Lideri i VMRO DPMNE-së, Nikola Gruevski sot ka konfirmuar se partitë politike janë marrë vesh që zgjedhjet lokale të mbahen më 15 tetor këtë vit dhe menjëherë apeloi që së bashku me to, të mbahen edhe zgjedhjet e reja parlamentare.
“Besoj që gjërat do të shkojnë në drejtim të duhur, 15 tetori është afati më i ri që LSDM mund ta pranonte në këto bisedime dhe shpresoj që VMRO DPMNE, si fituese në zgjedhjet parlamentare do të del sërish fituese edhe në këto zgjedhje lokale. Edhe njëherë apeloj për organizim të zgjedhjeve të parakohshme parlamentare për ditën e njëjtë-15 tetor”, ka thënë Gruevski duke u përgjigjur në pyetjet e gazetarëve, gjatë vizitës në Kisela Vodë.
Ai më tej ka shtuar se shpreson që LSDM këtë herë nuk do ta ndryshoj datën dhe të kërkoj arsye për anulim.
