Ibrahimi: Qeveria nuk është reformuese, por me kriminelë të ricikluar, nuk votoj për të


Shkup, 30 Maj, 2017 - 16:42 (META) 

“A e dini i nderuari Zaev se cili është dallimi mes reformës dhe riciklimit? Nëse me reformë nënkuptoni se keni zgjedhur çfarë është mirë dhe sot është në taborin tuaj, kjo nuk është e mirë, por se keni bërë riciklim”, e ka porositur mandatarin Zoran Zaev, zv/ koordinatori i grupit të deputetëve të Besës, Zeqirija Ibrahimi.

Ibrahimi në fillim uroi Zaevin, por tha se nuk ka ndërmend të votoj për kabinetin e propozuar qeveritar.

“Ju vetë e thatë së PSP e ka gati padinë për ish ministrin e shëndetësisë nga koha e Gruevskit, andaj sot ju pyes: A e ka refuzuar ajo padinë ose ju e keni falur, z. Zaev. Më tregoni çfarë është ajo që e lidh fjalën reformë me këtë kuadër të BDI-së”, pyeti Ibrahimi.

Sipas deputetit të Besës, me emërimin e disa ministrave shqiptarë, Zaevi sikur t’i ketë dëgjuar Gruevskin dhe Mijalkovin dhe shqiptarëve të rinj u ka porositur: “Mund të vidhni, unë në fund do t’ju bëj zyrtarë dhe do t’ju fal”.


VMRO DPMNE nuk tregon nëse nesër do të merr pjesë në seancën parlamentare


Shkup, 29 Maj, 2017 - 12:15 (META) 

VMRO DPMNE ende nuk ka njoftuar nëse deputetët e tyre do të marrin pjesë në seancën e nesërme parlamentare ku duhet të debatohet lidhur me propozimin e Zoran Zaevit për qeverinë e re.

Seanca e nesërme është e para pas emërimit të Talat Xhaferi për kryetar kuvendi.

Përzgjedhjen e tij, VMRO DPMNE e quajti “jolegjitim, jokushtetues dhe në kundërshtim me Rregullore”.

Nga partia thonë se qëndrimin rreth seancës së nesërme do ta njoftojnë së shpejti, por janë të befasuar nga afati i shkurtë që u është dhënë deputetëve për t’u njoftuar me programin dhe përbërjen e Qeverisë.

Nga 27 prilli, Talat Xhaferi kishte takime kryesisht me ambasadorë

Ndryshe, Xhaferi dje nga mandatari Zaev pranoi propozimin për përbërjen e Qeverisë dhe programit për mandatin e saj. Deri tek kryetari i Kuvendit janë dorëzuar  15 minuta para mesnatës ndërsa Xhaferi menjëherë të dy dokumentet i ka dorëzuar deri tek deputetët ndërsa seancën për zgjedhjen e Qeverisë e ka thirrur për nesër në ora 11.

 


BDI propozon Likën, Osmanin, Saliun, Bektashin, Merkon dhe Durakun për ministra në qeverinë e re


Shkup, 28 Maj, 2017 - 14:48 (META) 

Kryesia e BDI-së në orët e vonshme dje ka marrë vendim që t’i propozoj Hazbi Likën, Bujar Osmanin, Bylent Saliun, Kreshnik Bektashin, Ramiz Merkon dhe Sadulla Duraku për ministra në qeverinë e re.

Hazbi Lika do të jetë kryeministër për sistem politik dhe marrëdhënie mes komuniteteve. Ai në vitet 2005-2009 ishte kryetari i komunës së Tetovës.

Zëdhënësi i BDI-së, Bujar Osmani do të jetë kryeministër për euro- integrime. Ai në vitet 2008-2011 ishte ministër i shëndetësisë.

Sadulla Duraku është propozimi për ministër i ambientit jetësor, për momentin është kryetar i komunës së Likovës ndërsa në Qeverinë e LSDM-së dhe BDI-së ishte ministër i bujqësisë.

Kreshnik Bektashi i cili deri më tani ishte promotor ekonomik në Bruksel do të jetë ministri i ri i ekonomisë, Bylent Saliu është propozuar për ministër i drejtësisë ndërsa Ramiz Merko ministër pa resor.

Lideri i BDI-së, Ali Ahmeti pas mbarimit të takimit deklaroi se është i kënaqur nga propozimet për ministrat e ri. Ai shtoi se mandati i ministrave do të jetë katër vite, pa marrë parasysh a i pëlqen kjo dikujt apo jo.

Në pyetjen e gazetarëve nëse pret Besa të jetë pjesë e Qeverisë së re, Ahmeti tha se këtë nuk mund ta dijë sepse ata bisedojnë me LSDM-në dhe Aleancës për Shqiptarë.

Zëdhënësja e BDI-së, Teuta Arifi tha se këto do të jenë ministrat e ri reformues që do t’i zbatojnë reformat e nevojshme. Ajo konfirmoi se nuk do të jetë pjesë e qeverisë së re dhe se sërish do të kandidohet për kryetare të Tetovës, sepse siç tha, dëshiron t’i zgjidh problemet e tetovarëve.


Zaevi dhe Ahmeti janë dakorduar që të merren vesh në mënyrë më intensive


Shkup, 19 Maj, 2017 - 17:02 (META) 

Lideri i LSDM-së dhe mandatari Zoran Zaev dhe kreu i BDI-së, Ali Ahmeti sot nuk kanë biseduar për zgjidhjet kadrovike të ministrive resor dhe kjo temë është lënë për takimet e radhës, thuhet në njoftimin e shkurtë të LSDM-së pas takimit të dy liderëve.

Temat e takimit të sotëm, që është e para në suazat e bisedimeve mes LSDM-së dhe BDI-së për formimin e qeverisë së re, kanë qenë parimet e bashkëpunimit, qeveria reformuese dhe integrimet në NATO.

“Në periudhën e ardhshme do të intensifikohen dinamika dhe bisedimet mes dy partive, përfshirë edhe partitë që kanë dhënë mbështetjen për përbërjen e qeverisë së re të RM-së, pas çka do të kalohet në zgjidhje konkrete për ministritë resorë”, thuhet në kumtesën e LSDM-së për takimin.


Ahmeti largohet nga LSDM pa dhënë deklaratë, thotë se do të ketë njoftim


Shkup, 19 Maj, 2017 - 16:39 (META) 

Më shumë se dy orë ka zgjatur takimi i sotëm mes liderit të LSDM-së, Zoran Zaev dhe kreut të BDI-së, Ali Ahmeti, në selinë e LSDM-së në kuadër të bisedimeve mes partive për përbërjen e qeverisë së re.

Ahmeti në selinë e LSDM-së ka arritur në 12 e 30 minuta ndërsa është larguar më 14 e 45 minuta. Kreu i BDI-së edhe gjatë largimit nuk u prononcua për mediat dhe vetëm shkurtë deklaroi se partia do të del me kumtesë për rrjedhën e bisedimeve të sotme për përbërjen e Qeverisë.

Pas takimit me Ahmetin, duhet të vijojnë edhe bisedime me përfaqësues të partive tjera nga shumica e re formuar gjegjësisht me Aleancës për Shqiptarë dhe Besën.

Pritet bisedimet të vazhdojnë edhe gjatë fundjavës.


BDI ndjen keqardhje për vrasjen e Idrizit dhe kërkon zbardhjen e rastit


Tetovë, 6 Maj, 2017 - 15:56 (META) 

Bashkimi Demokratik për Integrim kërkon institucionet përgjegjëse të zbardhin motivet për vrasjen e kryetarit të komunës Bogovinjë, Hazbi Idrizi, që sipas asaj që thuhet në njoftim, një asnjë rast nuk është provokuar.

“BDI është tronditur sot thellë nga lajmi për vrasjen e anëtarit të familjes sonë dhe Kryetarit të Komunës së Bogovinës Hazbi Idrizi gjatë kryerjes së punës së tij zyrtare në shërbim të qytetarëve”, thuhet ne letrën e ngushëllimit të BDI-së”, thuhet në kumtesën e BDI-së.


Ambasadorët Ahmetit ia kanë konfirmuar mbështetjen për formimin e qeverisë së re


Tetovë, 3 Maj, 2017 - 23:06 (META) 

Lideri i Bashkimit Demokratike për Integrim, Ali Ahmeti sot në selinë e partisë në Reçicë të Vogël të Tetovës ka realizuar takim me ambasadorin e Britanisë së Madhe Çarls Garet, të Holandës Vauter Plomp, Suedisë Mats Stefanson dhe me Marko Akvatiçi nga ambasada e Gjermanisë, njoftojnë nga partia.

“Në takim mysafirët përshëndetën zgjedhjen e Kryeparlamentarit nga mazhoranca e re në Kuvendin e Maqedonisë si dhe rikonfirmuan mbeshtetjen e plotë të BE­së, për sa i përket formimit sa më të shpejtë të institucioneve ekzekutive, që vendi përmes qeverisë së re reformuese të vazhdojë sa më shpejtë rrugën e proceseve integruese drejt BE-së dhe NATO-s”, njoftojnë nga BDI.

 


Talat Xhaferi emërohet për kryetari kuvendi, protestuesit futen në institucionin ligjvënës


Shkup, 27 Prill, 2017 - 20:17 (META) 

Shumica parlamentare sot pasdite ka zgjedhur deputetin e BDI-së, Talat Xhaferi për kryetar të ri të Kuvendit të RM-së.

Kryesues i seancës konstituive ishte deputeti Ferid Muhiq, si deputeti më në moshë në Kuvend sepse më i moshuari Branko Manojlovski, nuk ishte prezent. Muhiq për zëvendës të tij zgjodhi Goran Misovskin dhe Xhevat Ademin ndërsa zgjedhjen e Xhaferit për kryesues e udhëhoqi Misovski ndërsa në prapavijë në sallën plenare, deputetët e VMRO DPMNE-së brohoritnin “kjo është puç” dhe “turp” duke kënduar himnin e Maqedonisë.

Pasi i emëruar me 61 vota “për”, Xhaferi dha deklaratë solemne dhe firmosi, pas çka u drejtua në gjuhën shqipe. Për zgjedhjen e Xhaferit nuk votuan deputetët e Besës dhe PDSH-së.

Pas emërimit të tij, qytetarët që protestonin nën patronazhin e nismës “Për Maqedoni të Përbashkët” dhe që ishin para hyrjeve kryesore të Kuvendit, u futën brenda.

Policia rreth godinës së Kuvendit tash për tash është në numër të vogël, por sipas të dhënave jozyrtare, njësitet speciale me autoblinda janë drejtuar drejt Parlamentit.


Ahmeti- Timonie: VMRO DPMNE dhe LSDM pa anulim të gjejnë zgjidhje të krizës


Shkup, 20 Prill, 2017 - 16:28 (META) 

Lideri i BDI-së, Ali Ahmeti sot në Tetovë ka pasur takim me ambasadorin e Francës në vend, Kristian Timonie ku, siç njoftojnë nga partia, është biseduar për situatën politike në vend, rrethanat gjeopolitike dhe mundësitë për tejkalimin e krizës politike dhe institucionale.

Ahmeti në takim ka shpalosur “të gjitha hapat konstruktiv që BDI i ka marrë për dalje nga kriza ndërsa në përputhje me pritjet e qytetarëve dhe komunitetit ndërkombëtar”.

BDI si parti fituese tek shqiptarët dhe përcaktuese në këtë mandat, i dha përkrahjen vendimtare shumicës së re reformuese parlamentare për të formuar një Qeveri e cila do të zbaton agjendën dhe programin e paracaktuar nga komuniteti ndërkombëtar nëpërmjet zbatimit të përpiktë të reformave në gjyqësor, rrumbullakësimit të Marrëveshjes së Ohrit, integrimit euroatlantik” ka thënë Ahmeti.

Ai ka njoftuar Timonien se BDI ka vazhduar me përpjekjet shtesë për tejkalimin e krizës dhe se i ka ftuar dy partitë kryesore politike të bllokut maqedonas të përfshihen pa anulim në gjetjen e zgjidhjet për shkak të qetësisë, stabilitetit dhe sigurisë së qytetarëve.

“Çdo vonesë paraqet mundësi për kundërshtarët e rrugës sonë drejt integrimit në NATO dhe BE për të shtruar ndikimin e tyre dhe për të thelluar hendekun midis qytetarëve të vendit tonë” ka thënë më tej Ahmeti në takim me Timonie.


Në shtabin e BDI-së, flamuri maqedonas shtyhet anash për takimin me Bilt


Tetovë, 18 Prill, 2017 - 17:09 (META) 

Ish shefi i diplomacisë suedeze, Karl Bilt i cili sot po zhvillon sërë takimesh me liderët politik në vend, me siguri pa qëllim, duke dashur të postojë fotografi në Twitter se ka arritur në shtabin e BDI-së në Reçicë të Vogël në Tetovë, ilustroi se ku BDI e mban flamurin maqedonas.

Në podiumin i cili është në kornizat e sallës për takime janë të gjitha flamujt, i BE-së, i SHBA-së, ai shqiptar, i BDI-së madje edhe i Kosovës, vetëm flamuri i Maqedonisë shikon në mënyrë të turpshme nga prapavija.

Në pyetjen e “Meta” pse flamuri maqedonas është vendosur atje, zëdhënësi i BDI-së, Bujar Osmani, u përgjigje me kundër- pyetje: “Si mendoni, pse është vendosur”?

Në pyetjen e “Meta” pse flamuri maqedonas është vendosur në qosh, pas flamujve tjerë”, Osmani shkurt tha: “Ka ngelur”.