej bashkëpunimi dhe besimi mes dy shteteve, do të përmirësonin standardin e qytetarëve, por edhe do ta përshpejtonin integrimin evropian.

 


MPJ e Shqipërisë: Të gjithë të qëndrojnë të qetë dhe të ndalojë retorika anti- shqiptare


Tiranë, 7 Mars, 2017 - 16:22 (META) 

“Ministria e jashtme e Shqipërisë ndjen keqardhje dhe dënon sulmin ndaj Muzeut të alfabetit të gjuhës shqipe në Manastir, që po ndodh në këtë ditë të rëndësishme për gjuhën shqipe dhe shqiptarët”, thuhet në reagimin e MPJ-së së Shqipërisë, njofton korrespondentja e “Meta” nga Tirana.

Prej atje kërkojnë autoritetet maqedonase të hetojnë këtë akt vandal dhe t’i dënojnë autorët.

“Sulmi ndaj Muzeut është dëshmi se nevojitet mbrojtje më efikase nga organet kompetente për trashëgiminë e përbashkët”, thuhet në reagimin e MPJ-së shqiptare.

MPJ-ja e Shqipërisë bën thirrje të gjitha palët që të qëndrojnë të qetë dhe të merr fund retorika anti- shqiptare.

“I bëjmë thirrje të gjitha palëve të ruajnë qetësinë dhe të ndalojnë retorikën kundër shqiptarëve, e cila vetëm sa shpërqendron vëmendjen nga problemet reale të vendit, dëmton marrëdhëniet ndëretnike në vend dhe rrugëtimin e saj euro-atlantik”- thuhet më tej në reagimin e Ministrisë së jashtme shqiptare.

Prej atje thonë se “besojnë që këto sulme janë vepra të një grupit të vogël, të prirë nga ndjenjat ekstreme nacionaliste, frika, mungesa e informatave dhe retorikës së dëmshme në vitet e fundit”.

“Dëshirojmë të theksojmë se historia, tradita, gjuha e kultura e popullit shqiptar janë vlerë e shtuar për fqinjët tanë në Maqedoni dhe se ruajtja e tyre tregon vlerat më të larta demokratike e njerëzore. Shqipëria dhe shqiptarët kanë qenë dhe do të jenë miq të përhershëm të Maqedonisë. Ne besojmë në vlerat e bashkëjetesës, në harmoninë dhe bashkëpunimin midis vendeve e qytetarëve tanë”- thuhet më tej në reagim.

 

 

 

 

 

 


SHBA për deklaratat e Rorabaker: Mbështesim integritetin territorial të Maqedonisë


Uashington, 8 Shkurt, 2017 - 10:59 (META) 

“Shtetet e Bashkuara pranojnë dhe mbështesin sovranitetin dhe integritetin territorial të R. së Maqedonisë dhe ky pozicioni nuk ka ndryshuar”. Këtë e ka deklaruar për “Zërin e Amerikës” në gjuhën shqipe një zyrtarë i lartë i paemëruar i Departamentit shtetëror amerikan lidhur me deklaratën e kongresmenit republikan Dana Rorabaker.

Deklarata është thuajse identike me deklaratën që javën e kaluar e dha zëdhënësi i Departamentit shtetëror, Mark Toner, pas spekulimeve në disa media të vendit se ambasada në Shkup nuk flet në emër të administratës së SHBA0ove. Atëherë atëherë ishte i prerë se nuk ka ndryshim në politikën amerikane ndaj Maqedonisë.

Ministria e jashtme e Maqedonisë dje njoftoi se përmes rrugës diplomatike ka kërkuar qëndrim nga Departamenti shtetëror për deklaratat e Rorabaker, të thëna në intervistë për “Vizion Plus” nga Tirana.


MPJ: Politikanët e rajonit të mos involvohen në çështjet e brendshme të Maqedonisë


Shkup, 3 Shkurt, 2017 - 13:31 (META) 

Ministria e punëve të jashtme sot porositi politikanët e vendeve të rajonit që të fokusohen në zgjidhjen e problemeve të qytetarëve të tyre, në vend që të involvohen në çështjet e brendshme të Maqedonisë.

“Do të përkujtojmë se Maqedonia ka përfaqësues të zgjedhur nga qytetarët. Ata janë faktorët e vetëm legjitim në vendimmarrje. Do të ishte mirë konceptin e Maqedonisë të integrimit multikulturor në shoqëri bazuar në vlerat evropiane, ta zbatojnë vendet fqinje. Politikanët nga fqinjësia të cilët tentojnë të defokusojnë problemet brenda shteteve të tyre, me ndezjen e zjarrit tek fqinjët, shkojnë në të kundërtën e vlerave evropiane. Kuptohet, ju duket më mirë të merret me shtetet fqinje, në kushte kur kanë vështirësi në përmbushjen e nevojave reale në shtetet e tyre. Megjithatë, për të gjithë do të jetë më mirë t’u përkushtohen reformave që u nevojiten para se të dëshirojnë lidership dhe të krijojnë ndasi në rajon” thonë nga MPJ.

Nga Ministria e Jashtme shtojnë se çfarëdo involvimi në punët e brendshme të Maqedonisë është e padobishme.

“S’kemi qëllim që të futemi në analiza kush involvohet dhe me çfarë qëllime. Do t’i këshilloja palët e interesuara që të respektojnë sovranitetin e Maqedonisë dhe vullnetin e shprehur nga qytetarët. Ata janë kompetentët e vetëm që të marrin vendime për shtetin. Maqedonia ngel e përkushtuar në synimet dhe parimet e saj. Praktika na ka treguar se zgjidhjet e mira për vendin patjetër të vijnë nga interesat e qytetarëve tanë. Qëndrimi i tillë është në funksion të integrimit evropian të vendit. Vetëm një Maqedoni sovrane, efektive dhe efikase mund të kontribuojë në projektin që mbështetet nga qytetarët tanë”, thonë më tej nga MPJ.


MPJ për “Meta”: Daciq ka frikë që fluksin e shovinizmit t’i drejtoj kah fuqitë e mëdha


Shkup, 21 Janar, 2017 - 12:55 (META) 

Ministri i jashtëm serb, Ivica Daciq ka frikë që fluksin e shovinizmit ta shpreh drejt fuqive të mëdha që e pranuan Kosovën, dhe për këtë konfrontohet me vendet më të vogla të Evropës, thonë për “Meta” nga Ministria e jashtme e Maqedonisë, pas deklaratës së fundit të shefit të diplomacisë serbe, ku pyetet pse Maqedonia është anëtare në organizatat ndërkombëtare me referencë e jo me emrin kushtetues.

“E pyesim Daciqin, pse kështu nuk konfrontohet me shtetet që e pranuan Kosovën siç është SHBA, Gjermania, Britania e Madhe, mikja tradicionale Franca, Italia me të cilën kanë seanca të përbashkëta në Qeveri etj. T’i pyesim pse nuk bëjnë gjeste të ngjashme ndaj qindra shteteve në botë që e pranuan Kosovën dhe pse me kolegët e këtyre shteteve Daciq nuk realizon takime? Pse negociojnë me BE-në ku mbi 80% e shteteve e kanë pranuar Kosovën? Pse tenton të ketë raporte të mira shtetërore dhe personale me Merkelin, Olandin, Mejin dhe ministrat e tyre të jashtëm, shtete të cilët në grupin e parë e pranuan Kosovën? Pse tani para zgjedhjeve presidencial në Serbi i është kujtuar të konfrontohet me vendet më të vogla të Evropës, siç është Maqedonia apo Mali i Zi? Apo Daciqi ka frikë që fluksin e shovinizmit ta derdh ndaj 134 vendeve në veçanti ndaj fuqive të mëdha? Përfundimisht, Daciq mund të gjejë mënyrë më të thjeshtë që t’u paraqitet votuesve serb”, komentojnë nga MPJ-ja e Maqedonisë.

Daciq dje, lidhur me kërkesën e MPJ-së së Maqedonisë që mos të përdoret referenca IRJM nëpër pikat e pagesës pasi është ofenduese, deklaroi se edhe për Serbinë është ofenduese përdorimi i emrit “Republika e Kosovës”. Ai më pas pyeti pse Maqedonia nuk del nga KB, Këshilli i Evropës, OSBE dhe takimet me BE-në, ku figuron me referencën IRJM.

““Pse qëndrojnë me këtë emër ndërsa tani kanë problem me llogarinë ku shkruan e njëjta fjalë? Serbia nuk ka ndryshuar qëndrimin për pranimin e Maqedonisë, por edhe Serbia është e ofenduar dhe është e turpshme kur ata thonë “Republika e Kosovës”, tha Daciq.

Shefi i diplomacisë serbe në fillim të vitit në intervistë për agjencinë e lajmeve “Beta” tha se Serbia ka gabuar që e ka pranuar Maqedoninë nën emrin kushtetues, sepse Maqedonia e ka pranuar pavarësinë e Kosovës. Ai tha se në raportet dypalëshe me Shkupin do ta përdor emrin kushtetues, por se në aspekt multilateral do ta përdor shkurtesën IRJM, që e përdor BE dhe KB.

u.


Daciq: Nëse ju ofendon IRJM, pse qëndroni në KB, BE, OSBE dhe Këshillin e Evropës?


Beograd, 20 Janar, 2017 - 17:51 (META) 

Për Serbinë është ofenduese përdorimi i referencës “Republika e Kosovës”, deklaroi sot shefi i diplomacisë serbe, Ivica Daciq, lidhur me kërkesën e MPJ-së së Maqedonisë që mos të përdoret referenca IRJM, pasi është ofenduese.

“Ne kërkojmë raport korrekt dypalësh. Nëse tashmë protestojnë për shkak të llogarisë në pikën doganore, çfarë duhet të bëjmë ne për pranimin e tyre të Kosovës dhe votimin në UNESKO”, deklaroi Daciq për “Vecernje Novosti”.

Daciq gjithashtu pyeti pse Maqedonia nuk del nga Kombet e Bashkuara, Këshilli i Evropës, OSBE-ja dhe takimet me BE-në, ku figuron me referencën IRJM.

“Pse qëndrojnë me këtë emër ndërsa tani kanë problem me llogarinë ku shkruan e njëjta fjalë? Serbia nuk ka ndryshuar qëndrimin për pranimin e Maqedonisë, por edhe Serbia është e ofenduar dhe është e turpshme kur ata thonë “Republika e Kosovës”, tha Daciq.


Prej nesër Serbia fshin IRJM nga pikat e pagesës, thonë për “Meta” nga “Putevi Srbie”


Preshevë, 20 Janar, 2017 - 17:43 (META) 

Maqedonia tashmë një muaj figuron me referencën IRJM në llogaritë e pikave të doganave në Serbi, njoftuan për “Meta” nga ndërmarrja publike serbe “Putevi Srbie”.

“Lidhur me kërkesën Tuaj, lidhur me referencën në llogaritë e pikave të pagesës nga autostrada në Preshevë, Ju njoftojmë se sistemi i pagesave në këtë aks rrugor është lëshuar në përdorim para një muaji dhe ende është në fazë testimi. Për informimin e Juaj, prej nesër, 21 janar 2017, në llogari do të qëndroj relacioni Levosojë- Preshevë”, njoftuan nga “Putevi Srbie”.

MPJ pasi të martën “Meta” kërkoi përgjigje nëse kanë informatë se në pikat e pagesës në Serbi figurojmë si IRJM dhe prej kur përdoret kjo referencë atje, sot dolën me njoftim ku thuhet se menjëherë janë masa përkatëse dhe prej Beogradit kanë kërkuar korrigjim urgjent.

“Kjo parregullsi duhet menjëherë të korrigjohet. Besojmë se ky provokim që i prek ndjenjat e maqedonasve nuk është pasqyrim i fqinjësisë së mirë. Është e turpshme të emërohemi me terme ofenduese si fqinj”, thonë nga MPJ. Ministria e jashtme e RM-së përmes rrugës diplomatike kërkon korrigjim urgjent për ndërrimin e Republikës së Maqedonisë nga organet shtetërore të Republikës së Serbisë”, thuhet në njoftimin që vjen si rezultat i paraqitjes së Republikës së Maqedonisë me shkurtesë nëpër pikat doganore të Serbisë.

 


MPJ kërkon Beogradi urgjentisht të heq referencën IRJM nga llogaritë e pikave pagesore


Beograd, 20 Janar, 2017 - 14:06 (META) 

Ministria e jashtme e Maqedonisë ka kërkuar nga autoritetet e Beogradit urgjentisht të ndërrojnë referencën e shtetit tonë nëpër llogaritë fiskale të pikave pagesore në Serbi, njoftojnë nga MPJ.

“Ministria e jashtme e RM-së përmes rrugës diplomatike kërkon korrigjim urgjent për ndërrimin e Republikës së Maqedonisë nga organet shtetërore të Republikës së Serbisë”, thuhet në njoftimin që vjen si rezultat i paraqitjes së Republikës së Maqedonisë me shkurtesë nëpër pikat doganore të Serbisë.

Nga MPJ shtojnë se përdorimi i referencës dhe shkurtesës nga referenca në vend të emrit kushtetues të Republikës së Maqedonisë është në kundërshtim me marrëdhëniet e vendosura diplomatike mes Maqedonisë dhe Serbisë.

“Kjo parregullsi duhet menjëherë të korrigjohet. Besojmë se ky provokim që i prek ndjenjat e maqedonasve nuk është pasqyrim i fqinjësisë së mirë. Është e turpshme të emërohemi me terme ofenduese si fqinj”, thonë nga MPJ.

Para disa ditëve në Twitter u paraqit fotografi nga një llogari e dhënë nga doganat e Serbisë në Preshevë, ku në vend se Maqedoni shkruan IRJM.

“Meta” të martën kërkoi përgjigje edhe nga ndërmarrja publike serbe “Serbia Pat” se prej kur Maqedonia nëpër llogaritë e pikave pagesore figuron si IRJM, por tani për tani nuk kemi përgjigje.