SHGM-ja dhe PTHP-ja janë marrë vesh që përsëri të shqyrtohen paditë për gjuhën e urrejtjes kundër gazetarëve


Përfaqësuesit e Shoqatës së gazetarëve të Maqedonisë sot kishin takim me Prokurorin publik republikan Ljubomir Joveski, ku u bisedua për përmirësimin e bashkëpunimit të ndërsjellë për çështje me interes të përbashkët.

Nga Prokuroria informojnë se kryetari i SHGM-së, Naser Selmani ka shprehur brengosje se në Maqedoni ka politikë të mosndëshkimit të dhunës ndaj gazetarëve. Selmani ka kërkuar nga Joveski që prokuroria më shpejtë t’i procesojë këto lëndë me qëllim që dhunuesit të nxirren para drejtësisë.

Ai është ankuar se në periudhën e kaluar, Prokuroria i ka refuzuar denoncimet për gjuhë të urrejtjes kundër gazetarëve, pa argumentim serioz. Selmani ka kërkuar që Prokuroria përsëri t’i shqyrtojë këto denoncime dhe të shohë se a kanë vepruar prokurorët me përgjegjësi.

“U arrit marrëveshje që të organizohen trajnime të përbashkëta për gazetarët dhe prokurorët me qëllim që të përmirësohet raportimi i gazetarëve dhe veprimi i prokurorëve në rastet që kanë të bëjnë me lirinë e të shprehurit. Prokurori publik Joveski, premtoi se përshpejtojë dinamikën e lëndëve për dhunë kundër gazetarëve dhe do t’i shqyrtojë paditë e refuzuara për gjuhë të urrejtes ndaj gazetarëve. Sipas tij, bashkëpunimi i prokurorisë dhe i Shoqatës së gazetarëve të Maqedonisë është me interes të ndërsjellë”, thuhet në komunikatën e PTHP-së.

Dje SHGM-ja e prezantoi Raportin për lirinë e mediave dhe sigurinë e gazetarëve në Maqedoni për vitin 2017 ku thuhet se vitin e kaluar në Maqedoni janë regjistruar gjithsej 18 sulme ndaj gazetarëve, nga të cilat 13 sulme fizike dhe verbale, ndërsa të tjerat janë ofendime, pengesë në punë dhe shkatërrim i pronës.

Sipas komunikatës së djeshjme të SHGM-së brengos fakti se dhe pas ndryshimit të pushtetit, prokuroria nuk tregon interes më të madh për procesimin e këtyre sulmeve.

 

foom-logo-disklejmerKy tekst është përgatitur në kuadër të projektit “Оbservatori i reformave mediatike“, të cilin e realizojnë Fondacioni për internet dhe shoqëri “Metamorfozis“, “Аgora” – Qendra për promovimin e vlerave qytetare dhe Platforma për gazetari hulumtuese dhe analiza (PINA), me mbështetjen financiare të “Fondacionit “Shoqëri e hapur” – Maqedoni“.
Përmbajtja e tekstit është përgjegjësi vetëm e autorëve dhe në asnjë mënyrë nuk i pasqyron pikëpamjet e Fondacionit “Shoqëri e hapur” – Maqedoni.


SHGM-ja: Vitin e kaluar janë sulmuar 18 gazetarë, mirëpo askush nuk është marrë në përgjegjësi


Vitin e kaluar në Maqedoni janë regjistruar gjithsej 18 sulme ndaj gazetarëve, nga të cilat 13 kanë qenë sulme fizike dhe verbale, ndërsa të tjerat janë ofendime, pengesë gjatë punës dhe shkatërrim i pronës, thuhet në Raportin për lirinë e mediave dhe sigurinë e gazetarëve në Maqedoni për vitin 2017, të cilin sot e prezantoi Shoqata e gazetarëve.

– Javën e kaluar në Maqedoni gazetarët ishin të shantazhuar, të përndjekur, të rrahur, kanë marrë kërcënime me vdekje, u shpallën tradhëtarë. Dhunuesit fizikisht dhe verbalisht i sulmojnë gazetarët sepse duan t’i frikësojnë dhe t’i heshtin me qëllim që publiku të mos kuptojë për keqpërdorimet e pushtetit – tha kryetari i SHGM-së, Naser Selmani.

Ai shprehu brengosje për faktin që prokuroria deri tani nuk ka ngritur asnjë padi pranë gjykatave për dhunë kundër gazetarëve dhe për gjuhë të urrejtjes.

Selmani thekson se sulmi më brutal fizik ndaj gazetarëve u krye gjatë dhunës në Kuvend më 27 prill.

– Këta dhunues fizikisht i sulmuan gazetarët dhe kamermanët dhe i penguan të raportojnë nga Kuvendi. Me këtë rast ua morën dhe ua dëmtuan kamerat dhe celularët. Përveç kësaj, disa prej tyre, nën kërcënim edhe të armëve, me orë u mbajtën peng, dhe gjatë kësaj policia nuk u ofroi asnjë mbrojtje – thotë Selmani.

Si burim i dhunës në vitin 2017, Selmani thekson se 95 për qind e sulmeve janë kryer ose kanë qenë të motivuara nga pushteti paraprak i udhëhequr nga VMRO-DPMNE-ja. Sipas tij, brengos fakti që edhe pas ndryshimit të pushtetit prokuroria nuk tregon interesim më të madh për procesimin e këtyre sulmeve.

Në raportin periodik të grupit të ekspertëve të udhëhequr nga Pribeja të shtatorit të vitit 2017 për këtë temë thuhet se “Edhe pse ka raporte për maltretime, kërcënime dhe dhunë mbi gazetarët, thuhet se organet kompetemente nuk hulumtojnë, nuk i padisini ose nuk i dënojnë autorët me çka lihet përshtypje se nuk ka dënime. Mbrojtja e gazetarëve nga mosndëshkimi i i autorëve duhet të jetë prioritet, për shkak se sulmet ndaj gazetarëve që e kryejnë punën e tyre në esencë janë sulm mbi vlerat themelore të një vendi demokratik”.

Në raportin e SHGM-së konstatohet se përveç mungesës së sigurisë në punë, gazetarët në Maqedoni punojnë në kushte jashtëzakonisht të këqija ekonomike. Ata kanë rroga të vogla dhe nuk i marrin ato rregullisht, e nuk kanë as kontrata për punësim të përhershëm gjë që ndikon negativisht në pavarësinë e tyre profesionale.

 

foom-logo-disklejmerKy tekst është përgatitur në kuadër të projektit “Оbservatori i reformave mediatike“, të cilin e realizojnë Fondacioni për internet dhe shoqëri “Metamorfozis“, “Аgora” – Qendra për promovimin e vlerave qytetare dhe Platforma për gazetari hulumtuese dhe analiza (PINA), me mbështetjen financiare të “Fondacionit “Shoqëri e hapur” – Maqedoni“.
Përmbajtja e tekstit është përgjegjësi vetëm e autorëve dhe në asnjë mënyrë nuk i pasqyron pikëpamjet e Fondacionit “Shoqëri e hapur” – Maqedoni.


RTM-ja i ka shkelur parimet profesionale për informim gjithpërfshirës, vlerësoi qeveria


Qeveria në mbledhjen e sotme e ka konstatuar propozim-vendimin për miratimin e programit vjetor për punë të Radiotelevizionit të Maqedonisë (RTM) për vitin 2018 dhe propozim-vendimin për miratimin e planit financiar të RTM-së për vitin 2018.

“Ky vendim është i shoqëruar me mendimin e qeverisë ku thuhet se mosvënia në kohë e programit vjetor për punë të RTM-së nuk është publikuar në përputhje me ligjin, e ka penguar sigurimin e ndikimit të publikut mbi punën e gjithmbarshme të transmetuesit publik, si dhe se RTM-ja i ka shkelur parimet e saj profesionale për informim të gjithëmbarshëm të publikut me ndërprerjen e transmetimit të drejtpërdrejtë nga Kuvendi i Republikës së Maqedonisë më 27 prill”, thuhet në komunikatë.

Themelues i RTM-së është Kuvendi i Republikës së Maqedonisë, para të cilit transmetuesi nacional publik e dorëzon programin vjetor dhe planin financiar, si dhe para të cili jep përgjegjësi.

Qeveria sot ka debatuar për RTM-në pas mendimit të kërkuar nga Kuvendi.

– Njësoj sikurse kur Gjykata Kushtetuese në raste të caktuara kërkon mendim nga qeveria, të njëjtën e bën edhe Kuvendi. Debati i sotëm u organizua pas mendimit të kërkuar nga Kuvendi, i cili e miraton programin vjetor dhe planin financiar të RTM-së – deklaroi për agjencinë “Meta” zëdhënësi i qeverisë, Mile Boshnjakovski.

 

foom-logo-disklejmerKy tekst është përgatitur në kuadër të projektit “Observatori i reformave mediatike”, të cilin e realizojnë Fondacioni për internet dhe shoqëri “Metamorfozis”, “Agora” – Qendra për promovimin e vlerave qytetare dhe Platforma për gazetari hulumtuese dhe analiza (PINA), me mbështetjen financiare të Fondacionit “Shoqëri e hapur” – Maqedoni.

Përmbajtja e tekstit është përgjegjësi vetëm e autorëve dhe në asnjë mënyrë nuk i pasqyron pikëpamjet e Fondacionit “Shoqëri e hapur” – Maqedoni.


Prokuroria Themelore “pranoi” se hyrja në Kuvend nuk është vepër e turmës, por bashkimit kriminel


Shkup, 31 Maj, 2017 - 15:52 (META) 

Prokuroria Themelore Publike sot ka njoftuar se në hetimin për dhunën në Kuvendin e RM-së më 27 prill është kyçur edhe Prokuroria Themelore për ndjekjen e krimit të organizuar dhe korrupsionit.

Kjo do të thotë se nga provat që i ka prokuroria dalin dyshimet se dhuna në Kuvend nuk është vetëm vepër individëve të caktuar “që i ka marrë turma”, por se janë sulme të planifikuara nga grup i organizuar.

Avokati Zvonko Davidoviq për “Meta” thotë se Prokuroria “më në fund është vetëdijesuar” se bëhet fjalë për ngjarje e organizuar me plan dhe për bashkim kriminel.


Me dënime me kusht lirohen nëntë të akuzuarit për dhunën në Kuvend


Shkup, 23 Maj, 2017 - 15:54 (META) 

Nëntë personat e akuzuar për pjesëmarrje në turmë në dhunën në Kuvend muajin e kaluar, sot morën dënime me kusht. Paraprakisht të gjithë e kanë pranuar fajin duke thënë se pendohen për veprën e tyre. Ata akuzohen për pjesëmarrje në turmë që do të pengoj personin zyrtar në pengimin e kryerjes së detyrës zyrtare.

Të gjithë përveç Dimçe Hristovski- Zhabata, morën dënime me kusht prej 6 muaj burg nëse veprën nuk e përsëritin 1 vit. Hristovski mori dënim me kusht prej 1,5 vite vetëm nëse veprën nuk e përsërit 5 vite.

Hristovski ka vepër kriminale, ka qenë i dënuar me dhjetëra vite burg për vrasje të dyfishtë në Prilep.

Më 27 prill në Kuvend një grup i qytetarëve nga nisma “Për Maqedoni të Përbashkët” u futën në Kuvend ku lënduan disa deputetë, gazetarë dhe qytetarë.


Zaev- Bejli: Presim Ivanov të veproj sipas Kushtetutës dhe ta jap mandatin


Shkup, 5 Maj, 2017 - 16:52 (META) 

Proceset demokratike është e domosdoshme që të vazhdojnë me formimin e qeverisë së re, që do të siguroj stabilitet në vend dhe perspektivat e Maqedonisë drejt NATO-s dhe BE-së. Këtë sot në takim e kanë konstatuar lideri i LSDM-së, Zoran Zaev dhe ambasadori i SHBA-së në vend, Xhes Bejli, kumtojnë nga LSDM.

“Shumica parlamentare veçse ka krijuar kushte për të respektuar Rregulloren e Kuvendit dhe për të njoftuar kryetarin e shtetit Gjorge Ivanov për shumicën e re parlamentare dhe se e njejta duhet të bëjë qeverinë e re të vendit. Presim që Ivanov të përmbush detyrat kushtetuese dhe të jep mandatin” ka thënë Zaev pas takimit.

Lideri i LSDM-së ka shtuar se partia është e përkushtuar për realizimin e të gjitha obligimeve ndaj qytetarëve për stabilitet ekonomik dhe për zhvillimin e vendit.

“Qeveria e re reformuese do të ofrojë reforma për të gjithë qytetarët, pa dallime në dallime politike, etnike ose çfarëdo dallime tjera. E ardhmja e vendit është në NATO dhe në BE dhe jemi të vendosur të punojmë për këto vlera që çojnë drejtë integrimeve”, ka shtuar Zaev.

Në takim Zaev dhe Bejli edhe njëherë kanë dënuar dhunën në Kuvend duke thënë se të gjitha subjektet politike duhet të jenë në nivelin e detyrës dhe të mundësojnë kalim të pushtetit dhe mbrojtjen e interesave shtetërore dhe civile.

 


Ahmeti: Ekziston mundësia për nxitjen e përplasjeve në vend për interesa gjeopolitike


Shkup, 5 Maj, 2017 - 14:00 (META) 

Qeveria e re reformuese do të formohet së shpejti ndërsa kryetari sapoemëruar i Kuvendit po kryen pjesën e tij të obligimit që të lehtësohet dhe të përshpejtohet ky proces, ka thënë kreu i BDI-së, Ali Ahmeti në takimin e djeshëm me përfaqësuesin e posaçëm të OSBE-së, ambasadorin Kristian Shtrohal dhe ambasadoren e OSBE-së në Maqedoni, Nina Suomalainen.

Ahmeti dhe Shtrohal kanë biseduar për situatën politike në vend pas ngjarjeve në Kuvend më 27 prill. Në këtë kontekst, lideri i BDI-së ka falënderuar misionin e OSBE-së në Maqedoni për kontaktin e vazhdueshëm me deputetët gjatë momentet e dhunës në Kuvend.

Ahmeti siç njoftojnë nga BDI, në takim ka biseduar për prioritetet e Qeverisë së re, siç janë reformat në gjyqësor, integrimet euro- atlantike, Marrëveshja kornizë e Ohrit, marrëdhëniet e mira ndëretnike dhe fqinjësore si dhe hapjen e vendeve të reja të punës.

Njëkohësisht, kreu i partisë ka shprehur shqetësim për “mundësinë për nxitjen e trazirave në vend për interesa gjeopolitike” dhe ka kërkuar komuniteti ndërkombëtarë fokusin e tij ta drejtoj kah ngjarjet në vend dhe rajon.


SHBA: Të japin llogari ata që kanë kryer, organizuar dhe porositur dhunën


Vjenë, 4 Maj, 2017 - 23:03 (META) 

SHBA-të i bëjnë thirrje kompetentëve në Maqedoni që të marrin hapa për të gjetur siguri për të gjithë anëtarët e Kuvendit, t’i hetojnë rastet e dhunës hollësisht dhe t’i thërrasin në përgjegjësi kryerësit, organizuesit dhe porositës e dhunës, ka deklaruar përfaqësuesja e Misionit të SHBA-së në OSBE, Kejt Bërns gjatë fjalimit të saj në këshilli e përhershëm të OSBE-së në Vjenë.

“Ashpër dënoj sulmet e dhunshme ndaj deputetëve të Kuvendit të Maqedonisë të cilat ndodhën pas zgjedhjes së Talat Xhaferi si kryetar i Kuvendit. Do të bashkëpunojmë me të dhe Kuvendin për përkrahje të demokracisë dhe t’i ndihmojmë Maqedonisë që të shkojë përpara në integrimin evropian. Nuk ka hapësirë për dhunë në proceset demokratike. Kemi shprehur solidaritet të madh për deputetët e lënduar dhe të tjerët. Kërkojmë nga institucionet të mundësojnë siguri të deputetëve, detajisht t’i hetojnë sulmet dhe secili që ka ushtruar, organizuar dhe ka urdhëruar sulm, të përgjigjet”, tha ambasadorja.”

Bërns shton se zgjidhja e krizës politike mund të vijë vetëm përmes respektimit të ligjeve dhe vullnetit të qytetarëve, që u shpreh përmes proceseve demokratike si dhe përmes respektimit të rezultateve nga zgjedhjet që u mbajtën dhjetorin e kaluar.


Mogerini- Xhaferi: Roli i kryetarit të Kuvendit duhet të jetë mbi interesat partiake dhe etnike


Bruksel, 4 Maj, 2017 - 22:55 (META) 

Përfaqësuesja e lartë për politikë të jashtme dhe siguri pranë BE-së, Federike Mogerini, sot pasdite është takuar me kryetarin e porsazgjedhur të Kuvendit të RM-së, Talat Xhaferi, në suazat e vizitës së tij zyrtare në Bruksel.

Mogerini, siç njoftojnë nga kabineti i saj, ka përshëndetur zgjedhjen e Xhaferi për kryetari kuvendi dhe ka theksuar se është rol që duhet të jetë mbi politikat partiake dhe etnike dhe në interes të të gjithë qytetarëve dhe komuniteteve.

“Gjatë bisedave, Mogerini ka përsëriti dënimin e ashpër të BE-së ndaj dhunën e javës së kaluar në Kuvend ndaj deputetëve dhe gazetarëve. Ajo ka përshëndetur emërimin e Talat Xhaferit për kryetar kuvendi nga shumica parlamentare, duke theksuar se ky rol duhet të jetë mbi politikat partiake dhe etnike. BE është e gatshme të punojë me të, me Kuvendin dhe gjithë institucionet e tjera për të avancuar Reformat Urgjente Prioritare si dhe implementimin e Marrëveshjes së Përzhinës. BE pret që të gjitha partitë politike të angazhohen në mënyrë konstruktive në procesin politik, përfshirë formimin e Qeverisë “ ka thënë Mogerini.

Ajo më tej ka thënë se BE pret të gjitha partitë politike në mënyrë konstruktive të përfshihen në procesin politik, në formimin e qeverisë si dhe në punën e Kuvendit të ri.


Han pas takimit me Xhaferin: Fokusi tani duhet të jetë në formimin e qeverisë së re


Shkup, 4 Maj, 2017 - 14:17 (META) 

Kryetari i sapozgjedhur i Kuvendit, Talat Xhaferi, sot është takuar me komisarin për zgjerim dhe politikë fqinjësore, Johanes Han gjatë vizitës së tij zyrtare në Bruksel.

Shefi i kabinetit të Han, Mihail Karnitshnig në Twitter njoftoi se Han ka porositur se dhuna në Kuvend është e papranueshme dhe se tani duhet të punohet në formimin e Qeverisë së re.

“Johanes Han me kryetarin e ri të IRJM, Xhaferi: Dhuna në kuvend është e papranueshme. Kuvendit duhet t’i mundësohet që ta merr punën në dorë dhe të arrijë deri tek institucionet. Fokusi tani duhet të jetë në formimin e qeverisë së re”, shkroi Karnitshnig në Twitter.

Pas takimit, nga kabineti i Han njoftuan se Kuvendi patjetër duhet të lihet të punoj pa pengesë ndërsa nga të gjithë deputetët, përfshirë edhe opozitën, pritet të luajnë rol konstruktiv e jo rol pengues. Prej atje i bëjnë thirrje të gjithë aktorëve që të përmbahen nga deklaratat dhe aksionet provokuese.

“Kuvendi patjetër duhet të jetë forum për debat për sfidat serioze me të cilat ballafaqohet vendi dhe t’i siguroj bindje e domosdoshme për rrugën në të cilën po ec vendi më tej n interes  të të gjithë qytetarëve dhe komuniteteve. Komisari Han bëri thirrje fokusi tani të vendoset në hapet e mëtutjeshëm për formimin e Qeverisë, duke respektuar shumicën parlamentare dhe sjelljen në linjë të parimeve kushtetuese dhe demokratike”, thuhet në njoftim.

Han ka paralajmëruar se çdo përsëritje e ngjarjeve siç ishte sulmi ndaj deputetëve në Kuvend të enjten e kaluar, seriozisht do ta rrezikoj perspektivën evropiane të vendit.