fbpx

Partnerët e koalicionit mbështetën Gruevskin, por janë të pakënaqur platformën shqiptare

-

Kreu i VMRO DPMNE-së, Nikola Gruevski mbajti takim me liderët e partive politike të koalicionit “Për Maqedoni më të mirë”, ku tema kryesore kanë qenë rezultatet zgjedhore.

“Tema kryesore ishte analizimi i rezultateve zgjedhore gjegjësisht të gjithë përfaqësuesit e partive politike i treguan pikëpamjet e tyre rreth angazhimeve dhe rezultateve për atë që ndodhi në R. e Maqedonisë në ditën e zgjedhjeve. U shpalosën ide të ndryshme se si duhet vepruar më tutje koalicioni, ku u vërtetua legjitimiteti i përgjithshëm që kreu i VMRO-së tani si mandatar e ka nga koalicioni “Për Maqedoni më të mirë” deklaroi Ilija Dimovski anëtari i Komitetit ekzekutiv i partisë.

Lidhur me platformën e përbashkët të partive shqiptare dhe bisedimet e paralajmëruara me BDI-në, Dimovski tha se drejtimet e bisedimeve janë pjesë përbërëse e programit zgjedhor të VMRO DPMNE-së dhe koalicionit.

“Nëse më pyetni për pozicionet e BDI-së, do të doja të them se ne i kemi saktësuar qëndrimet tona përmes intervistës së kryetarit Gruevski. Në takimin e sotëm ishte e qartë mospajtimi, sidomos nga ana e përfaqësuesve të partive politike të cilët përfaqësojnë komunitetet më të vogla etnike lidhur me platformën dhe shndërrimin e diskutimit në dialog binacional mes komuniteteve etnike” tha më tej Dimovski.

Megjithatë, ai nuk saktësoi se kur do të fillojmë bisedimet me BDI-në për formimin e qeverisë.

“Afatet janë të qarta, kështu që mendoj se s’ka asgjë kontestuese në këtë” tha Dimovski.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.