Ibrahimi: Qeveria nuk është reformuese, por me kriminelë të ricikluar, nuk votoj për të


Shkup, 30 Maj, 2017 - 16:42 (META) 

“A e dini i nderuari Zaev se cili është dallimi mes reformës dhe riciklimit? Nëse me reformë nënkuptoni se keni zgjedhur çfarë është mirë dhe sot është në taborin tuaj, kjo nuk është e mirë, por se keni bërë riciklim”, e ka porositur mandatarin Zoran Zaev, zv/ koordinatori i grupit të deputetëve të Besës, Zeqirija Ibrahimi.

Ibrahimi në fillim uroi Zaevin, por tha se nuk ka ndërmend të votoj për kabinetin e propozuar qeveritar.

“Ju vetë e thatë së PSP e ka gati padinë për ish ministrin e shëndetësisë nga koha e Gruevskit, andaj sot ju pyes: A e ka refuzuar ajo padinë ose ju e keni falur, z. Zaev. Më tregoni çfarë është ajo që e lidh fjalën reformë me këtë kuadër të BDI-së”, pyeti Ibrahimi.

Sipas deputetit të Besës, me emërimin e disa ministrave shqiptarë, Zaevi sikur t’i ketë dëgjuar Gruevskin dhe Mijalkovin dhe shqiptarëve të rinj u ka porositur: “Mund të vidhni, unë në fund do t’ju bëj zyrtarë dhe do t’ju fal”.


BDI ndjen keqardhje për vrasjen e Idrizit dhe kërkon zbardhjen e rastit


Tetovë, 6 Maj, 2017 - 15:56 (META) 

Bashkimi Demokratik për Integrim kërkon institucionet përgjegjëse të zbardhin motivet për vrasjen e kryetarit të komunës Bogovinjë, Hazbi Idrizi, që sipas asaj që thuhet në njoftim, një asnjë rast nuk është provokuar.

“BDI është tronditur sot thellë nga lajmi për vrasjen e anëtarit të familjes sonë dhe Kryetarit të Komunës së Bogovinës Hazbi Idrizi gjatë kryerjes së punës së tij zyrtare në shërbim të qytetarëve”, thuhet ne letrën e ngushëllimit të BDI-së”, thuhet në kumtesën e BDI-së.


Gashi dhe Spasovski pohojnë se BESA nuk do t’i tërheq nënshkrimet


Shkup, 1 Prill, 2017 - 13:33 (META) 

Nuk kemi marrë vendi nëse do të hyjmë në Qeveri. Bisedojmë vetëm për emërimin e kryetarit të Kuvendit. Nuk i tërheqim nënshkrimet, do ta ndihmojmë procesin aq sa mundemi, deklaroi deputeti i Lëvizjes Besa, Afrim Gashi mbrëmë në emisionin “Top Tema” në “Telma”.

Ai këtë e deklaroi, pasi shefi i kabinetit të Ali Ahmetit, deputeti Artan Grubi mbrëmë tha se Lëvizja BESA ka tërhequr nënshkrimet që ia ka dhënë liderit të LSDM-së, Zoran Zaev, pasi kanë vendosur të mos e mbështesin propozimin që kryetari parlamenti të jetë Talat Xhaferi.

Gashi më tej tha se nuk e pengojnë procesin e zgjedhjes së kryetarit të Parlamentit dhe se ai mund të zgjidhet edhe pa ta, por vetëm duan të tregojnë se në këtë mënyrë dhe kushtëzime, qeveria e këtillë nuk do të jetë reformuese.

Sekretari i përgjithshëm i LSDM-së, Oliver Spasovski gjithashtu në “24 Analiza” në TV24 konfirmoi se BESA qëndron në shumicën parlamentare.


Zaev dhe Ahmeti kanë dakorduar strategjinë se si do të mblidhet Kuvendi


Shkup, 14 Mars, 2017 - 23:10 (META) 

Pas takimit, Ahmeti për Alsat M deklaroi se me Zaevin kanë biseduar për strategji me të cilën do të vihen në funksion të gjitha institucionet e shtetit.

“Është e domosdoshme që të gjendet mënyrë, me qëllimin më të mirë, se si të funksionojë organi më i lartë ligjvënës, Kuvendi i RM-së dhe si të vazhdojmë më tej me bisedimet për ndërtimin e institucioneve me të cilat duhet të udhëhiqet shteti”, tha Ahmeti.

I pyetur nëse është biseduar për vazhdimin e seancës konstituive të Kuvendit, Ahmeti pohoi se është biseduar për këtë strategji.

“Për këtë duhet biseduar me të gjitha forcat politike, të arrihet pajtueshmëri, që Kuvendi të fillojë me punë dhe të zgjidhen organet dhe komisionet parlamentare gjegjësisht që të vihet në funksion ky institucion i lartë i shtetit”, vuri në dukje Ahmeti.

I pyetur për formimin e qeverisë, Ahmeti ka deklaruar se më e ngutshme është rivënia në funksion e Kuvendit, më pas kreu i institucionit ligjvënës edhe zyrtarisht të njoftohet presidenti Ivanov për formimin e shumicës parlamentare dhe programin e qeverisë me qëllim të dhënies së mandatit..

“Është e domosdoshme çështja e konstituimit të Kuvendit. Të gjitha përpjekjet janë në drejtim që të vihet në funksion Kuvendi dhe të zgjidhen organet e Parlamentit, të bëhet kërkesë zyrtare nga Parlamenti, nga kryetari i Parlamentit të R. së Maqedonisë deri tek presidenti i shtetit, që të ndahet mandati për formimin e Qeverisë së re. S’mund të flitet për konstituim të një organi, pa pasur mandat. Do të thotë, fillimisht duhet t’i jepet mandati mandatarit e më pas të zhvillohen bisedime për resorët. Për ne më pak e rëndësishme është udhëheqja me resorët. Më e rëndësishme është mandati t’i jepet mandatarit të ri e më pas të flasim për ndarjen e resorëve”, deklaroi Ahmeti.


Osmani: Bankënotat dhe uniformat dygjuhësore nuk janë jokushtetues


Shkup, 10 Mars, 2017 - 17:20 (META) 

Edhe bankënotat dygjuhësore edhe uniformat do të jenë kushtetuese, deklaroi zëdhënësi i BDI-së, Bujar Osmani në deklaratë për Radio Evropa e Lirë pas konferencës së sotme të Zoran Zaevit. Lideri i LSDM-së, tha se ato do të ishin në kundërshtim me dispozitat kushtetuese gjegjësisht se kështu kanë sugjeruar ekspertët që i ka konsultuar partia e tij.

“Ne konsiderojmë se janë plotësisht në suazat e Kushtetutës siç janë pasaportat që përdoren në mbarë territorin, madje edhe jashtë janë në dy gjuhë me dekada të tëra”, deklaroi Osmani.

 


BDI do t’i hetoj të gjithë zyrtarët e partisë për shpërdorime


Shkup, 5 Mars, 2017 - 16:03 (META) 

Bashkimi Demokratik për Integrim sot ka njoftuar se në takimin e fundit të kryesisë së partisë është biseduar edhe për nevojën për reformim transparent në të gjitha nivelet e strukturat e BDI-së.

“Besimi i qytetarëve për zbatimin e premtimeve zgjedhore është realizuar me pjesëmarrjen pandërprerë në të gjitha kompetencat, që ka bërë eksponentët partiak të bëhen cak i kritikave të vazhdueshme, por gjithashtu edhe shpifjeve që përfshijnë akuza pa argument për korrupsion, nebuloza për tradhti nacional madje edhe akuza të kota për vrasje. Për ne, besimi i qytetarëve për kryetarin Ali Ahmetin dhe BDI është para se gjithash dhe për këtë, për zbardhjen e të vërtetës, BDI kërkon dhe do të angazhohet për hetim rrënjësor të aktivitetit të çdo funksionari nga viti 2002 deri më sot dhe dhënie llogarie për keqpërdorime të besimit partiak dhe pozitës zyrtare”, thuhet në njoftim.

Nga partia thonë se me këtë hap do të tregojnë angazhimin e fuqishëm për zbardhjen e së vërtetës dhe nismën për reforma për stabilitet dhe vazhdimin e BDI-së si vlerë nacionale, përmes eliminimit juridik dhe institucional të gjitha dyshimeve, por gjithashtu edhe shpifjeve të vazhdueshme tendencioze ndaj BDI-së.


Osmani: BDI do të shkoj në Qeveri me LSDM-në


Tetovë, 4 Mars, 2017 - 10:42 (META) 

Bashkimi Demokratik për Integrim në seancën e Kryesisë qendrore ka vendosur që të merr pjesë në Qeverinë e re e udhëhequr nga LSDM, shpjegoi mbrëmë zëdhënësi Bujar Osmani.

“BDI ka vendosur të respektoj vullnetin e qytetarëve dhe të merr pjesë në Qeveri. Kërkojmë Ivanovi të ndaj mandatin liderit të LSDM-së, Zoran Zaevit”, tha ai gjatë mbledhjet së Kryesisë qendrore në selinë në Reçicë të Vogël.

Sipas tij, ky është vullneti i shumicës së shqiptarëve në Maqedoni. Osmani vuri në dukje se BDI ngel e përkushtuar ndaj pikave të Deklaratës së shqiptarëve, për të cilën tha se është firmosur në Shkup. Ai tha edhe se Deklarata gjegjësisht Platforma, nuk cenon karakterin unitar të shtetit dhe nuk del jashtë Kushtetutës dhe Marrëveshjes së Ohrit.

 


BDI ia jep nënshkrimet LSDM-së, për koalicion do të mendojë


Tetovë, 25 Shkurt, 2017 - 0:37 (META) 

BDI do t’ia jep nënshkrimet LSDM-së për formimin e qeverisë së re, por këto nënshkrime nuk nënkuptojnë se BDI do të bëjë koalicion me LSDM-në. Këtë sonte e deklaroi zëdhënësi i partisë, Bujar Osmani gjatë kryesisë qendrore të BDI-së, që ende po mbahet. Osmani tha se kryesia qendrore vazhdon debatin, por nënshkrimet janë dhënë që të zhbllokohen disa procese dhe të ruhen afatet për caktimin e zgjedhjeve lokale.

“Tani japim mbështetje për mandat, që të zhbllokohen disa procese, sepse nuk është në interes të shtetit zgjedhjet lokale të anulohen. Por, kjo nuk do të thotë se kemi marrëveshje për koalicion. Nëse vendosim për pjesëmarrje në Qeveri, duhet të harmonizohen programet. Ka argumente PËR dhe KUNDËR dy opsioneve dhe nuk mund të them se a dominon njëri apo opsioni tjetër, por sonte nuk presim të marrim vendim të këtillë. Dhënia e nënshkrimeve nuk do të thotë marrëveshje për Qeveri, por do të thotë fillimin e një procesi të bisedimeve për Qeveri, nëse vendosim për opsionin e pjesëmarrjes në Qeveri”, deklaroi Osmani.

Ndryshe, sot pasdite zëdhënësi i BDI-së, Bujar Osmani deklaroi se kryesia qendrore në selinë e partisë në Reçicë të Vogël, sot ka shqyrtuar dy opsione. Njëri është BDI të jetë pjesë e koalicioni qeveritar në krye me LSDM-në ndërsa i dyti BDI të ofroj mbështetja për qeveri pakice, që në praktikë deputetët e tyre do të votonin në Kuvend për formimin e koalicionit shumicë, por partia të jetë në opozitë gjegjësisht përfaqësuesit e tyre të mos jenë pjesë e pushtetit ekzekutiv.

Sipas tij, synimi është që me këtë opsion të hidhen poshtë të gjitha dyshimet që dikush i ka rreth punës së BDI-së deri më tani, sepse siç tha, BDI nuk është vetëm parti politike, por edhe lëvizje.

Paraprakisht edhe lideri i BDI-së, Ali Ahmeti deklaroi se sot në kryesinë qendrore të partisë do ta shqyrtojnë opsionin BDI të jetë opozitë në përbërjen e ardhshme parlamentare.


BDI vendos: Nënshkrimet do t’ia jep LSDM-së


Tetovë, 24 Shkurt, 2017 - 23:39 (META) 

Kryesia qendrore e BDI-së, pas më shumë se dhjetë orë takim, sonte ka marrë vendim që t’ia jep nënshkrimet LSDM, tha para pak çaste në Reçicë të Vogël, para selisë së partisë zëdhënësi, Bujar Osmani.

 


VMRO DPMNE -Dankan: Do të ketë tensione, votuesit dhe kryesia jonë janë të shqetësuar


Shkup, 24 Shkurt, 2017 - 0:47 (META) 

“Jemi nën presion të madh nga votuesit dhe kryesia jonë që të luftojmë dhe të mos lejojmë të prishet parimi “fituesi me fituesin” sepse në esencë ne veprojmë si duhet tërë kohën dhe tani dikush nuk vepron si ne. Ne do të bëjmë çdo gjë që është në forcën tonë që të ruajmë qetësinë dhe stabilitetin, por s’dimë si do të ecin gjërat. Do të ketë tension, njerëzit janë të shqetësuar, kjo është tema kryesore në shtetin tonë”.

Ky është qëndrimi i VMRO DPMNE, që e ka theksuar lideri i partisë Nikola Gruevski, anëtari i Komitetit ekzekutiv, Nikola Poposki dhe sekretari i bashkëpunimit ndërkombëtarë, Aleksandar Nikolovski në takimin e sotëm me ministrin britanik për Evropë dhe Amerikë, Alen Dankan dhe ambasadorin e Britanisë së Madhe në vend, Çarls Garet.

“Ministri Dankan pyeti çfarë do të ndodhë nëse BDI vendos të shkojë me LSDM-në dhe partitë tjera më të vogla shqiptare, a do të jetë qeveri jolegjitime, ku nga VMRO DPMNE u theksua se në shoqërinë tonë kjo shihet si qeveri jolegjitime për shkak të parimit të zhvlerësuar “fituesi me fituesin” ndërsa në veçanti është problematike që BDI përmes këtij koalicioni dëshiron të bëj ligj jokushtetues për përdorimin e gjuhës shqipe…maqedonasit për këtë janë shumë të revoltuar sidomos pasi kjo bëhet në mënyrë jokushtetuese. Ne jemi të bindur se kjo qeveri mund t’i arrijë këto synimet në një atmosferë të këtillë. Për këtë propozuam se është mirë të ketë zgjedhje të reja parlamentare” thuhet në njoftimin e VMRO DPMNE-së për takim.

Ministri britanik, siç qëndron në njoftimin e VMRO DPMNE-së ka theksuar se “interes i përbashkët është që të realizohen synimet afatgjate të shtetit lidhur me prioritetet dhe interesat e saj”.

“Sa i përket formimit të Qeverisë, kjo nuk na takon neve. Kjo ju takon juve, është punë e partive”, ka thënë Dankan.

Në takim ambasadori Garet ka pyetur “cili do të ishte reagimi nëse VMRO DPMNE nuk bën qeveri me BDI-në gjegjësisht cilët do të jenë hapat e ardhshëm të VMRO DPMNE-së që të shpreh vullnetin e votuesve të vet, ku nga partia është thënë se “për këtë do të njoftojmë kur të marrin vendim si dhe kanë listë të gjatë të hapave, por se çfarë mund të veçohet nga kjo listë s’mund të thonë për momentin”.

Lidhur me PSP-në dhe rolin e saj, nga VMRO DPMNE theksuan se Specialja është shndërruar në degë partiake e LSDM-së, se merren me politikë e jo me drejtësi.