Pavlopulos: Vetoja Vetoja greke për hyrje në NATO dhe BE ngel


Athinë, 9 Maj, 2016 - 14:31 (META) 

Kryetari i Greqisë, Prokopis Pavlopoulos, ka deklaruar se Greqia nuk ka ndonjë plan për të hequr VETO-n për hyrjen e Maqedonisë në BE dhe në NATO, derisa nuk zgjidhet çështja e emrit.

Kjo deklaratë e Pavlopoulos erdhi gjatë vizitës që ai u bëri varreve në afërsi të kufirit verior grek, në qytetin Nausa, duke theksuar se nuk mund ta presin një tërheqje të VETO-së pë në BE dhe në NATO, ata të cilët e sfidojnë identitetin grek të Maqedonisë.

Pavlopoulos e quan cinik dhe falsifikator Maqedoninë, duke shtuar se është ndjekëse dhe trashëgimtare e kulturës së regjimit totalitar, që e dëshmuan gjatë sjelljes brutale ndaj refugjatëve dhe se këta nuk kanë të drejtë të jenë miq me Greqinë.


Kozias mohon se Gjermani mendon ta heq Greqinë nga Shengen Zona


Athinë, 24 Janar, 2016 - 12:12 (META) 
Për situatën e krizës me  refugjatët, dhe në Berlin kanë biseduar shefi i diplomacisë greke Nikos Kozias dhe Frank Shtjnmajer. Ministri grek nga Berlini  përgënjeshtroi informacionet për heqje nga Zona Shengen dhe idesë për të mbyllur kufirin maqedonas dhe refugjatët të mbeten të bllokuar në Greqi, duke pohuar se kontaktet në Shtajnmajer kanë dëshmuar semendon se absolutisht nuk mendon në këtë drejtim.
Në deklaratën për Agjencinë Shtetërore APE, Kozias nga Berlini ka theksuar se nga pala gjermane nuk po shqyrtohet ndonjë propozim slloven për përforcimin e kontrollit maqedonas- grek. Indirekt drejtoi kritika për disa nga shtetet që propozojnë ngritjen e mureve dhe gardheve, që të ndalohet qarkullimi i refugjatëve të Greqisë ndaj shteteve të tjera të Evropës perëndimore, duke shënuar që disa nga anëtarët më të reja të BE-së duket se vlerat evropian nuk i kanë përqafuar mjaftueshëm.

MPJ: Vizita e Ahmetit në Athinë është partiake e jo qeveritare


Shkup, 6 Janar, 2016 - 10:52 (META) 

Kreu i BDI-së, Ali Ahmeti, zv/kryeministri i Marrëveshjes kornizë Musa Xhaferi dhe zv/kryeministri i çështjeve evropiane Fatmi Besimi në takimin me shefin grek të diplomacisë nuk shkojnë në cilësinë e përfaqësuesve të qeverisë, njoftuan për “Meta” nga MPJ-ja.

Nga ky dikaster thonë se bëhet fjalë për takim partiak dhe se partneri i koalicionit nuk është koordinuar me ta lidhur me temat.

Shefi i kabinetit të liderit të BDI-së, Artan Grubi i cili poashtu do të udhëtoj për Athinë, ka refuzuar të përgjigjet se me nismën e kujt do të mbahet takimi i tillë. Në gjitha pyetjet ai thotë se “çdo gjë që duhet të dihet, është thënë në kumtesën e BDI-së”.

Nga ministra e jashtme greke tani për tani nuk ka informacione të mjaftueshme për takimin e të premtes dhe se cila do të jetë tema e diskutimit mes Ahmetit dhe Kozias, që vjen vetëm disa javë pas vizitës së shefit të diplomacisë maqedonase, Nikola Poposki.

Ky do të jetë takimi i dytë sy më sy mes Ahmetit dhe Kozias, që u takuan dhe biseduan në Zyrën greke për lidhje në Shkup gjatë vizitës së qershorit të ministrit grek për punë të jashtme dhe takimet e tij me politikanët maqedonas.

 


MPB: Në kufi gjendje normale me refugjatët


Shkup, 21 Nëntor, 2015 - 13:05 (META) 
Gjendja në kufirin verior dhe jugor të shtetit është normale, informuan nga Ministria e Punëve të Brendshme, duke shtuar se regjistrimi i refugjatëve po bëhet normal dhe se nuk ka vonesa në qendrat e pranimit.
Sipas të dhënave të MPB-së, në kufirin me Greqinë, ka rreth 700 persona të cilëve nuk iu lejohet hyrje në vend sepse nuk plotësojnë kushtet për azil. Refugjatët e tjerë pranohen sipas procedurave të parapara.
Maqedonia prej dje filloi të lëshojë vetëm refugjat që vijnë nga vendet e konflikteve luftarake, siç  janë Siria, Afganistani dhe Iraku, Këto masa i ndërmorën edhe Sllovenia, Serbia dhe Kroacia.

Demokracia e Re reagon në BE rreth murit në kufirin mes Maqedonisë dhe Greqisë


Athinë, 21 Nëntor, 2015 - 11:08 (META) 

Partia opozitare greke, Demokracia e Re kritikoi vendimin e Maqedonisë për ngritjen e murit në kufirin me Greqinë në nivel evropian. Euro- deputetja e partisë djathtiste, Maria Spiraki dërgoi pyetje deri te KE nëse vendimi për ngritjen e murit është në përputhje me udhëzimet e BE-së për menaxhimin me krizën.

Spiraki shkon deri atje saqë pyet nëse muri do të ngritet me mjete nga fondet evropiane.

“A mund të konfirmoj Komisioni se për mbrojtjen e kufirit të IRJM-së përdoren mjete evropiane? A vlerëson Komisioni se ngritja e murit në kufirin me Greqinë dhe në përputhje me frymën e procesit të integrimit dhe hyrjes në BE dhe shfrytëzimin e fondeve për këtë qëllim” pyet Spiraki në shkresën deri te Komisioni.

Euro- deputetja kërkon shpjegim edhe për atë nëse Komisioni do të ndërmerr ndonjë aktivitet që të pengoj shpenzimin e mjeteve evropiane për qëllim që nuk është pjesë e strategjisë evropiane për menaxhimin me refugjatët.

Spiraki pritet të vizitoj edhe Shkupin si pjesë e Komitetit të përzier të BE-së dhe Maqedonisë.


Ivanov: Greqia nuk bashkëpunon me institucionet maqedonase për krizën e refugjatëve


Shkup, 21 Nëntor, 2015 - 11:00 (META) 

Presidenti maqedonas Gjorgje Ivanov dërgoi apel për Greqinë që mos të lejoj problemin me emrin të jetë pengesë për bashkëpunim mes dy viteve në fushën e sigurisë dhe në menaxhimin me krizën e refugjatëve.

“Gjatë Samitit për krizën me refugjatët në Bruksel kisha takim me kryeministrin Aleksis Cipras dhe biseduam për këtë temë, për çështjen e lëvizjes së luftëtarëve të huaj. Kërkova të fillojmë të marrim paralajmërime, kur vijnë anijet greke me refugjatë, çfarë grupe njerëzish vijnë që të mund të mobilizohemi. Për 1 ditë kishte 14000 njerëz në kufi, pa kurrfarë paralajmërimi. Niveli i vetëm i komunikimit është mes policëve në terren. Kryeministri Cipras premtoi se do ta inicioj këtë, por edhe më tej s’kemi përgjigje. Edhe drejtori i Byrosë për siguri publike dërgoi kërkesë deri te homologu i tij në Greqi, por s’ka përgjigje” deklaroi Ivanov në konferencën e shtypit me gazetarët grek të cilët janë në Maqedoni për shkak të krizës së refugjatëve.

Ivanov gjithashtu ka nënvizuar se Maqedonia edhe më tej s’ka qasje deri te bazat e të dhënave të Fronteks dhe komunitetit të shengenit, e as të dërgojë informacione edhe pse kjo ishte arritur si marrëveshje në Samitin e BE dhe Ballkanit Perëndimor, të cilin e organizoi kryetari i KE-së, Zhan Klod Junker.

Ivanov vlerësoi se problemi me emrin reflektohet edhe në fusha tjera të bashkëpunimit dhe shtoi se është e nevojshme që të ngritet niveli i besimit dhe bashkëpunimit në maksimum.


Han: Greqia duhet të mbahet në euro- zonë


Vjenë, 7 Korrik, 2015 - 10:56 (META) 

 

Komisari evropian për politikë fqinjësore dhe zgjerim Johanes Han sot deklaroi se Greqia duhet të mbahet në Eurogrup dhe është i bindur se do të bëjë gjithçka që të jetë ashtu.

Në ditarin e televizionit shtetëror austriak ORF, Han nënvizoi se “miqtë evropianë do të bëjnë gjithçka që Greqinë ta mbajnë në Eurogrup”.

Han gjithashtu theksoi se bisedimet mes Greqisë dhe 18 partnerëve tjerë të euro- zonës vazhdojnë të jenë komplekse sepse në “ditët e fundit është thyer shumë porcelan” dhe kujtoi se për disa marrëveshje, në vende të caktuara patjetër duhet të fitojnë mbështetjen nga Parlamenti.

 


Pavlopulos: Vetëm të paarsyeshmit dyshojnë në karakterin grek të Maqedonisë


Атина, 28 Maj, 2015 - 16:18 (META) 

Presidenti greke Propokis Pavlopulos konsideron se vetëm ato që nuk kanë arsye mund të mendojnë se Maqedonia i takon tjetër kujt përveç Greqisë. Presidenti i fqinjit jugor, në takimin e sotëm me përfaqësues të Unionit rajonal të komunave nga Maqedonia Qendrore, në pallatin e presidentit dërgoi mesazh të qartë se askush nuk guxon të dyshoj në këtë se Maqedonia historike i takon Greqisë.

Kjo ishte porosia e parë indirekte dhe zbulim i qartë i qëndrimeve të tija në lidhje me kontestin e emrit, që mund të interpretohen si të qarta djathtiste nëse kihet parasysh se vjen nga radhët e partisë djathtiste të Demokracisë së Re.

Deklarata e presidentit grek për karakterin e fortë grek të Maqedonisë vjen pasi përfaqësues të Unionit i dhuruan pllakat me emblemën e Unionit me imazhin e Lekës së Madh dhe diellin e Verginës si dhe një pjesë të vogël simbolike nga mozaiku i Amfipolis, duke theksuar se gjithë këto simbole janë shenjë e fortë dhe porosi se Maqedonia është pjesë e Greqisë edhe historikisht edhe tani.

“Vetëm të paarsyeshmit dhe ata që nuk e dinë historinë mund të dyshojnë në karakterin grek të Maqedonisë- theksoi Pavlopulos.


Tre gishtat nga mitingu i Gruevskit kanë ofenduar grekët


Атина, 20 Maj, 2015 - 11:04 (META) 

Tubimi i Nikolla Gruevskit ishte përplot provokime dhe ofendime ndaj Greqisë. Këtë e shkruan gazeta greke “Proto Tema”, duke analizuar tubimin e ithtarëve të partisë në pushtet. Sipas këtij burimi, kryeministri Nikolla Gruevski edhe përmes këtij tubimi tregon se po tenton të fitoj pikë duke luajtur në kartën nacionaliste dhe kështu të qëndroj në pushtet.

Flamujt e shumtë me diellin e Verginës dhe hartat e “Maqedonisë së Madhe” që i kanë valëvitur mbështetësit e Gruevskit, sipas “Promo Tema”, janë ofendim dhe provokim i radhës për Greqinë.

“Gjatë fjalimit të Gruevskit, përkrahësit e tij tërë kohën përshëndetnin me përshëndetjen e njohur nacionaliste, që është simbol i irredentizmit në Shkup. Bëhet fjalë për përshëndetje me tre gishta të ngritur dhe formën e shkronjës O, që simbolizojnë, tre pjesët e shkëputura të Maqedonisë (pjesën e Vardarit, Egjeut dhe Pirinit) dhe aludojnë në bashkiM” shkruan kjo gazetë duke treguar atmosferën nga protesta.


Grekët të indinjuar: Stoltenberg katër herë tha “Maqedonia”


Shkup, 19 Maj, 2015 - 10:17 (META) 

Emërimi i Maqedonisë me emrin kushtetues nga sekretari i përgjithshëm i NATO-s, Jens Stolntenberg, shkaktoi bujë në Greqi.

Përfaqësuesit grek në takimin e përbashkët të ministrave të jashtëm dhe për mbrojtje të BE-së kanë reaguar menjëherë pasi Stoltenberg ka filluar të na emërojnë me emrin “Maqedoni”.

Greqia pritet të dërgoj notë proteste nga përfaqësia ekzistuese e Greqisë në NATO deri tek sekretari i përgjithshëm që të reagoj për këtë veprim të Stoltenbergut dhe për shkeljen e kërkesës së tyre Maqedonia të emërohet vazhdimisht me referencën e përkohshme.

Gazeta greke “Proto tema” nënvizon se Stoltenberg madje katër herë na ka emëruar me emrin “Maqedoni”, haptazi pa kurrfarë problemi.

“Disa ditë pasi i përqafuar vallëzonte edhe me ministrin e jashtëm, Nikos Kozias e këndonte këngën “We are the world”, sekretari i përgjithshëm katër herë e emëroi Shkupin si Maqedoni”, nënvizon gazeta, duke përkujtuar ahengun në Antali të ministrave të jashtëm të vendeve- anëtare të NATO-s, ku Kozias dhe ministri Nikolla Poposki realizuan takim.

Deklaratat shkaktuan interes të madh në mediumet greke, që e dënuan faktin që sekretari i përgjithshëm, duke folur se duhet evituar dhuna në Maqedoni, ka harruar të na emëroj si IJRM dhe është gjykuar ta përdor emrin kushtetues.