!Në periudhën që vijon, punojmë në vendosjen e sistemit për qasje dhe parapagesë. Për mënyrën e qasjes dhe parapagesës, do të njoftojnë në mënyrë plotësuese. Tekstet e “Meta” deri atëherë, janë të lira për marrje, por duke e treguar citimin nga ku është marrë lajmi.

Gruevski dhe Veljanovski në Kuvend në takim me deputetët e koalicionit të VMRO DPMNE-së


Shkup, 2 Maj, 2017 - 14:46 (META) 

Deputeti i VMRO DPMNE-së, Antonio Miloshoski në profilin e tij në Facebook shpërndau fotografi nga deputetët e Koalicioni për Maqedoni më të mirë nga kabineti i kryetarit të Kuvendit, ku shihet se në krye qëndrojnë kryetari i deritanishëm Trajko Veljanovski ndërsa pranë tij shihet lideri i VMRO DPMNE-së, Nikola Gruevski.

Miloshoski shkroi se deputetët kanë qenë aty që t’i “afirmojnë” qëndrimet që partia vazhdimisht i përsërit gjegjësisht se çdo deputet ka mandat dhe obligim “që t’i respektoj dhe t’i mbroj” Rregulloren, ligjet dhe kushtetutën, se përpjekja për zgjedhjen e kryetarit të Kuvendit me shkeljen e Rregullores dhe ligjeve është joligjore, si dhe Maqedonisë në këto kohëra të ndjeshme nuk i duhet kryetar joligjor të Kuvendit, qeveri joligjore dhe krijimin e presedencave të rënda politike.

Miloshoski shkroi edhe se “as dhuna politike, as dhuna fizike në Kuvend nuk arsyetohen, e as për disa individë të dhunshëm nuk duhet i tërë populli paqedashës të quhet terrorist”.


VMRO DPMNE prezantoi “Manifestin për Maqedoni të vetme”


Shkup, 2 Prill, 2017 - 17:50 (META) 

Anëtarët e Komitetit Ekzekutiv të VMRO DPMNE-së, Antonio Miloshoski, Nikola Poposki dhe Ilija Dimovski sot prezantuan manifestin për Maqedoninë e vetme, në hapësirat e Qendrës për komunikim të VMRO DPMNE-së.

Në këtë dokument paraqitet “vizioni” i partisë për shtetin, i cili siç thuhet “paraqet vend të vetëm amë të maqedonasve, ku të bashkuar jetojnë të gjithë qytetarë që janë pjesë e popujve shqiptar, turk, vllah, serb, rom, boshnjak etj”.

Sipas Miloshoskit “udhërrëfyesi” që u promovua para disa ditëve ka të bëjë me gjendjen aktuale politike dhe tejkalimin e krizës ndërsa “manifesti” është dokument me udhëzime, parime dhe dispozita që kanë të bëjnë me sundimin në 15 vitet e ardhshme.

“Parimi i parë është bashkimi rreth interesit nacional, parimi i dytë është integrimi në një shoqëri, parimi i tretë është sundimi i të së drejtës dhe parimi i katër është ekonomia e tregut për standard më të mirë të çdo qytetari”, deklaroi Miloshoski.

Për realizimin e misionit, anëtari i Komitetit Ekzekutiv, Nikola Poposki theksoi vendosjen e dialogut të rregullt mes çdo pushteti dhe opozite për çështjet me interes nacional.

Lidhur me emrin, tha se nuk do të pranohet ndryshimi i Kushtetutës me qëllim të ndryshimit të emrit kushtetues.

Anëtari tjetër i Komitetit, Ilija Dimovski tha se patjetër duhet zbatuar regjistrimi që në mënyrë cilësore të planifikohen politikat si dhe për dialog konstruktiv të temave ndëretnike.


Miloshoski: Mandati i PSP-së skadon në qershor dhe ne i dëshirojmë çdo të mirë- deri në qershor


Shkup, 20 Shkurt, 2017 - 13:34 (META) 

Ambasadori i SHBA-së në Maqedoni, Xhes Bejli në intervistë për “Sitel” deklaroi sw qëndrimi i komunitetit ndërkombëtarë është se nevojitet vazhdimi i mandatit të PSP (afati për përfundimin e hetimeve dhe ngritjen e aktakuzave, v.j). Deputeti dhe anëtari i Komitetit ekzekutiv i VMRO DPMNE-së, Antonio Miloshoski mbrëmë në intervistë për median e njëjtë tha se afati prej 18 muajve është propozuar nga komuniteti ndërkombëtarë dhe Bejli, si përfaqësues gjatë bisedimeve mes partive politike në Klubin e deputetëve në vitin 2015.

Ambasadori amerikan në intervistë tha se kur është firmosur marrëveshja për formimin e PSP-së askush nuk ka qenë i vetëdijshëm me çfarë materiali po ballafaqohet ky institucion. Ndërsa Miloshoski deklaroi se Bejli mirë e ka ditur çështjen e PSP-së sepse ai ka qenë i përfshirë në bisedime.

“LSDM atëherë propozoi mandati i PSP-të të jetë 3 vite, VMRO DPMNE doli me propozim që të jetë 1 vit, propozimi i komunitetit ndërkombëtarë ku Bejli është përfaqësues ishte 18 muaj. Për momentin ne kemi rast ku dikush konteston, e vë në pikëpyetje mandatin që vet e ka propozuar për PSP-në. Mandati skadon në qershor dhe ne i dëshirojmë çdo të mirë deri në qershor, të shohim sa janë të aftë dhe çfarë mund të dëshmojnë” deklaroi Miloshoski.


Milloshoski: Zaevi po e vazhdon krizën dhe tenton me dhunë të merr pushtetin


Shkup, 23 Dhjetor, 2016 - 19:04 (META) 

Thuajse dy javë pas zgjedhjeve kur të gjithë qytetarët i dinë më rezultatet zgjedhore, Zoran Zaev edhe më tej tenton të manipuloj, deklaroi anëtari i Komitetit Ekzekutiv i VMRO DPMNE-së, Antonio Milloshoski në konferencën e sotme.

“Jo që Zaevi nuk e din se kush fitoi e kush humbi në zgjedhje, ai shumë mirë din, por supozojmë se dikush prej lartë, siç ai komunikon me SMS porosi i ka thënë të sillet në këtë mënyrë. Fakti që ka thirrje për 24 dhjetor të zi, situata të mëhershme të krizës, vetëm tregon se synimi i Zaevit është që me veprimin e tij ta mbaj gjallë krizën në Maqedoni, që ai vet e krijoi” – deklaroi Milloshoski.


Shilegov: Dëshmitari i LSDM-së do të jetë Zaevi dhe do të flas në seancë të hapur


Shkup, 15 Dhjetor, 2015 - 20:56 (META) 

Kryetari i Komisionit Anketues për skandalin e përgjimit, Petre Shilegov, sot paralajmëroi se dëshmitari i parë që do ta thirr LSDM-ja në seancën e ardhshme për të dëshmuar do të jetë lideri i partisë, Zoran Zaev.

Siç paralajmëroi, kryetari i komisionit, Zaev, do të flas në seancë publike.

Shilegov, duke u përgjigjur në pyetje të gazetarëve në seancën e djeshme të komisionit, kryeministri Nikolla Gruevski ka refuzuar t’iu përgjigjet pyetjeve lidhur me “bombat”.

Deputeti dhe anëtari i komisionit nga radhët e VMRO- DPMNE-së, Antonio Milloski, ndërkaq duke iu përgjigjur pyetjeve të gazetarëve, tha se nuk është i sigurt se dëshmia e ministrit të financave, Zoran Stavrevski, e cila është caktuar kësaj jave, të enjten, do të jetë e fshehtë.

Mirëpo, siç tha kanë pasur marrëveshje se të gjithë dëshmitarët që do t’i thirr VMRO- DPMNE-ja, të dëshmojnë me dyer të mbyllura, sepse disa anëtarë të komisionit “kanë pasur dëshirë që para kamerave të bëjnë drama dhe të tërheqin vëmendje”.


(VIDEO) Spiraki me shigjeta “helmuese” ndaj Miloshoskit


Strazburg, 28 Nëntor, 2014 - 11:12 (META) 

Vazhdohet të ashpërsohet diskutimi ndërmjet eurodeputetes greke Maria Spiraki dhe ish shefit të diplomacisë maqedonase, Antonio Miloshoski, Eurodeputetja nga radhët e Demokracisë së Re,që është pjesë e Komitetit të përzier BE-Maqedonia, nuk e heshti thirrjen e Milloshoskit në shenjë të fqinjësisë së mirë, bashkë të ngjiten në Olimp dhe të valojnë flamujt e dy shteteve, por riktheu me një reagim tjetër lidhur me fushatën  malore, kur në majë të Mitikasi u fotografua me flamurin e Vergjinës.

Kuptoj se e pranuat se sjellja jua e mëhershme me flamurin me diellin e Vergjinës ishte e papranueshme. Dhe siç duket  nuk është konsistente me pozitën tuaj. Konsideroj se ky progres në këtë moment- thotë Spiraki në reagimin që ja dërgoi Miloshoskit.

Në reagim, Spiraku kujton Miloshoskin se flamuri zyrtar është ajo që është e pranueshme në Marrëveshjen e përkohshme, dhe siç duket propozimi i tij të hipën dhe të valëvisin flamujt mbi Olimp do të jetë edhe flamuri grek dhe ai maqedonas nga Marrëveshja e Përkohshme, në komentin plotësuese, me një dozë ironike, Spiraki thekson se shpreson që qëdnrimite e Miloshoskit nuk lidhen me idenë irredentiste për “Maqedoninë e Madhe”.

“Do të doja të shpresojë se ajo që doni Olimpin  nuk lidhet me atë që shpesh përmendni në mediumet  tuaja se mali grek është kufiri natyror i “Maqedonisë së Madhe”, për të cilën ëndërrojnë persona të caktuar të shtetit tuaj- nënvizon eurodeputetja greke e cila deri para zgjedhjeve evropiane punonte si gazetare në televizionin grek “Mega”.

Ish gazetarja hodhi edhe një shigjetë tjetër helmuese drejt Miloshosit, duke komentuar se porosia e tij, në fakt është pranim indirekt, sepse fotografimi me diellin  Vergjinës, është ngjarje që trondit opinion politik grek, nuk do të përsëritet, hap i cili sipas saj, është hap i madh për marrëdhënie të mira fqinjësore.