VMRO DPMNE nuk tregon nëse nesër do të merr pjesë në seancën parlamentare


Shkup, 29 Maj, 2017 - 12:15 (META) 

VMRO DPMNE ende nuk ka njoftuar nëse deputetët e tyre do të marrin pjesë në seancën e nesërme parlamentare ku duhet të debatohet lidhur me propozimin e Zoran Zaevit për qeverinë e re.

Seanca e nesërme është e para pas emërimit të Talat Xhaferi për kryetar kuvendi.

Përzgjedhjen e tij, VMRO DPMNE e quajti “jolegjitim, jokushtetues dhe në kundërshtim me Rregullore”.

Nga partia thonë se qëndrimin rreth seancës së nesërme do ta njoftojnë së shpejti, por janë të befasuar nga afati i shkurtë që u është dhënë deputetëve për t’u njoftuar me programin dhe përbërjen e Qeverisë.

Nga 27 prilli, Talat Xhaferi kishte takime kryesisht me ambasadorë

Ndryshe, Xhaferi dje nga mandatari Zaev pranoi propozimin për përbërjen e Qeverisë dhe programit për mandatin e saj. Deri tek kryetari i Kuvendit janë dorëzuar  15 minuta para mesnatës ndërsa Xhaferi menjëherë të dy dokumentet i ka dorëzuar deri tek deputetët ndërsa seancën për zgjedhjen e Qeverisë e ka thirrur për nesër në ora 11.

 


BDI propozon Likën, Osmanin, Saliun, Bektashin, Merkon dhe Durakun për ministra në qeverinë e re


Shkup, 28 Maj, 2017 - 14:48 (META) 

Kryesia e BDI-së në orët e vonshme dje ka marrë vendim që t’i propozoj Hazbi Likën, Bujar Osmanin, Bylent Saliun, Kreshnik Bektashin, Ramiz Merkon dhe Sadulla Duraku për ministra në qeverinë e re.

Hazbi Lika do të jetë kryeministër për sistem politik dhe marrëdhënie mes komuniteteve. Ai në vitet 2005-2009 ishte kryetari i komunës së Tetovës.

Zëdhënësi i BDI-së, Bujar Osmani do të jetë kryeministër për euro- integrime. Ai në vitet 2008-2011 ishte ministër i shëndetësisë.

Sadulla Duraku është propozimi për ministër i ambientit jetësor, për momentin është kryetar i komunës së Likovës ndërsa në Qeverinë e LSDM-së dhe BDI-së ishte ministër i bujqësisë.

Kreshnik Bektashi i cili deri më tani ishte promotor ekonomik në Bruksel do të jetë ministri i ri i ekonomisë, Bylent Saliu është propozuar për ministër i drejtësisë ndërsa Ramiz Merko ministër pa resor.

Lideri i BDI-së, Ali Ahmeti pas mbarimit të takimit deklaroi se është i kënaqur nga propozimet për ministrat e ri. Ai shtoi se mandati i ministrave do të jetë katër vite, pa marrë parasysh a i pëlqen kjo dikujt apo jo.

Në pyetjen e gazetarëve nëse pret Besa të jetë pjesë e Qeverisë së re, Ahmeti tha se këtë nuk mund ta dijë sepse ata bisedojnë me LSDM-në dhe Aleancës për Shqiptarë.

Zëdhënësja e BDI-së, Teuta Arifi tha se këto do të jenë ministrat e ri reformues që do t’i zbatojnë reformat e nevojshme. Ajo konfirmoi se nuk do të jetë pjesë e qeverisë së re dhe se sërish do të kandidohet për kryetare të Tetovës, sepse siç tha, dëshiron t’i zgjidh problemet e tetovarëve.


Ahmeti: BDI nuk mori vendim sonte, nuk përjashtohet takim i ri liderësh


Tetovë, 31 Mars, 2017 - 23:18 (META) 

Kreu i BDI-së sonte në selinë partiake në Reçicë të Vogël njoftoi se partia ende nuk ka vendim të fortë për dalje nga kriza, por porositi se zgjedhjet e parakohshme, që i kërkon VMRO DPMNE, nuk do ta zgjidhnin krizën. Ahmeti gjithashtu paralajmëroi se është i mundshëm një takim i ri i liderëve.

Me thirrje urgjente nga Ahmeti, sot pasdite dhe në orët e vona të natës, në Reçicë të Vogël kuvend kishte Kryesia qendrore e BDI-së, me qëllim që të gjendet zgjidhje për zhbllokimin e Kuvensit.

Seanca e kryesisë ka mbaruar ndërsa seancë tjetër parashihet pas një jave.

“Biseduam për zhbllokimin e gjendjes gjegjësisht të japin dorëheqje ministrat e BDI-së, por për këtë ekzistojnë dy interpretime. Gjegjësisht, ministrat e BDI-së të japin dorëheqje, por s’kanë ku t’i dorëzojnë ato. Interpretimi i dytë është se ato patjetër do të duhet të japin dorëheqje, por do të duhet t’i kryejnë funksionet deri në formimin e Qeverisë së re”, shpjegoi kreu i BDI-së.

Sipas Ahmetit, në seancën e sotme urgjente është biseduar edhe për thellimin e problemit me pushtetin lokal sepse në garniturat e deritanishme në komunat mandatet u mbarojnë kah mesi i muajit maj.

“Për këtë, ky problem duhet të tejkalohet sepse nuk do të kemi as kryetarë, as Këshilla, por që të zgjidhet, patjetër të funksionojë Kuvendi”, tha Ahmeti.


Në MPJ filloi takimi ministror për Ballkanin Perëndimor


Shkup, 9 Shkurt, 2017 - 11:13 (META) 

Takimi i gjashtë joformal i ministrave të jashtëm dhe atyre të energjetikës nga Ballkani Perëndimor sot në mëngjes filloi në godinën e MPJ-së ndërsa nikoqir i takimit është shefi i diplomacisë vendase, Nikola Poposki.

Në seancën e parë plenare marrin pjesë ministrat e jashtëm të Malit të Zi, Sërgjan Darmanoviq, i Kosovës Enver Hoxhaj dhe ai i Serbisë Ivica Daciq, i cili para pak kohe në një intervistë tha: “Patjetër duhet të them se ne jemi budalla që e pranuam Maqedoninë me emrin kushtetues”.

Më vonë ministrave shoqëri do t’u bëj edhe euro- komisari për zgjerim Johanes Han i cili për momentin është në takim me ministrat e energjetikës të vendeve të rajonit.

“Këshill ministror për energjetikë për vendet e Ballkanit Perëndimor, për të nxitur tregun rajonal, për siguri në furnizim, për burim të gjelbra dhe të sigurt”, shkroi Han në Twitter para takimit.

Në takim ku marrin pjesë edhe euro- komisari për zgjerim dhe fqinjësi të mirë, Johanes Han, nënsekretari italian për punë të jashtme, Vinçenco Amendola dhe sekretari i përgjithshëm i Këshillit për bashkëpunim rajonal, Goran Svilanoviq diskutohet për rritjen e bashkëpunimit mes vendeve të rajonit, në veçanti në fushën e energjetikës, sundimin e të drejtës dhe luftën kundër korrupsionit.

Parashihet pasdite pjesëmarrësit të firmosnin memorandum, pas çka konferencë shtypi do të mbaj ministri i jashtëm Nikola Poposki, zv/ kryeministri Vladimir Peshevski dhe euro- komisari Johanes Han.


Dimitriev kërkon të konstatohen dorëheqjet e ministrave të LSDM-së


Shkup, 18 Maj, 2016 - 16:17 (META) 

Kryeministri Emil Dimitriev deri te Kuvendi i Republikës së Maqedonisë i ka dorëzuar dorëheqjet e ministrave të LSDM-së, Oliver Spasovski, Frosina Tashevska-Remenski. Në vend të tyre i ka propozuar Mitko Çavkov për ministër të Punëve të Brendshme dhe Dime Spasov për ministër të Punës dhe Politikës Sociale.

Ai ka dorëzuar propozime për ministra edhe atë Mitko Çavkov për punë të brendshme dhe Dime Spasov për punë dhe politikë sociale.

Ai në letrën drejtuar Kuvendit kërkon që zgjedhja e ministrave të rinj të kryhet sot në seancën e 101 të cilën e thirri Veljanovski, pas vendimit të Gjykatës Kushtetuese.

Para emërimit, Kuvendi duhet t’i konstatoj dorëheqjet e Spasovskit, Remenskit dhe ministrave plotësues nga radhët e LSDM-së.

Spasovski dhe Tashevska Remenski si dhe zv- ministrat plotësues nga LSDM dhanë dorëheqje më 6 prill të këtij viti.


LSDM: VMRO DPMNE dhe BDI kanë shkalur Marrëveshjen e Përzhinos


Shkup, 8 Prill, 2016 - 17:59 (META) 

Dorëheqjet tona, si ministrat si dhe zv- ministrat plotësues, të dorëzuar deri te kryeministri teknik i VMRO DPMNE-së, nuk u konstatuan, përkundër dëshirës sonë, deklaruan ministrat dhe zv- ministrat plotësues në konferencë shtypi.

“Sot, Qeveria në krye me kryeministrin teknik të VMRO DPMNE-së bëri shkelje tjetër të Marrëveshjes së Përzhinos. Solli vendim kundër- ligjor për zhvlerësimin e të të gjithë akteve juridike të ministrive, të miratuar para dorëzimit të dorëheqjeve. Me këtë vendim, VMRO DPMNE dhe BDI i bëjnë të pamundshëm zgjedhjet. Të gjitha vendimet lidhur me zgjedhjet duhet të konfirmohen nga opozita- deklaruan ministrat.


Veljanovski konstatoi dorëheqjet e ministrave dhe zv- ministrave të BDI-së


Shkup, 4 Prill, 2016 - 15:27 (META) 

Kryetari i Kuvendit, Trajko Veljanovski në seancën e sotme plenare konstatoi dorëheqjet e ministrave dhe zv- ministrave të BDI-së.

Gjatë ditës pritet Veljanovski të thirr seancë të re ku në rend dite do të vendoset pika për emërimin e ministrave të ri.

Edhe atë: Festim Halili është propozuar për postin e zv- kryetarit të Qeverisë për çështje evropiane, Arbër Ademi për zv- kryetar i Qeverisë për zbatimin e Marrëveshjes kornizë, Valdet Xhaferi për ministër i drejtësisë, Pishtar Lutfiu për arsim dhe shlencë, Driton Kuçi për ekonomi, Bashkim Ahmeti për ambient jetësorë dhe planifikim hapësinor, Shyrete Elezi për ministre e vetëqeverisjes lokale si dhe Arlind Zeqiri për ministër pa resor për investime të huaja.

 


Parlamenti do të votoj për ministrat e ri të BDI-së


Shkup, 4 Prill, 2016 - 11:41 (META) 

Kuvendi i Maqedonisë sot në seancë plenare do të konstatoj dorëheqjet e ministrave dhe zv- ministrave të BDI-së do t’i zgjedh zëvendësit e tyre që mbrëmë i propozoi kreu i BDI-së Ali Ahmeti dhe kryesia e partisë së tij.

Emrat që lakohen si ministra dhe zv- ministra të mundshëm deri më tani janë të panjohur në skenën politike.

Festim Halili është propozuar për postin e zv- kryetarit të Qeverisë për çështje evropiane, Arbër Ademi për zv- kryetar i Qeverisë për zbatimin e Marrëveshjes kornizë, Valdet Xhaferi për ministër i drejtësisë, Pishtar Lutfiu për arsim dhe shlencë, Driton Kuçi për ekonomi, Bashkim Ahmeti për ambient jetësorë dhe planifikim hapësinor, Shyrete Elezi për ministre e vetëqeverisjes lokale si dhe Arlind Zeqiri për ministër pa resor për investime të huaja.

Nga kabineti i kryeministrit teknik Emil Dimitriev mbrëmë njoftuan se ai i ka pranuar dorëheqjet e ministrave të BDI-së dhe në përputhje me procedurën ato janë deponuar në Kuvend.

 


Gruevski: BDI nuk ka lëshuar Qeverinë, vetëm do të ndërroj ministrat


Shkup, 2 Prill, 2016 - 18:10 (META) 

BDI mbetet edhe më tej në qeveri, ka thënë sot lideri i VMRO-DPMNE-së, Nikola Gruevski. Duke iu përgjigjur pyetjeve të gazetarëve, Gruevski tha se në ditët e fundit nuk ka pasur ndonjë takim me liderin e BDI-së, Ali Ahmetin, por nuk e përjashton mundësinë që të takohen së shpejti.

“Nuk është e vërtetë se ne jemi të vetëm në qeveri, ne dhe LSDM-ja. Nga ajo që unë di, vendet janë të hapura për BDI-së dhe se partia nuk ka braktisur pushtetin dhe mund të caktojë kuadro të reja, pasi që ka të drejtë që të zëvendësojë ata që janë tërhequr”, tha Gruevski.

BDI të enjten njoftoi se kryesia e partisë ka marrë vendim që të gjithë ministrat të tërhiqen nga Qeveria.

Dje BDI doli me njoftim më të gjerë ku shpjegoi vendimin ndërsa theksi u vu në regjistrimet e bisedave të zyrtarëve të lartë të partisë që vërshuan opinionin dhe përgjegjësinë për përhapjen e tyre.

 


Gruevski: Vendimet e BDI janë çështje brenda- partiake


Kumanovë, 1 Prill, 2016 - 17:24 (META) 

Lideri i VMRO-DPMNE-së, Nikolla Gruevski dorëheqjet e përfaqësuesve të BDI-së nga qeveria i vlerëson si punë brendapartiake.

“Nuk kam ndonjë koment të posaçëm. Bëhet fjalë për vendim brenda- partiak. Është vendimi i tyre dhe nuk do ta komentoj” tha Gruevski.

Në lidhje me pyetjen e gazetarëve nëse do të ketë qeveri të re, Gruevski është përgjigjur se radhën e kanë zgjedhjet dhe se qytetarët janë ata që do të vlerësojnë se çfarë qeverie duhet të bëhet në të ardhmen.