Prokuroria Themelore “pranoi” se hyrja në Kuvend nuk është vepër e turmës, por bashkimit kriminel


Shkup, 31 Maj, 2017 - 15:52 (META) 

Prokuroria Themelore Publike sot ka njoftuar se në hetimin për dhunën në Kuvendin e RM-së më 27 prill është kyçur edhe Prokuroria Themelore për ndjekjen e krimit të organizuar dhe korrupsionit.

Kjo do të thotë se nga provat që i ka prokuroria dalin dyshimet se dhuna në Kuvend nuk është vetëm vepër individëve të caktuar “që i ka marrë turma”, por se janë sulme të planifikuara nga grup i organizuar.

Avokati Zvonko Davidoviq për “Meta” thotë se Prokuroria “më në fund është vetëdijesuar” se bëhet fjalë për ngjarje e organizuar me plan dhe për bashkim kriminel.


Prokuroria me vëmendje ndjek mediat për “Magjar Telekom” dhe “merr veprime”


Shkup, 25 Prill, 2017 - 22:07 (META) 

Prokuroria Publike për ndjekjen e krimit të organizuar dhe korrupsionit me vëmendje ndjek pohimet e mediave dhe në bazë të tyre ka filluar veprime shtesë për ndihmë juridike ndërkombëtare. Kjo është pjesë e përgjigjes së Prokurorisë publike të RM-së në përgjigjen ndaj pyetjes tonë “nëse epilogu nga procedura për rastin “Magjar Telekom” do të ndikojë në hetimin për rastin në Maqedoni”.

Nga Prokuroria thonë se për rastin në vend zhvillohen dy lëndë, në Prokurorinë e rregullt Shkup dhe në Prokurorinë e rregullt për ndjekjen e krimit të organizuar.

Për dhënien e ryshfetit ndaj zyrtarëve të lartë, Prokuroria Publike kah mesi i vitit 2015-të hapi hetim pasi u publikua dëshmia e ish drejtorit të DSK-së, Slobodan Bogoevski para Gjykatës së Qarkut në Nju Jork, ku ai pohon se ish drejtorët e “Magjar Telekom” i kanë dhënë 2,5 milionë euro ish kryeministrit Vlado Buçkovski dhe zyrtarëve të BDI-së, Ali Ahmeti dhe Musa Xhaferi, që mos të hyjë ndonjë operator tjerë i telekomunikimit në Maqedoni.

“Edhe më tej po merren veprime të domosdoshme për zbardhjen e rastit. Është zhvilluar hetim edhe me persona tjerë ndërsa është ngritur kërkesë për ndihmë juridike ndërkombëtarë nga autoritetet amerikane, që disa herë kemi përmendur se është procedurë më afatgjate. Prokuroria Publike Themelore për ndjekjen e krimit të organizuar dhe korrupsionit me vëmendje ndjek pohimet nga mediat dhe në bazë të tyre ka marrë veprime shtesë për ndihmë juridike ndërkombëtare”, thonë nga Prokuroria Publike.

Komisioni amerikane e letrave me vlerë. ka njoftuar se ish drejtorët e “Magjar Telekom”, Eleg Shtraub dhe Andras Balog, të cilët u akuzuan për zhvillimin e marrëveshjeve të fshehta me një kryeministër dhe persona tjerë nga Maqedonia që të pengojnë konkurrencën në tregun e telekomunikimit, janë marrë vesh që të paguajnë dënim në të holla prej 250.000 dhe 150.000.


PSPS për nesër më ora 11 paralajmëron konferencë shtypi


Shkup, 22 Mars, 2017 - 22:33 (META) 

Prokuroria Speciale për nesër (23 mars) paralajmëroi konferencë të shtypi më ora 11.

“Transporter bart treqind tabela tek Tifani”, thuhet në njoftimin e Speciales në Twitter, ku sipas praktikës së deritanishme, të gjitha fjalët fillojnë me shkronjën “T”.

 

 

PSP më 28 shkurt hapi procedurën hetimore “Trust”, për tenderin që në vitin 2011 e shpalli kompani shtetërore ELEM për gërmimin e qymyrit në minierën Suvodol në Manastir.

Lidhur me këtë rast, është lëshuar fletë- arrest ndërkombëtarë ndaj biznesmenit Sead Koçan ndaj të cilit gjithashtu është shpallur masa e paraburgimit.

 


Zaev do të merret në pyetje te Zvërlevski për parregullsi zgjedhore


Shkup, 17 Mars, 2017 - 11:30 (META) 

Kryetari i LSDM-së, Zoran Zaev, sot është ftuar që të merret në pyetje në Prokurorinë Themelore Publike. Zaev bashkë me disa persona tjerë udhëheqës të partisë janë ftuar që të japin dëshmi për procedurën parahetimore, të cilën e udhëheqë Prokuroria e Marko Zvërlevskit për keqpërdorim të parave në fushatën zgjedhore.

Krahas Zaevit, sipas informatave në media, në bisedë informative janë ftuar edhe disa figura udhëheqëse në parti.

Nga LSDM konfirmuan se ftesa e Prokurorisë Publike ka arritur dje. Siç njofton portali “Nova”, nga partia kanë konfirmuar se Zaevi do t’i përgjigjes ftesës dhe do të shkojë në bisedë në Prokurori.

Ndryshe, Prokuroria Publike për ndjekjen e krimit të organizuar dhe korrupsionit dje njoftoi se ka hapur dy procedura hetimore lidhur me parregullsitë zgjedhore gjatë kohës së zgjedhjeve parlamentare dhe zgjedhjet presidenciale të mbajtura më prill 2014 dhe zgjedhjet parlamentare më dhjetor vitin e kaluar. Të dyshuarit, ish zyrtar të lartë në MPB, të vetëqeverisjes lokale dhe “bartës të funksioneve të larta në një parti të caktuar politike”, ngarkohen se përmes ryshfetit kanë dashur të blejnë votues në dy njësi zgjedhore.

 


PSP heton MPM-në


Shkup, 17 Shkurt, 2017 - 14:30 (META) 

Ekipi i Prokurorisë Speciale sot ka kryer një inspektim në “Media Print Maqedoni”, mëson “Prizma”. Qëllimi i Speciales ka qenë të hetojnë një pjesë të punës financiare të kësaj shtëpie botuese, e cila nën patronazh ka gazetat “Dnevnik”, “Utrinski Vesnik”, “Vest”, “Makedonski Sport”, revista “Tea” dhe internet portali “Telegraf”.

Pronari i MPM-së ngeli vetëm ish shefi i diplomacisë maqedonase  dhe kryetari i 66-të i Kuvendit të përgjithshëm të OKB-së, Sërgjan Kerim ndërsa partnerët e tij “Internet Grup” nga Serbia dhe biznesmeni maqedonas Jordan Kamçev tashmë nuk janë pjesë e pronësisë. Sot gazetarët e këtyre tre gazetave ditore filluan grevë për shkak të rrogave të vonuara.


Prokuroria publike zhvillon procedurë parahetimore kundër organizatave joqeveritare dhe Besës


Shkup, 3 Shkurt, 2017 - 21:53 (META) 

Sektori për krim të organizuar pranë Prokurorisë Publike Shkup zhvillon procedurë parahetimore për financim ilegal të procesit zgjedhor kundër disa organizatave joqeveritare dhe partisë politike Besa, njofton Nova TV.

Portali si burim informata përmend “burime shumë të larta në hetim që për shkak të sigurimit personal kanë kërkuar të qëndrojnë anonim”.

Sipas tyre, bëhet fjalë për OJQ që janë financuar nga donatorë të huaj, si p.sh Qeveria e SHBA-së dhe qeveri tjera nga vendet e Perëndimit si dhe fondacioni “Instituti Shoqëria e Hapur”.

Lënda, shkruan më tej Nova TV është formuar mes 20 dhe 30 dhjetorit, pak para mbarimit të zgjedhjeve të parakohshme parlamentare apo tre ditë pas kumtesës së VMRO DPMNE-së ku paralajmëroi luftë me sektorin joqeveritar apo “desorosoizim”.

Në procedurë parahetimore, sipas njohurve, janë përfshirë shërbime të larta të sigurisë policore.


Diplomatët maqedonas kërkojnë hetim për nekrologët me ambasadorët


Shkup, 23 Dhjetor, 2016 - 13:09 (META) 

 

Sindikata e shërbimit diplomatik të Maqedonisë i bën thirrje Prokurorisë publike që të hetoj rastin me publikimin e nekrologëve nga ish ambasador dhe aktual në Maqedoni në faqen e internetit “Imgur”.

Prej atje thonë se Prokuroria publike duhet të vlerësoj nëse bëhet fjalë për “kërcënim serioz” që sanksionohet me nenin 420, paragrafi 1 nga Kodi penal, me dënim me burg.

Nga Sindikata shtojnë se vendimi për atë me cilat shtet dhe deri në çfarë niveli do të bashkëpunoj vendi, është vendimi i vet shtetit të Maqedonisë e jo e ndonjë strukturë partiake dhe se askush në vend nuk guxon të “luaj apo edhe më keq të kërcënoj përfaqësuesit e shteteve në Maqedoni e që kanë mbrojtje ndërkombëtare”.

 


Avokatët e Zaevit kërkojnë largimin e prokurorit për rastin “Ryshfeti”


Shkup, 20 Dhjetor, 2016 - 14:31 (META) 

Gjykimi për rastin “Ryshfeti” nuk ka filluar pasi avokatët e liderit të LSDM-së, Zoran Zaev kërkuan largimin e prokurorit publik Vladimir Milloshevski sepse kundër tij PSP zhvillon hetim për disa vepra penale.

Siç thekson njëri prej avokatëve të Zaevit, Jakim Naumov, prokurori publik Milloshevski është pjesë e bashkimit kriminel në lidhje me regjistrimet e publikuara në Youtube nga masat e posaçme hetimore me të cilat, siç tha, Zaevi ka qenë i gjykuar mediatik para tërë opinionit.

Sipas palës mbrojtëse, Milloshevski ngarkohet me keqpërdorimin e masave- PI, për mosdorëzimin e shkresave për masat e marra PI deri në mbrojtje, e cila disa herë i ka kërkuar dokumentet.

Pranë Këshillit, me të cilin kryeson gjykatësja  Dijana Gruevska- Ilievska, fjalim kishte edhe i akuzuari Zoran Zaev, i cili po ashtu tha se ka tregues serioz se prokurori Milloshevski është involvuar në bashkim kriminel dhe se e keqpërdor Prokurorinë publike për motive politike.

Ndryshe, siç përmendet nga avokatët mbrojtës, të dyshuar në hetimin e PSP-së janë edhe Nikolla Gruevski, Sasho Mijalkov, Dragan Pavloviq- Latas dhe persona tjerë.

Gjykatësja Gruevska- Ilievska dha pauzë prej 2 orëve që të mundet Prokuroria publike për krim të organizuar të prononcohet lidhur me kërkesën e avokatëve për largimin e prokurorit.


Vërtetohet identiteti i pronarit të automobilit të dyshimtë para ambasadës së SHBA-së


Shkup, 6 Dhjetor, 2016 - 10:13 (META) 

MPB ka vërtetuar identitetin e pronarët të makinës “Zastava” që dje mobilizoi ekipet anti- terrorizëm të MPB-së pasi nga Ambasada e SHBA-së në Shkup u denoncua se ekziston mundësia që makina të ketë eksploziv.

“Është vërtetuar identiteti i pronarit, por lidhur me këtë nuk do të dalim me detaje të mëtutjeshme sepse bëhet fjalë për të dhëna personale” deklaruan për “Meta” nga MPB.

Prej atje konfirmuan se ekipet e tyre kanë vërtetuar se në makinë nuk ka gjurmë eksplozivi, siç kanë qenë dyshimet e para ndërsa pas kontrollit mjeti bartës është dërguar për kontroll të mëtutjeshëm.

Nga ambasada e SHBA-së sot në mëngjes vërtetuan identitetin.

“Në incident të izoluar, ambasada mund të konfirmoj se ka pasur dyshime për makinë, që mbrëmë është parkuar në rrugën para ambasadës. Kërkuam ndihmë nga MPB dhe njësitë e këtij dikasteri janë përgjigjur në mënyrë përkatëse. Makina është larguar pa incidente. Për detaje të mëtutjeshme për hetimin, kontaktoni me MPB dhe kjo s’ka kurrfarë lidhje me problemet që i kemi me linjat tona të telefonit” thuhet në njoftimin e ambasadës amerikane në Shkup.

Dje, rreth orës 18 nga ambasada e SHBA-së në MPB kanë denoncuar se ka makinë të dyshimtë që është lënë para hyrjes së ambasadës.

Shërbimet e sigurisë së ambasadës me pajisje të posaçme e kanë kontrolluar makinë, pas çka kanë konfirmuar se nuk ka gjurmë për eksploziv.

Pjesëtarët e njësitit anti- terrorizëm pranë MPB-së menjëherë kanë dalë në terren dhe kanë kontrolluar makinën, por në të nuk është gjetur kurrfarë eksplozivi.

Incidenti po ndodh pesë ditë para mbajtjes së zgjedhjeve të parakohshme të 11 dhjetorit dhe dy muaj e gjysmë jo të plotë pasi një ushtrim i pa- paralajmëruar i njësitit Alfa më 15 shtator, aktivizoi sistemin e sigurisë në ambasadën e SHBA-së.


PSP: DSK në mënyrë joligjore ka përgjuar 5817 numra telefoni


Shkup, 18 Nëntor, 2016 - 12:55 (META) 

Gjithsej 5817 numra telefoni në mënyrë joligjore janë përgjuar nga DSK përmes sistemit për ndjekjen e komunikimeve, në periudhën 2008-2015, zbuloi Prokuroria Speciale në rastin më të ri “Shënjestra”që e publikoi sot.

Për dhjetë ish punëtorë dhe punonjës aktual në DSK që kanë qenë në poste udhëheqëse ose kanë qenë pjesë e eshalonëve më të ulëta, ekziston dyshimi i bazuar se e kanë keqpërdorur detyrën zyrtare dhe kanë përgjuar në mënyrë joligjore.

“Të punësuar në DSK i kanë ndjekur komunikimet përmes tre sistemeve të ndryshme. Gjatë vitit 2008 tre nga personat e dyshuar me funksion të lartë, në kundërshtim me rregullat ligjore, kanë futur numra të telefonave në këto sisteme, kanë përgjuar pas urdhër gjyqësor. Ekziston dyshim i bazuar se i dyshuari i parë, i cili ka qenë në funksion udhëheqës në DSK, edhe pse nuk ka pasur të drejtë ligjore, ka përgjuar biseda telefonike të personave me të cilët ka qenë në marrëdhënie private, politikanë, biznesmenë dhe gazetarë” deklaroi prokurorja Fatime Fetai.

Siç deklaroi Katica Janeva, me përgjimin janë shkatërruar vlerat elementare të rendit kushtetues.

Disa poenta kryesore të konferencës:

  • Janë përgjuar numrat e 5817 personave dhe të gjithë personave që kanë komunikuar me ata, në total 20.017 persona
  • Ndjekjet janë kryer me tre sisteme
  • Gjatë vitit 2008 tre persona kanë dhënë urdhër për përgjimin e numrave të telefonit pa urdhër gjyqësor
  • Përmes sistemit të parë në vitin 2008 janë ndjekur 229 numra
  • Përmes sistemit të dytë, prej vitit 2008 deri 2015, të paktën janë përgjuar 3646 numra
  • Përmes sistemit të tretë janë ndjekur 401 numra telefoni ndërsa 252 numra jashtë urdhrit gjyqësor
  • Përgjimi joligjor ka vazhduar edhe pas zbardhjes së aferës edhe në vitin 2016
  • Shkatërrimi i dy sistemeve të para dukshëm ka anuluar kohëzgjatjen e grumbullimit të dëshmive.